'Soektog na olie strydig met VN-doelwitte'

Drukgroepe hou protesoptog

07 December 2020 | Omgewing
Steffi Balzar en Ronelle Rademeyer



As Reconnaissance Energy Namibia (ReconAfrica) se soeke na olie en gas in die Kavango-kom voortgaan, oortree Namibië minstens drie van die Verenigde Nasies (VN) se Doelwitte vir Volhoubare Ontwikkeling (SDG's).

Volgens me. Veruschka Dumeni, omgewingsaktivis van Fridays for Future Windhoek (FFFWhk) wat Vrydag saam met Frank Free Namibia (FFN) teen dié Kanadese ­maatskappy se voorgenome prospektering betoog het, is dit strydig met die VN-­doelwitte vir ­volhoubare energie, 'n volhoubare samelewing en klimaatsbeskerming.

Verder, sê sy, het Namibië, ­Botswana én Kanada die Parys-ooreenkoms ­onderteken en hulle daartoe verbind om die klimaat te beskerm deur onder meer van die gebruik van fossielbrandstowwe weg te stuur.

“Namibië ontvang geld van die VN se Groenklimaatsfonds om die gevolge van klimaatsverandering teen te werk,” het Dumeni verder gesê.

Dié drukgroepe het Vrydag 'n klagskrif met besware teen ­ReconAfrica se planne aan 'n verteenwoordiger van die VN by dié wêreldliggaam se kantoor in Klein-Windhoek oor­handig.

Die Kavango-kom vorm deel van die Okavango Delta, wat die grootste Ramsar-gebied ter wêreld is.

Dit beteken dit is 'n vleilandgebied wat volgens die Ramsar-konvensie van internasionale belang is en deur 'n interregeringsomgewingsverdrag bewaar moet word.

ReconAfrica het by verskeie ­voorleggings aan beleggers in die buiteland gesê sy opnames toon die prospekteringsgebied in die ­noordooste van Namibië en die aangrensende noordwestelike gebied van ­Botswana, beskik oor nagenoeg 120 miljard vate olie.

Die maatskappy het ook aan ­beleggers gesê moderne hidrobrekingstegnieke sal gebruik word om die oliebron te ontgin.

Dokumentasie hieroor is later te midde van luide besware deur omgewingsgroepe van die ­maatskappy se webtuiste verwyder.

Dr. Chris Brown, hoof van die Namibië Kamer vir die Omgewing (NCE), sê inligting dui daarop die boorinstallasie behoort binne die volgende paar dae per skip by Walvisbaai aan te kom, waarna dit per pad na ­Kavango-Oos vervoer sal word.

Die NCE meen daar is ernstige gebreke in die ­omgewingsimpak­studie (EIA), terwyl die spesialisstudies en die omgewingsbestuursplan nie aan die publiek bekend gemaak is nie.

Die nuusagentskap AFP het Vrydag berig mnr. Pohamba Shifeta, ­minister van die omgewing, bosbou en ­toerisme, het die voorgenome boorplanne verdedig en gesê dit is beperk tot 'n sekere gebied en sal noukeurig gemonitor word.

"As hulle (ReconAfrica) van die plan afwyk, kan die boorwerk gestop word," het hy gesê.

Hy het ook daarop gewys “gegriefdes” kan appèl aanteken teen die ­regering se besluit om die prospektering toe te laat.

Sy eweknie in die ministerie van landbou, water en ­grondhervorming, mnr. Calle Schlettwein, het gesê ­prospekteringsmetodes moet “versigtig en deeglike geëvalueer word” om 'n impak op ondergrondse ­waterbronne te voorkom.

ReconAfrica se uitvoerende hoof, mnr. Scott Evans, en ander senior ­bestuurslede is tans in Namibië.

Hulle het verlede week deur hul ­Namibiese regsverteenwoordiger 'n onderhoud met Republikein versoek, en sal later die week met die koerant ontmoet.– [email protected]

Soortgelyk

 

Gesondheidswerkers, leerlinge en onderwysers deel van 343 nuwe gevalle

5 ure gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

20 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

20 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

20 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

20 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

20 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

20 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

20 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

20 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...