Sondige natuur is aangebore

11 October 2018 | Rubrieke
Nooit sou ek vermoed daar is so ’n lang lys doodsondes afgesien van die eerste sewe nie.

#TheEighthDeadlySin.

Jy mag nie jou naaste se Wi-Fi begeer nie, en die gebod wat hieraan gelykstaande is: Jy mag nie jou naaste se kar Corvette nie.

Jy mag nie vir ’n vrou vra in watter gewigsklas sy is nie, tensy jy, soos ek, ’n sportjoernalis en sy ’n bokser is.

Jy mag nie vir ’n vrou sê sy moet kalmeer nie. Moet ook nie die woord “histeries” gebruik nie. Dis nou tensy jy haar weergawe van Serena versus Naomi in die Amerikaanse Ope tenniseindstryd wil sien. Ons het al te veel goeie manne verloor wat só doodgewurg is.

Jy mag nie klimaatsverandering ontken nie. Hou op lewe asof die aarde ’n Planeet B het.

Jy mag nie doen wat jy vroeër vandag gedoen het nie. En gister, en die vorige dag.

Jy mag nie met die Kardashians byhou nie. (Gehoor, vroulief?)

Jy mag nie pynappel op ’n pizza sit nie. Ook nie andersom nie.

Jy mag nie die sameroeper wees van ’n eindelose vergadering wat eintlik ewe goed ’n e-posboodskap kon gewees het nie.

Jy mag nie in ’n nederige stemtoon spogkla nie, met ’n humble brag soos: “Jy sal nie glo nie, ek moes laas week amper N$17 000 kontant betaal om my kar se regterkantse spieël te vervang. . .”

Op sosiale media mag jy mag nie spelfoute maak nie, maar jy mag ook nie oordeel oor mense wat jy nie ken nie. Maar die vernaamste oortreding wat jy kan pleeg (naas kettingboodskappe aanstuur), is om vir iemand ’n lang antwoord te skryf en hom vir 15 minute te laat staar na. . . en dan vee jy dit uit en stuur dit nie.

Wenk: As jy haastig is, doen dit vir nege minute en stuur net ’n “k”.

Jy mag nie teen jou tuisdorp se span skree nie. Addendum A: Jy mag hulle ook nie op sosiale media slegsê nie.

Jy mag nie ’n liter of ’n tweeliter terug in die yskas sit met minder as ’n slukkie oor nie.

Jy mag nie gedagtes koester dat Pepsi beter as Coke is nie.

Dié twee is so vanselfsprekend dat ek seker is niemand doen dit óóit nie: Jy mag nie vir jou eks ’n boodskappie stuur terwyl jy gesuip is nie, en verál nie dronk bestuur nie.

Jy mag nie sonder rede ongeskik wees nie. Ja, jy. Koolkop.

Jy mag nie die badkamer verlaat sonder om jou hande te was nie.

Jy mag nie praat oor Fight Club nie.

Het jy geweet die agtste dodelike sonde moes om finansiële redes uit die finale fliekweergawe van Se7en gesny word? Blykbaar is dit ook ’n doodsonde om te hoop die opvolgfliek Ei8ht is binnekort op pad.

Jy mag nie weier om iemand te vergewe as hy/sy nederig verantwoordelikheid aanvaar en ’n verskoning aanbied en vra hoe hy/sy die saak kan regstel nie. Hierdie een is in werklikheid nié ’n grappie nie. Dis in die Bybel en Jesus se woorde en Hy het dit inderdaad selfs nóg eenvoudiger gestel. Soek dit op.

As jy Mike Pence is, mag jy nie onrein gedagtes sonder Moeder se toestemming hê nie.

Jy mag nie kop in een mus met Rusland wees, of vir Ivanka Trump begeer as sy jou dogter is, of die huidige Amerikaanse president sonder toesig van ’n volwassene laat nie.

As jy dom is, moet jy net slim wees.

Soortgelyk

 

Geingob en Lubowski kap mekaar

10 ure gelede | Plaaslik

Denver Kisting – Pres. Hage Geingob sê openbare beweringe deur die weduwee van mnr. Anton Lubowski is lasterlik.In ’n ope brief deur me. Gabrielle Lubowski...

Geen geld vir Kalahariwoestyn-slagoffer

10 ure gelede | Polisie

Denver Kisting – ’n Vriend van wyle mnr. Fambauone Black (22), die Kalahariwoestyn-slagoffer, sê daar’s geen geld om sy oorskot na Zimbabwe terug te neem...

Vroue, vrede en veiligheid

10 ure gelede | Ministeries

Augetto Graig - Die nasionale plan van aksie vir 2019 tot 2024 vir vroue, vrede en veiligheid is gister amptelik in Windhoek van stapel gestuur....

Weer vir 20 Junie

10 ure gelede | Weer

BINNELAND: Mooi weer en matig tot warm, maar dit sal warm oor die Namib en die verre Noorde wees. Winderige toestand sal oor die binneland...

Polisiebaas besing Operasie Kalahari se lof

10 ure gelede | Misdaad

Denver Kisting – Dis jammer ’n lid van die publiek het tydens die operasie gesterf, maar die veldtog duur voort.Só het die nasionale polisiebaas, lt.genl....

Geen politieke vergaderings by skole

10 ure gelede | Ministeries

Geen skool mag onder enige omstandighede vir politieke vergaderings en veldtogte of fondsinsamelings vir politieke gewin gebruik word nie. Ook mag leerlinge nie op skoolgronde...

Skoleveiligheidsveldtog

10 ure gelede | In beeld

TrenTyre Namibia, met die ondersteuning van Goodyear SA, het ’n skoleveiligheidsveldtog van stapel gestuur. Volgens mnr. Henrico Du Plessis, TrenTyre Namibia se uitvoerende hoof, is...

Byna twee miljoen vir Nyae Nyae

10 ure gelede | Omgewing

Namibië se Omgewingsbeleggingsfonds (EIF) het onlangs meer as N$1,9 miljoen aan die Nyae Nyae-bewaringsgebied beskikbaar gestel vir brandbeheer en die bestuur van waterbronne. Die...

Lesersfoto's 20 Junie 2019

10 ure gelede | Lesersfoto's

Lesersfoto's 20 Junie 2019