SME Bank-sage: SA ondersoek dui op geldwassery
Volgens ‘n hofaansoek moet vyf bankrekeninge van ‘n kontantvervoermaatskappy gevries word, wat by die plundery betrek word.
Catherine Sasman - Die likwidateurs van die SME Bank, mnre. David Bruni en Ian McLaren, het ‘n aansoek by die Gautengse hoërhof in Suid-Afrika ingedien om vyf bankrekeninge te vries, wat RENS Kontant in Transit CC by Firstrand Bank Ltd. het.
Dit vorm deel van hul voortgesette soektog om die SME Bank se gesteelde geld te vind.
Die likwidateurs meen RENS Kontant het ‘n rol in die diefstal by die SME Bank gespeel.
Dié kontantvervoermaatskappy het na bewering N$4,4 miljoen van die SME Bank se geld ontvang en dit toe binne vier dae onttrek.
Die N$4,4 miljoen is in RENS Kontant se rekeninge inbetaal deur ‘n maatskappy genaamd Klosette/Transparency, aan wie N$67 miljoen van die SME Bank se gesteelde geld oorgedra is.
SME Bank se topbestuur het glo vals fakture gebruik om geld uit die bank te kry deur dikwels van kontantvervoermaatskappye, soos RENS Kontant, gebruik te maak, wat die geld dan afgelewer het of elektronies oorgedra het aan diegene wat by die diefstal gebaat het.
Ondersoeke wat deur Suid-Afrikaanse kommissies in November 2018 en Januarie vanjaar van stapel gestuur is, het dié inligting opgelewer.
Na aanleiding hiervan is ‘n ex parte(eensydige)-hofaansoek voor die Gautengse hoërhof gebring uit vrees dat die geld oorgedra kan word of moontlik heeltemal kan verdwyn as die respondente daarvan in kennis gestel sou word.
RENS Kontant word daarvan beskuldig dat hy nie stappe gedoen het om die SME Bank se belange te beskerm, soos die wet vereis nie, en dus sy plig versuim het om in die belang van die SME Bank op te tree.
Die twee mense wat deur die kommissie van ondersoek gedaag is om namens RENS Kontant te getuig, mnr. Christoffel van Rensburg en sy ma, Kotie, het tydens die ondersoek onder eed erken hulle het “geen vrae gevra en geen leuens gehoor” nie.
Van Rensburg het later gesê hy het dié uitdrukking ligtelik gebruik.
FIC NIE IN KENNIS GESTEL
RENS Kontant het ook N$2,5 miljoen aan mnr. George Markides afgelewer – die man wat glo harde kontant aan die begunstigdes van die gesteelde SME Bank-geld uitgedeel het – sonder om dit by die Finansiële Intelligensiesentrum (FIC) in Suid-Afrika aan te meld.
Die FIC-wet vereis dat kontantoorplasings van meer as N$24 999 by dié sentrum aangemeld word.
Bruni en McLaren het in die hof aangevoer hierdie “ernstige verdagte omstandighede” het “vrae oor geldwassery en onwettige aktiwiteite laat ontstaan”.
Hulle het verder aangevoer RENS Kontant is weens die versuim om die kontantoordragte by die FIC aan te meld ook verantwoordelik vir die skade van meer as N$57 miljoen wat die SME Bank gely het.
Dié geld is in die Transparency-rekening inbetaal nadat die N$4,4 miljoen aan RENS Kontant oorgedra is.
FIC in Suid-Afrika het ‘n ooreenkoms vir die uitruil van inligting met Namibië se FIC.
Die likwidateurs voer aan as die FIC in Namibië van die oorbetalings aan RENS Kontant geweet het, sou geen verdere betalings aan Transparency toegelaat word nie.
‘KEN NIE SME BANK ’
Die Van Rensburgs het volgehou hulle het eers van die SME Bank gehoor toe hulle voor die kommissie van ondersoek gedaag is en ontken enige aanspreeklikheid vir die N$4,4 miljoen óf die N$57 miljoen.
Hulle sê hulle het ook nie geweet van Transparency se onderhandelinge met die SME Bank nie en sê hul kliënt is Markides se maatskappy, Dedrego CC.
Christoffel van Rensburg het gesê RENS het gereeld kontant en ander goedere vir Markides se besigheid vervoer.
Hy het gesê Markides se Dedrego Refinery het edelmetale van klein handelaars oraloor Gauteng gekoop en dit dan vir kontant verruil.
Hulle het gesê die twee bedrae is deur Markides in RENS se rekeninge inbetaal en het daarom nie gedink dit is verdag nie.
Dit vorm deel van hul voortgesette soektog om die SME Bank se gesteelde geld te vind.
Die likwidateurs meen RENS Kontant het ‘n rol in die diefstal by die SME Bank gespeel.
Dié kontantvervoermaatskappy het na bewering N$4,4 miljoen van die SME Bank se geld ontvang en dit toe binne vier dae onttrek.
Die N$4,4 miljoen is in RENS Kontant se rekeninge inbetaal deur ‘n maatskappy genaamd Klosette/Transparency, aan wie N$67 miljoen van die SME Bank se gesteelde geld oorgedra is.
SME Bank se topbestuur het glo vals fakture gebruik om geld uit die bank te kry deur dikwels van kontantvervoermaatskappye, soos RENS Kontant, gebruik te maak, wat die geld dan afgelewer het of elektronies oorgedra het aan diegene wat by die diefstal gebaat het.
Ondersoeke wat deur Suid-Afrikaanse kommissies in November 2018 en Januarie vanjaar van stapel gestuur is, het dié inligting opgelewer.
Na aanleiding hiervan is ‘n ex parte(eensydige)-hofaansoek voor die Gautengse hoërhof gebring uit vrees dat die geld oorgedra kan word of moontlik heeltemal kan verdwyn as die respondente daarvan in kennis gestel sou word.
RENS Kontant word daarvan beskuldig dat hy nie stappe gedoen het om die SME Bank se belange te beskerm, soos die wet vereis nie, en dus sy plig versuim het om in die belang van die SME Bank op te tree.
Die twee mense wat deur die kommissie van ondersoek gedaag is om namens RENS Kontant te getuig, mnr. Christoffel van Rensburg en sy ma, Kotie, het tydens die ondersoek onder eed erken hulle het “geen vrae gevra en geen leuens gehoor” nie.
Van Rensburg het later gesê hy het dié uitdrukking ligtelik gebruik.
FIC NIE IN KENNIS GESTEL
RENS Kontant het ook N$2,5 miljoen aan mnr. George Markides afgelewer – die man wat glo harde kontant aan die begunstigdes van die gesteelde SME Bank-geld uitgedeel het – sonder om dit by die Finansiële Intelligensiesentrum (FIC) in Suid-Afrika aan te meld.
Die FIC-wet vereis dat kontantoorplasings van meer as N$24 999 by dié sentrum aangemeld word.
Bruni en McLaren het in die hof aangevoer hierdie “ernstige verdagte omstandighede” het “vrae oor geldwassery en onwettige aktiwiteite laat ontstaan”.
Hulle het verder aangevoer RENS Kontant is weens die versuim om die kontantoordragte by die FIC aan te meld ook verantwoordelik vir die skade van meer as N$57 miljoen wat die SME Bank gely het.
Dié geld is in die Transparency-rekening inbetaal nadat die N$4,4 miljoen aan RENS Kontant oorgedra is.
FIC in Suid-Afrika het ‘n ooreenkoms vir die uitruil van inligting met Namibië se FIC.
Die likwidateurs voer aan as die FIC in Namibië van die oorbetalings aan RENS Kontant geweet het, sou geen verdere betalings aan Transparency toegelaat word nie.
‘KEN NIE SME BANK ’
Die Van Rensburgs het volgehou hulle het eers van die SME Bank gehoor toe hulle voor die kommissie van ondersoek gedaag is en ontken enige aanspreeklikheid vir die N$4,4 miljoen óf die N$57 miljoen.
Hulle sê hulle het ook nie geweet van Transparency se onderhandelinge met die SME Bank nie en sê hul kliënt is Markides se maatskappy, Dedrego CC.
Christoffel van Rensburg het gesê RENS het gereeld kontant en ander goedere vir Markides se besigheid vervoer.
Hy het gesê Markides se Dedrego Refinery het edelmetale van klein handelaars oraloor Gauteng gekoop en dit dan vir kontant verruil.
Hulle het gesê die twee bedrae is deur Markides in RENS se rekeninge inbetaal en het daarom nie gedink dit is verdag nie.
Kommentaar
Republikein
Geen kommentaar is op hierdie artikel gelaat nie