‘Sluiting van SA grense ’n terugslag’

13 January 2021 | Toerisme
Francoise Steynberg – Die sluiting van die Suid-Afrikaanse grense is ’n groot teruslag vir die Namibiese toerismebedryf.

“Dit veroorsaak weer eens groot huiwering vir toeriste om toere vir die volgende weke en maande te beplan. Die onsekerheid is weer hoog, ook wat reis na die buiteland betref,” het die uitvoerende hoof van die Gasvryheidsvereniging van Namibië (HAN), me. Gitta Paetzold, gister aan Republikein gesê.

“Ons vooruitskouing vir die eerste kwartaal lyk baie kommerwekkend. ’n Moeilike tyd lê voor.”

Die handelsmerkbemarkingsbestuurder van Gondwana Collection Namibia, me. Jes Visagie, sê die impak op hulle is nie so groot nie, “want weens die skole wat gaan begin, het die meeste van ons Suid-Afrikaanse kliënte reeds teruggekeer huis toe.”

Sy sê teen gister het Gondwana Collection slegs een kansellasie gehad.

Suid-Afrika het weer sy grense vir buitelanders tot 15 Februarie gesluit nadat pres. Cyril Ramaphosa Maandagaand aangekondig het die buurland bly op vlak 3 van inperking.

Altesaam 20 grensposte by landsgrense word gesluit, behalwe in sekere omstandighede. Mense sal egter steeds toegelaat word om die landsgrensposte binne te kom of te verlaat vir onder meer:

• Die vervoer van brandstof, vrag en goedere;
• Mediese noodgevalle vir ’n lewensbedreigende toestand. Bewyse van behandeling moet by die grenspos getoon word;
• Die terugkeer van Suid-Afrikaanse burgers, permanente inwoners, hul gades en kinders met geldige visums;
• Mense met ander geldige visums soos werks- en sakevisums;
• Naaste familielede wat ’n begrafnis van ’n oorledene wil bywoon;
• Diplomate;
• Die deportasie en vertrek van buitelandse burgers en permanente inwoners na hul lande;
• Die vertrek van Suid-Afrikaanse burgers of permanente inwoners na hul plek van werk, studie of woning buite Suid-Afrika; en
• Daaglikse pendelaars uit buurlande wat in Suid-Afrika skoolgaan.

Bogenoemde is steeds onderhewig aan Covid-19-maatreëls soos temperatuurmeting en isolasie- of kwarantynreëls. ’n Geldige sertifikaat van ’n negatiewe Covid-19-toets wat nie ouer as 72 uur voor die reisdatum is nie, moet getoon word. Indien ’n persoon versuim om die sertifikaat te toon, sal die persoon ’n blitstoets op eie koste moet doen. Indien die persoon positief vir Covid-19 toets, sal hy of sy onderhewig aan kwarantyn op eie koste wees.

Slegs drie internasionale lughawens is vir internasionale lugverkeer oop, naamlik OR Tambo Internasionale Lughawe in Johannesburg, Kaapstad Internasionale Lughawe en King Shaka Internasionale Lughawe in Durban.
Ander lughawens is slegs vir binnelandse reisigers oop.

AIRLINK VLIEG
Intussen het die private Suid-Afrikaanse lugredery, Airlink, gister in 'n verklaring gesê hy gaan voort om vlugte na lande in die streek aan te bied. Dié redery bied vlugte uit Suid-Afrika na Windhoek en Walvisbaai aan.

Die besturende direkteur, mnr. Rodger Foster, sê “gesondheid en veiligheid is belangrik, maar so ook ekonomiese kontinuïteit”.

Die vlugte se tye is van so ’n aard dat aandklokmaatreëls nie verbreek word nie.

[email protected]

Die foto van Ariamsvlei-grenspos is deur Elizabeth Joseph geneem.

Soortgelyk

 

Nege sterftes, 307 nuwe gevalle

12 ure gelede | Gesondheid

Nege nuwe Covid-19-verwante sterftes het die getal vir Namibië sedert die uitbreking van die Covid-19-pandemie in Maart verlede tot 328 opgestoot. Dit sluit vier in...

Hof sal later sê of Shoprite bevel geminag het

14 ure gelede | Howe

Regter Collins Parker sal op 15 Februarie 2021 uitspraak lewer in die teenaansoek deur die Namibiese Unie vir Voedsel- en Verwante Werkers (Nafau) teen Shoprite...

Eloïse bring dalk storms

18 ure gelede | Weer

Elvira Hattingh - Die tropiese depressie, of dit wat oorgebly het van wat aanvanklik sikloon Eloïse was, kan vanaf môre vir kwaai storms in Namibië...

Swakoppoortdam loop oor

1 dag gelede | Weer

Die Swakoppoortdam, een van die drie damme wat ook vir Windhoek van water voorsien, het gister begin oorloop. Volgens die NamWater se damverslag van gister...

Voorvaderlike eise: Alle grond benut

1 dag gelede |

Mathias Haufiku en Ogone TlhageDaar is tans geen oop grond in Namibië beskikbaar nie aangesien alles benut word. Die Kommissie van Ondersoek na Voorvaderlike Grondregte...

Woestynrivier laat lóóp

1 dag gelede | Weer

Mnr. Joseph Kafunda het Sondag die Kuisebrivier in volle vloed by die Kuiseb-brug op die C14-pad afgeneem. Sy foto’s is op die Facebook-blad, Reën in...

Noorde: Té nat én té droog

1 dag gelede | Weer

Elvira Hattingh – Terwyl boere in Namibië se Mieliedriehoek reeds drie weke lank wag dat die reën hulle net ’n paar dae kans moet gee...

Making the art of painting look easy

1 dag gelede | Mense

Enzo AmueleBorn in the early ’90s, the cool and calm Nambowa Malua has been drawing since he was a child and has made art look...

Shoprite steeds in die hof

1 dag gelede | Arbeid

Augetto Graig en Elvira HattinghDie staking by Shoprite is ná meer as ’n maand verby, maar die hofgeveg wat daaruit gespruit het, woed opnuut vanoggend...