SME Bank: Nóg 'n slag geslaan

Mamepe Capital ontken skuld

06 September 2018 | Howe
Catherine Sasman – Die SME Bank se voorlopige likwidateurs het weer ‘n slag in die hooggeregshof in Johannesburg geslaan toe gelas is die makelaarsfirma Peregrine Equity (Pty) Ltd mag geen betalings aan maatskappye maak wat by die ondersoek na die ondergang van dié bank betrek word nie.

Dié hof het Maandag gelas Peregrine mag nie N$11,5 miljoen aan Mamepe Capital Investments (Pty) Ltd en mnr. Mauwane Kotane betaal uit ‘n rekening wat deur die maatskappy KE2 Ample (Pty) Ltd gehou word nie.

Die voormalige uitvoerende hoof van die SME Bank, mnr. Tawanda Mumvuma, het sonder toestemming van die raad ‘n reusebedrag van N$196 milljoen in Kotane se Mamepe Capital belê, wat na bewering aan VBS Mutual Bank verkoop is. Laasgenoemde is tans onder kuratorskap oor interne plundering.

Dié oorwinning volg kort op die hakke van ‘n vorige hofsukses deur die likwidateurs, mnre. David Bruni en Ian McLaren, toe hulle hierdie hof in Augustus kon oortuig om N$43,8 miljoen te vries, wat in Moody Blue en AMFS Solutions belê is.

Van die SME Bank se geld wat na bewering by Mamepe Capital belê is, is na Moody Blue en AMFS Solutions se bankrekeninge gekanaliseer.

Kotane is as deel van die likwidateurs se soektog na die vermiste SME Bank-miljoene gedagvaar om voor die kommissie van ondersoek onder voorsitterskap van adv. Natasha Bassingthwaighte te verskyn.

Die kommissie is deur die hoërhof in Namibië opdrag gegee om die handelinge en transaksies van die SME Bank en verskeie ander entiteite, waaronder Mamepe Capital, te ondersoek.

Kotane het in hofstukke wat by die hooggeregshof in Johannesburg ingedien is, die transaksies wat tussen Januarie 2014 en 31 Mei 2017 tussen Mamepe Capital en die SME Bank gedoen is, verduidelik.

Hy sê Mamepe Capital is in 2013 deur die SME Bank se vorige uitvoerende hoof, mnr. Tawanda Mumvuma, genader om dié bank se opbrengste op beleggings te “maksimaliseer” en raad te gee.

Hy sê Mamepe Capital is gekies vanweë hul “buigsame innovering en gewilligheid om parallelle alternatiewe te verken”.

Kotane sê voorts Mamepe Capital en die bank het op 7 Januarie 2014 ‘n memorandum van begrip onderteken ingevolge waarvan eersgenoemde kapitaal sou werf en advies-, batebestuurs- en private ekwiteitsdienste aan die bank sou verskaf.

Hy sê geld is op die SME Bank se versoek aan 11 rekeninge by verskillende banke in Suid-Afrika oorbetaal, aangesien versoek is dat die geld afsonderlik van Mamepe Capital se geld gehou moet word.

Kotane sê die geld is tussen Maart 2014 en Augustus 2016 as geldmark-instrumente geklassifiseer.

Teen die einde van Julie 2016 was die portefeulje se balans N$217 miljoen – N$195 was kapitaal en N$22 miljoen rente.

Tussen Augustus 2016 en September 2016 het die bank volgens hom ‘n bedrag van N$175 miljoen van die aanvanklike kapitaalbedrag in die geldmarkportefeulje in kommoditeite belê.

Kotane sê die N$175 miljoen is in verbruikbare produkte en kunsmis by die Libanese maatskappy, Rawfert Offshore Sal, wat in Zimbabwe sake doen. Hierdie belegging was volgens hom suiwer vir handelsdoeleindes gedoen.

Hy ontken die beweringe van bedrog en diefstal en sê die geld is “veilig” by Mamepe Capital belê en dat dit wettiglik ingevolge ‘n regsbindende ooreenkoms bekom is.

"Dit is onwaar, sowel as ongelukkig om te beweer dat die geld deel vorm van 'n ondersoek na bedrog, diefstal en die oortredings van die Wet op die Voorkoming van Georganiseerde Misdaad (Poca), terwyl die SME Bank in besit is van al die ooreenkomste asook korrespondensie tussen onsself en diegene wat by hierdie transaksie betrokke was," het Kotane gesê.

Soortgelyk

 

Raad sit oor polisiehoof

3 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

3 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

3 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

3 ure gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...

Minder studente ondersteun

3 ure gelede | Ministeries

Augetto Graig - Die nuus dat bestaande en voornemende studente minder finansiële steun gaan ontvang, is ’n teleurstelling. So sê me. Ester Simon, president van...

Lodge heropen binnekort vir Visrivier-voetslaners

3 ure gelede | Toerisme

Namibia Wildlife Resorts (NWR) se Hobas Lodge het vroeg Februarie kitsvloede ervaar wat tot skade gelei het, maar die lodge sal op 1 Junie weer...

Charles Namiseb eindelik gestraf

3 ure gelede | Howe

Die tweede misdadiger en verkragter wat in 2010 vir die aanval op ‘n bejaarde egpaar van Uis verantwoordelik was, is gevonnis.Die eens voortvlugtige en berugte...

Aansoek vir toerisme-ontwikkeling by Meobbaai

3 ure gelede | Toerisme

Francoise Steynberg - Die Namab-toeragentskap het planne om Meobbaai as toeristeaantreklikheid te ontgin.Die agentskap het ‘n aansoek vir ‘n omgewingsklaringsertifikaat vir die bou van ‘n...

Hulp sonder oordeel

3 ure gelede | Mense

Tanja Bause - “Ek het ‘n verkeerde pad geloop – een van verwoesting. Eendag het ek besef ek kan nie meer so aangaan nie....