Sondelorrie breek muur af

16 June 2017 | Plaaslik
Des Erasmus - Die voortslepende stryd tussen inwoners van Omaruru en karweiers met beweerde Chinese konneksies het opnuut opgevlam toe een van die padreuse se wiele uitgeval het en deur ‘n muur voor ‘n huis gebars het.

Die vragmotors vervoer massiewe granietblokke van groewe naby die Omatjete-nedersetting noordwes van Omaruru na klipwerke voor Walvisbaai waar ‘n oorlaaiery na normale vragte dan vir uitvoer deur die hawe gedoen word. Besware deur die inwoners van Omaruru is dat die padmonsters dikwels snags deur die dorp beweeg met ‘n gepaardgaande lawaai. Daar word openlik beweer dat dit ná donker gedoen word om hul weë nie met dié van verkeersinspekteurs te laat kruis nie.

Nog beweringe is dat die lorries ver bo hul dravermoë gelaai word. Juis ‘n oorlaaiery het glo aanleiding gegee daartoe dat een van die sleepwaens in die middel van sy bak op straat geknak het. Ander het op straat gestaan nadat van die buitebande onder die oorlaaide vragdraers geswig het.

Van Omaruru na die klipwerke naby Walvisbaai word glo ook verskillende roetes gevolg om wetstoepassers te vermy. Die oorlaaiery word dan voor die Walvisbaaise weegbrug gedoen.

Beweringe op Omaruru is dat daar wel met verkeersinstansies geskakel is, maar toe is gesuggereer dat daar nie opgetree kan word nie omdat daar benewens die Chinese ook ander belangegroepe is.

Oor die vragwa se wiel wat deur die muur gebars het, word gesê die dravermoë van die ou grote word op die bakwerk aangedui as 28 ton. Die gewig van die granietblokke word eweneens op die rots aangedui. Dit was 48 ton.

Soortgelyk

 

Hage kuier by prins William

6 ure gelede | Regering

Denver Kisting - President Hage Geingob het vanoggend die hertog van Cambridge, prins William, in Engeland ontmoet. Lees môre die volledige berig in Republikein....

Vrou van Rehoboth sterf in ongeluk

9 ure gelede | Ongelukke

Die 47-jarige Regina Alberta Johannes het Dinsdag in ’n ongeluk op die Rehoboth-Kalkrandpad gesterf. Volgens die polisie se koördineerder van misdaadondersoeke in die Hardapstreek het...

Inbrekers steel derduisende by SKW

9 ure gelede | Misdaad

Denver Kisting – Kommissaris Silvanus Nghishidimbwa, die polisie se bevelvoerder in die Khomasstreek, het bevestig diewe het Maandag N$220 000 in kontant by SKW in...

Kitsvloed eis ma en kleuter

22 ure gelede |

Henriette Lamprecht – ’n Kitsvloed in ’n informele nedersetting in Windhoek het Maandag die lewe van ’n ma en haar kleuterseun geëis nadat dit die...

Geliefde dokter verdrink in see by Kleinmond

22 ure gelede | Mense

Henriette Lamprecht 'n Geliefde dokter wat vir jare as ortopediese chirurg in Windhoek werksaam was, is die naweek op 'n gewilde vakansiedorp in die...

Tsumeb-gemeenskap ruk op oor polisiebaas

22 ure gelede | Misdaad

Catherine SasmanInwoners van Tsumeb het 'n emosionele betoging voor die polisiekantoor op die dorp gehou om te eis dat hoofinsp. Bernhard Nghuulivali 'n regverdige verhoor...

Pendelaars ure lank in verkeer vasgekeer

22 ure gelede | Misdaad

Tanja Bause - Verkeer op die hoofpad tussen Rehoboth en Windhoek is gisteroggend erg ontwrig toe ’n vragmotor en ’n bakkie in ’n kop-teen-kop-botsing betrokke...

Vermeende olifantstroper doodgeskiet

22 ure gelede | Misdaad

Francoise Steynberg - 'n Vermeende olifantstroper is Saterdag in die Bwabwata Nasionale Park doodgeskiet en sy makkers het in hul vlugtog glo olifanttande, gewere en...

Namibië bekommerd oor Sirië

22 ure gelede | Ministeries

Die adjunk- eerste minister en minister van internasionale betrekkinge en samewerking, me. Netumbo Nandi-Ndaitwah, het namens die regering diepe kommer oor die jongste verwikkelinge in...