SMS'e vir 15 Maart 2019

15 March 2019 | Menings
Teetyd in hospitale: Ek hoop van harte dat die verbod ook van toepassing is op die hospitaalpersoneel. Dit is van al die tee, koffie en koekies wat die ou spul so traag is om te beweeg, en die mense is gewigtig.

Voedselbank nie volhoubaar in koerant van 14 Maart 2019. Dit is presies dieselfde geval met onderwys. Om ’n leerder in ’n goeie staatskool in Suid-Afrika te sit, kos ongeveer N$37 000 per jaar. Ons ekonomie is baie kleiner. Die regering moet asseblief hulle fout erken dat gratis onderwys ook nie werk nie. Bring verpligte skoolfonds terug. Dit is al manier waarmee ouers, kinders en onderwysers verantwoording sal vat vir ons kinders se toekoms.

Voorwaar, die tronkinwoners is ’n spesiale klomp wetsgehoorsame burgers en pasiënte in hospitale se tee en koffie word ’n taboe, wyl misdadigers dit steeds sal geniet. Jy kan van die oggend af by die wagkamer wag vir aandag van dokters. Na 3 namiddag kom bandiete by hospitaal in gebring, hulle word onmiddellik gehelp en ander moet wag tot die volgende dag vir aandag. Wat ’n g*tomkeer-wêreld. – Keetmans

Dankie, diegene vir die ondersteuning én kritiek in Roger se geval. Die gereg moet sy gang gaan. Dis moeilik, maar ons vertrou die Here sal ons deurdra. Baie ander is ook aan die euwels uitgelewer, maar dis nie so prominent nie. Hopelik kan ons die goeie hieruit pluk en die euwels in ons gemeenskappe aanpak. Dankie weereens. - Robbie Thompson en familie

Geweld in skole, ouerliefde, dissipline en respek vir ander is baie belangrik vir stabiliteit. Daar is te veel kinders sonder stabiele huise en teenwoordige vaders. Kry bogenoemde in plek anders kan skole gesluit word, want geweld sal toeneem, omdat menseregte uit verband geruk word.

Areas in Olympia now without Internet for 24 hours, Wednesday 13 March 2019. Still no end in sight. Surely somebody owes the public an explanation. How about a press release?

Is dit wettig van Rehoboth-polisie om ’n video van ’n persoon wat gevang is op Facebook te plaas?

Ek is op soek na die geel boormasjien van Mariental. Hulle het jare gelede op my plaas geboor. Soek ’n kontaknommer asseblief.

Ek stem 100% saam met Johan Badenhorst van Voetspore-faam in Suid-Afrika. Hy sê as jy in Afrika na donker bestuur soek jy jou dood. - Sarel Verhoef

Die Woord sê ons moet nie die sondaar haat nie, maar die dade haat. Moet ook nie deel word van sondige praktyke nie. Ons moet op ons knieë bly en God om genade smeek oor wat sy kroonskepping, die mens, in die wêreld wil regverdig en nie na Sy wil vra nie. Hartseer.

Dit is ontsettend diep teleurstellend, om te lees hoe gelowige mense sonder enige respek en geen gevoel teenoor ander mense optree. Baie hartseer

Al jul mede-Christene wat hier lees. Hier is ’n helse dwarrelwind aan die waai deur ene kerkgemeenskap. Dis droog en warm. Tolbosse waai doelloos heen en weer tot teen heinings van ontkenning en stilswye. Ons almal (Christene) is dors. Marelize, dit lyk of jy en jou ma dalk ’n lafenissie het wat kan help, want julle is so mooi viral. Dié kerk het met leë, lekkende kruike gaan uitkoms soek by ’n wêreldse geregtigheid en hul rug gedraai op die Fontein van Lewe. So van dors gepraat. Aan die kruis van Golgotha het Hy geken van dors. - Pietrossie

Dankie vir Siele vir Jesus Restorasiesentrum wat by Brakwater oopgemaak het en wat ons mense geestelik kan help wat so gebreek is deur hierdie dwelms en drankmisbruik.

Kan iemand vir my sê of die plekkie wat in die Grüner Krantz gebou was met al die ou, ou meubels en ander oudhede geskuif het. Bestaan die plekkie nog en is daar iewers nog van die oudhede te besigtig? Asseblief, as iemand weet, laat tog van julle hoor.

In Blok F is my asdrom vir drie weke nie leeg gemaak nie. Die handjievol straatligte wat in die dorp is, werk ook nie. Wat gaan aan Natalia, is daar nie geld vir bulbs nie? Ai regering, julle is useless. Die land gaan deur krisisse en die president is tjoepstil.

Kan iemand asseblief iets doen by Olympia se poskantoor, agterkant by die posbusse. Ek staan vanoggend in urine om pos uit te haal en dit is baie vuil! Het reeds brief ingehandig by munisipaliteit, maar niks word gedoen.

Ek wil graag weet, of daar nie ’n wet is wat ons kinders kan beskerm teen ’n sekere kerk wat aandring op “tithes offerings” etc. Die pastoor, bekend as hul “spiritual father”, WhatsApp die jongmense vir geld. Die kerk bestaan hoofsaaklik net uit jongmense. Ek kan nie toekyk hoe my kind finansiël so verwoes word.

Dear CT Tiboth. Thank you for your letter in Republikein. I am impressed by your information on ELCRN matters. However, you are quiet on the issue of the constitutional requirements for the ages of Bishop candidates. Are you choosing to be quiet on purpose?

Aan almal wat hulle nou so slim uitspreek teen die sondige natuur van die homoseksuele mense, klim af van jul troontjie. Ons is almal sondig, die ou omies en predikante ook. Gaan lees gerus Matt. 5:27. Moenie te vinnig oordeel nie, julle staan dalk self agter die deur.

Ons moet bid vir Roger, veral ons moeders. En sê maar net dankie vir die Here as jou kind nog nie daar beland het nie.

Hoe kan Katrina Hanse-Himarwa haar onderdane vermaan oor onetiese, korrupte praktyke as sy haarself na bewering hieraan skuldig maak? Sy is geen voorbeeld vir hulle. Praat van dubbele standaarde!

Kan nie glo die kerke wil hul probleme in die koerante uitbasuin nie. Liewe aarde! Dis tog regtigwaar nie die plek nie. En buitendien, moet julle almal nie vergeet nie “love your neighbour like yourself”. As ’n godsdiens jou aanhits om iemand te haat of nie te aanvaar nie, is dit dalk tyd vir ’n ander een.

Soortgelyk

 

Eis van miljoene ná miskraam

18 minute gelede | Howe

Ronelle Rademeyer - ‘n Vrou wat aanvoer sy het ‘n miskraam gehad nadat sy drie dae lank sonder kos en water in die polisieselle by...

Kuns tussen die wingerde

18 minute gelede | Byvoegsels

Ronelle Rademeyer - “Ek glo ’n goeie skildery ontstaan wanneer ’n bietjie talent en ’n groot klomp passie op die skilderdoek ontmoet.”Dit is hoe die...

Twee Namibiërs in SA hof oor diamante

18 minute gelede | Howe

Francoise Steynberg - Twee Namibiese mans het gister in die Bellville-landdroshof in Kaapstad in verband met die onwettige besit van 27 ongeslypte diamante verskyn. Mnr....

Namibiër vertolk hoofrol in Fiela se kind

18 minute gelede | In beeld

Die Namibiese aktrise Zenobia Kloppers het die hoofrol in die fliek Fiela se kind losgeslaan. Zenobia, wat Fiela Komoetie sal speel, is ’n bekende aktrise...

Live for the moments, not the milestones

18 minute gelede | Mense

Mariselle StofbergCarla van Zyl is the top medical student from the class of 2018 at the University of Namibia (Unam). This motivated, driven and passionate...

Musieklegende se stem stil

18 minute gelede | Kuns en vermaak

Lloyd Zandberg - Die geliefde Suid-Afrikaanse musikant, Brian Finch (72), het Sondag sy maande lange stryd teen kanker verloor.Finch en sy vrou, Marion, woon al...

Padgebruik al duurder

18 minute gelede | Infrastruktuur

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Weer vir 21 Mei 2019

18 minute gelede | Weer

BINNELAND: Mestal mooi weer en baie warm in die Noordooste. Elders sal dit gedeeltelik bewolk en warm tot baie warm, maar koud in die...

Kragverspreider gedagvaar

18 minute gelede | Howe

Henriette Lamprecht – ’n Ma van Mondesa op Swakopmund dagvaar die Erongostreek se kragverspreider ná die dood van haar minderjarige dogter. Theonese Anthea Simon is...