Somer, son, seemeeue en roomys

14 December 2018 | Kuns en vermaak
Almal is mal oor Desembers aan Namibië se kus. Somer, son, saffier, lekker weer en ’n luilekker vakansiegees is waarvan menige vakansieganger al die hele jaar droom.

Of jy nou langs die viswaters uitspan, ’n familiebraai op die harde sand geniet of agterop ’n kwadfiets op die duine rondrits, almal wil in Desember by die see wees.

Maar die see en al die pret wat daarmee gepaard gaan, is nie dieselfde sonder vakansiekos nie.

Wat jy ook al in jou lewe aanvang, al die goeie tye en goeie herinneringe gaan met goeie kos gepaard.

Die bekende Mole op Swakopmund lok jaarliks duisende mense van oraloor die wêreld.

Party kom swem, ander is daar vir foto’s en die res eet roomys by Café Mole.

Café Mole is deel van die Strand Hotel en is hul weergawe van ’n wegneemete-restaurant.

Swakop wemel van roomysplekke, dus moes Café Mole seker maak hul roomys is die beste op die dorp.

En dit ís heel moontlik so. Die roomys is romerig en uniek, maar wat dit besonders maak, is die resepte wat gevolg word soos die Italianers dit self sou maak.

Dis byna soos gelato.

Met die perfekte ligging sorg Café Mole vir meer as net ’n lekker dag in die son.

Die personeel is vriendelik en bereid om alles in hul vermoë te doen om jou kuiertjie by dié informele restaurant so gemaklik moontlik te maak. Vir die jongspan is daar baie om te doen, terwyl Mamma en Pappa aan ’n Rock Shandy teug.

Afgesien van al die soet lekkernye wat hulle aanbied, bied die restautant ook ’n wye verskeidenheid peuselhappies, slaptjips, gebak en ligte etes. In die winter kan jy aan die sop-van-die-dag smul, terwyl Swakop sy mismantel oorgooi.

’n Topverkoper en een van die gewildste disse op die spyskaart is hul vis-en-tjips. Inwoners en vakansiegangers staan tou en slaan so te sê vuis om aan hierdie vars, diepgebraaide stokvis en thin crisps te smul.

As jy nie ’n voorliefde vir seekos het nie, kan jy jou tande in die hamburger, bratwurst, frikkadelle, samoesas of quiche’e laat wegsink. Daar is werklik iets vir almal se smaakkliere.

’n Reeks koffies, alles natuurlik Slowtown-bone, kan met ’n oliebol, sny tert of vars gebak geniet word.

Café Mole laat jou vir ’n oomblik dink jy sit en eet Europese kos, maar op Venice Beach se stoep. Dis die beste van alle wêrelde.

As jy Swakopmund hierdie Desember besoek, maak seker jy gooi ’n draai by Café Mole.

Indien jy vergeet het om ’n vriend of familielid se Kersgeskenk te koop, trakteer hulle op roomys by Café Mole.

Roomys is nooit ’n slegte idee nie – veral as jy dit met seemeeue deel.

Café Mole is daagliks van 10:00 tot 18:00 oop (besigheidsure op vakansiedae sal verskil).

Besoek die O&L-groep se webtuiste vir meer inligting.

Soortgelyk

 

Raad sit oor polisiehoof

3 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

3 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

3 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

3 ure gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...

Minder studente ondersteun

3 ure gelede | Ministeries

Augetto Graig - Die nuus dat bestaande en voornemende studente minder finansiële steun gaan ontvang, is ’n teleurstelling. So sê me. Ester Simon, president van...

Lodge heropen binnekort vir Visrivier-voetslaners

3 ure gelede | Toerisme

Namibia Wildlife Resorts (NWR) se Hobas Lodge het vroeg Februarie kitsvloede ervaar wat tot skade gelei het, maar die lodge sal op 1 Junie weer...

Charles Namiseb eindelik gestraf

3 ure gelede | Howe

Die tweede misdadiger en verkragter wat in 2010 vir die aanval op ‘n bejaarde egpaar van Uis verantwoordelik was, is gevonnis.Die eens voortvlugtige en berugte...

Aansoek vir toerisme-ontwikkeling by Meobbaai

3 ure gelede | Toerisme

Francoise Steynberg - Die Namab-toeragentskap het planne om Meobbaai as toeristeaantreklikheid te ontgin.Die agentskap het ‘n aansoek vir ‘n omgewingsklaringsertifikaat vir die bou van ‘n...

Hulp sonder oordeel

3 ure gelede | Mense

Tanja Bause - “Ek het ‘n verkeerde pad geloop – een van verwoesting. Eendag het ek besef ek kan nie meer so aangaan nie....