SME Bank: Só laat Kotane glo geld verdwyn

Oordragte 'strydig met verloop van sake'

10 September 2018 | Howe
Catherine Sasman - Die gesamentlike, voorlopige likwidateurs van die SME Bank het in hul mosie voor 'n Gautengse hooggeregshof gesê die N$11,5 miljoen wat hulle versoek het om in 'n Peregrine Equity (Pty) Ltd-rekening namens mnr. Mauwane Kotane bevries te word, behoort aan die SME Bank.

Kotane het in 'n verklaring in die hof beweer alle geld (N$196 miljoen) wat deur die SME Bank belê is in sy maatskappy, Mamepe Capital Investments, is gedoen met die twee entiteite wat ooreenkomste en 'n samewerkingsooreenkoms met die bank gehad het.

Hy het ook beweer die geld is "veilig" deur Mamepe Capital belê, en dat die geld wettig en regmatig ontvang is.

Die likwidateurs, mnre. David Bruni en Ian McLaren, het in hul aansoek om die Peregrine-rekeninge te bevries, beweer Kotane is wel instruksies gegee dat die SME Bank-geld in KE2 Ample (Pty) Ltd. belê word. Kotane is die alleenaandeelhouer en direkteur van KE2 Ample (Pty) Ltd.

Daarbenewens het die likwidateurs gesê KE2 Ample (Pty) Ltd. is nie geregistreer as 'n beleggingshuis of 'n batebestuurder nie, en dit is nog 'n voorbeeld van hoe geld van die SME Bank verdwyn het.

Hulle het gesê as likwidateurs van die SME Bank het hulle 'n reg tot die N$11,5 miljoen, want die oordragte na Peregrine Equities en KE2 Ample is deur die SME Bank gemaak sonder enige basis en was "strydig met sy gewone verloop van sake”.

Die SME Bank het ook geen waarde vir die oordragte ontvang nie, is beweer.

Kotane het beweer sowat N$188,2 miljoen is deur Mamepe vir en namens die SME Bank belê.

ONWETTIGE VLOEI VAN GELD

Tydens die kommissie van ondersoek se werksaamhede om inligting oor die transaksies tussen die SME Bank en ander entiteite te verkry, het verteenwoordigers van Standard Bank Ltd. sekere bankstate van die Peregrine-rekeninge verskaf.

Volgens hierdie dokumente het Peregrine Equities opdrag aan Standard Bank gegee om drie rekeninge vir KE2 Ample oop te maak.

Op 23 Augustus 2016 het die SME Bank 'n versoek van Kotane voorberei vir die oordrag van N$1,5 miljoen na 'n Peregrine-rekening by Standard Bank.

Dit is hersien deur die voormalige finansiële bestuurder van die SME Bank, mnre. Joseph Banda, en goedgekeur deur die bank se voormalige uitvoerende hoof, mnr. Tawanda Mumvuma. FNB Namibia het die oordrag namens die SME Bank gedoen.

Op 25 Oktober 2016 het Mumvuma op skrif opdrag aan die VBS Mutual Bank gegee om N$10 miljoen van die SME Bank se geld na 'n Peregrine Equities-rekening vir KE2 Ample oor te plaas. Hierdie oordrag is bevestig en die ontvangs van die N$11,5 miljoen is inderdaad deur Peregrine bevestig.

Die geld was op instruksie van Kotane belê en gehou in KE2 Ample, nie in die naam van die SME Bank nie.

Die likwidateurs het gesê gegewe dat die N$10 miljoen gedisinvesteer by VBS Mutual oorgedra is aan die Peregrine-rekening op die SME Bank se skriftelike instruksies, maak dit nie sin hoe Kotane opdrag kon gegee het die N$11,5 miljoen moet in KE2 Ample gehou word nie.

Hulle het gesê daar is geen bewyse dat hierdie oordragte wettig of na behore gemagtig is nie.

Voorts het Kotane volgens hulle nie een keer verklaar die N$11,5 miljoen is in die Peregrine-rekeninge inbetaal wat in sy maatskappy se naam gehou is nie.

Soortgelyk

 

‘Aarde lag deur haar gebarste gesig’

13 ure gelede | Weer

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

‘Aarde lag deur haar gebarste gesig’

13 ure gelede | Tuisblad

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

Parlement skop Woensdag sy werksaamhede af

1 dag gelede | Regering

Pres. Hage Geingob open Woensdag om 14:30 die Nasionale Vergadering se verrigtinge vir die jaar. Dit sal die negende sitting van die sesde parlement inlui.Die...

Registrasiefooie by NUST nou N$2 000 minder

1 dag gelede | Onderwys

Die Universiteit van Wetenskap en Tegnologie (Nust) se registrasiefooie is met N$2 000 van N$4 200 tot N$2 200 verminder. Dit volg nadat ouers en...

Man sterf in ongeluk naby Rehoboth

1 dag gelede | Ongelukke

‘n Man is Woensdag op slag dood nadat die voertuig waarin hy op reis was, die pad verlaat en omgeslaan het. Volgens die polisie se...

Grondwet mag nie ‘papierdroom’ wees

1 dag gelede | Mense

Ronelle Rademeyer - “Ons kan almal baie dankbaar wees vir die Grondwet wat ons geskryf en eenparig aanvaar het. Namibiërs se vryheid en beskerming lê...

Groter stoom vir TransNamib

1 dag gelede | Vervoer

font face="Verdana" > Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting...

NSFAF: Finale betalings voor 28 Februarie

1 dag gelede | Onderwys

Die Finansiële Hulpfonds vir Namibiese Studente (NSFAF) het alle geld ontvang wat aan studente vir 2018-’19 uitbetaal moet word. Volgens die fonds het die verwerking...

Weer, Vrydag 8 Februarie 2019

1 dag gelede | Weer

BINNELAND: Sonning en bloedig warm in die verre noordweste. Elders sal dit gedeeltelik bewolk en baie tot bloedig warm wees met enkele tot wydverspreide donderbuie.KUS:...