SME Bank: Krediteure kan hul geld kry

Aandeelhouers het nie betaal wat hul moes

13 November 2019 | Misdaad
Catherine Sasman – Die meester van die hoërhof het op 8 November toestemming gegee vir die eerste krediteure- en ledevergadering van die SME Bank, wat tans gelikwideer word.

Kennisgewing van die vergadering sal in die Staatskoerant sowel as Republikein en The Namibian verskyn.

Die likwidateurs, mnre. David Bruni en Ian McLaren, is gemagtig om tot N$25 000 aan elke krediteur op die datum van die bank se likwidasie te betaal, soos aangedui in die krediteure se bankstaat op 11 Julie 2017.

SME Bank se aandeelhouers, Namibia Financing Trust (Pty) Ltd, wat die Namibiese regering se 65% verteenwoordig, Metropolitan Bank of Zimbabwe (35%) en World Eagle Investments (5%), het tot 17 Januarie aanstaande jaar om te sê waarom die krediteure- en eersteledevergadering nie moet plaasvind nie.

Me. Elsie Beukes, meester van die hoërhof, het in haar stigtende aansoek gesê daar is 23 259 eise vir altesaam meer as N$1 miljard.

Volgens Beukes het Metropolitan Bank se “magdom litigasie en teenstand” teen die likwidateurs en haar kantoor veroorsaak dat die finalisering van die SME Bank se likwidasie vertraag is.

Sy sê MetBank het die likwidasie “heftig” teengestaan en toe dit uiteindelik gelikwideer is, het hy by die hooggeregshof appèl hierteen aangeteken. MetBank het vanjaar ook ’n nuwe aansoek ingedien om die likwidasieproses nietig te verklaar.

Beukes sê MetBank en World Eagle word die geleentheid gegun om hul besware te lug oor die uitbetaal van SME Bank se deponeerders ondanks die feit dat hulle nie ten volle opbetaalde lede of aandeelhouers van dié bank is nie.

Teen Julie 2017 was MetBank en World Eagle se uitstaande bedrae onderskeidelik N$121,5 miljoen en N$20,2 miljoen (plus 20% jaarlikse rente) vir lidmaatskap- en aandeelhouersfooie.

SME Bank se krediteure, likwidateurs en ten volle opbetaalde aandeelhouers (wat ook lede is) of hul verteenwoordigers kan eisdokumente tydens kantoorure by die meester van die hof besigtig.

- [email protected]

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...