Somer sonder swem

Geen lewensredders

19 December 2018 | Regering
Denver Kisting – Windhoekers se openbare swembaddens is toe, omdat daar tans geen lewensredders beskikbaar is nie.

Dit bring mee dat inwoners en besoekers, wat in die hoofstad se openbare swembaddens lafenis sou wou soek, voor dooiemansdeur sal beland.

’n Bondige verklaring by die ingang van die swembad in Olympia, in veelvoud gedruk, lui: “Neem asseblief kennis: Die swembad sal vir die publiek gesluit wees weens geen lewensredders. Ons vra om verskoning vir ongerief.”

Republikein verneem op goeie gesag brandweerpersoneel, wat tot onlangs aanvullend diens gedoen het as lewensredders, het die streep getrek.

Die doring in hul vlees is dat die Windhoekse stadsraad (CoW) hulle nie wil betaal vir dié ekstra werk op die skaal van hul poste nie.

Die brandweerpersoneel is nie hiervoor te vinde nie.

Twee lesers het gister op die koerant se “Praat Saam”-blaaie hul misnoeë met die stand van sake te kenne gegee.

Een wou weet: “Hoe op aarde is dit moontlik dat die openbare swembad in Olympia wéér toe is? Weens die feit dat daar geen lewensredder beskikbaar is nie? Weer? Wie is verantwoordelik vir hierdie gemors? Dit is regtig onaanvaarbaar! CoW, verduidelik! Baie dankie!”

CoW het die afgelope week by monde van mnr. Harold Akwenye, sy woordvoerder, ontken daar is ’n geskil binne sy departement van ekonomiese ontwikkeling en gemeenskapsdienste, waaronder die brandweer en ontspanningsdienste val.

Maar, sê Akwenye, die besluit om die oortyd vir lewensredders kragtens die salarisskaal van ’n lewensredder te betaal, is geskoei op ’n posevaluering. “Dit beteken alle lewensredders se oortydeise word uitbetaal kragtens die posvlak van ’n lewensredder ongeag die posvlak van die werknemer.”

Akwenye sê CoW is terdeë bewus van die risiko’s om die swembad oop te maak sonder lewensredders en sal derhalwe geen kanse waag nie.

Hy gee geen aanduiding oor tydsduur nie, maar beklemtoon die huidige toedrag van sake sal geld solank daar geen lewensredders is nie.

Volgens Akwenye is vier permanente lewensredderposte geskep en in die huidige boekjaar goedgekeur.

Vanweë die finansiële verknorsing is die verwagting egter dat net twee van dié poste vroeg in 2019 geadverteeer sal word “om die tekortkoming van lewensredders by swembaddens uit te wis (sic)”.

Volgens Akwenye het verskeie mense die afgelope klompie jare amper verdrink, maar is betyds gered.

Soortgelyk

 

Mense uit 33 lande onder 157 rampslagoffers

48 minute gelede | Ongelukke

Ronelle Rademeyer - Sover bekend was daar nie enige Namibiërs op rampvlug ET302 van Ethiopian Airlines nie.Familielede wat passasiers van die Ethiopiese lugdiens se vlug...

Ethiopiese vliegtuig met 157 aan boord stort neer

3 ure gelede | Ongelukke

‘n Boeing 737 van Ethiopian Airlines het vanoggend onderwegvanaf Addis Ababa na Nairobi in Kenia neergestort.Die Ethiopiese eerste minister, Abiy Ahmed, het in ‘n verklaring...

Geingob: Gelukkig Vrouedag, vroue

2 dae gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

2 dae gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...