Sluit só jou kind se foon met jou stem
Petrus Malherbe – As jy alewig sukkel om Boetman te kry om sy foon aan die etenstafel uit te los, is hierdie nuwe funksie van Google se Family Link-app net vir jou.
Die tegnologiereus het reeds verlede jaar Family Link bekend gestel as ’n manier vir ouers om hul kroos gaandeweg gewoond te maak aan die gebruik van ’n Android-toestel sonder dat die bloedjies oorboord kan gaan en ure aaneen op hul toestelle spandeer.
Dit was aanvanklik net in Amerika beskikbaar, maar word nou na ander lande uitgebrei.
Nou sal ma’s en pa’s van Bellville tot Benoni ook hul stem kan dikmaak aan tafel en Google se assistent opdrag gee om hul kind of kinders se fone te sluit sodat die familie gehaltetyd saam kan hê.
Voorheen kon ouers net hul kroos se toestelle sluit deur self na die Family Link-app te gaan, nou kan Google se assistent dit namens hulle doen.
Sê net hardop “hey, Google, lock Sam’s device” en binne vyf minute sal Sam se foon gesluit word. Ongelukkig werk hierdie funksie tans net in Engels.
Family Link is oorspronklik ontwerp vir ouers om kinders jonger as 13 se aktiwiteit op hul Android-toestelle te monitor, maar die jongste weergawe brei dié funksie uit na tieners.
Indien die tiener daartoe instem kan sy of haar ma of pa ook dophou wat hulle op hul toestelle doen en beperkings instel rakende hoeveel tyd hulle daarop mag spandeer.
Google maak dit egter duidelik dat albei partye tot die monitering moet instem. Sou Boetman besluit dit is reg dat ma of pa sy aktiwiteite dophou, maar dit later onttrek, sal sy foon outomaties vir 24 uur gesluit word sodat moontlike verskille uitgestryk kan word.
Jy hoef ook nie ’n Android-toestel te besit om jou kroos se tyd op digitale toestelle te monitor nie. Family Link werk ook op ’n iPhone, maar kan tans net Android-toestelle monitor. Met ander woorde Ma of Pa kan ’n iPhone hê, maar die jongspan moet almal Android gebruik.
Die jongste weergawe van Family Link is van vandeesweek af in Android se Play-winkel en in Apple se app-winkel beskikbaar. – Netwerk24
Die tegnologiereus het reeds verlede jaar Family Link bekend gestel as ’n manier vir ouers om hul kroos gaandeweg gewoond te maak aan die gebruik van ’n Android-toestel sonder dat die bloedjies oorboord kan gaan en ure aaneen op hul toestelle spandeer.
Dit was aanvanklik net in Amerika beskikbaar, maar word nou na ander lande uitgebrei.
Nou sal ma’s en pa’s van Bellville tot Benoni ook hul stem kan dikmaak aan tafel en Google se assistent opdrag gee om hul kind of kinders se fone te sluit sodat die familie gehaltetyd saam kan hê.
Voorheen kon ouers net hul kroos se toestelle sluit deur self na die Family Link-app te gaan, nou kan Google se assistent dit namens hulle doen.
Sê net hardop “hey, Google, lock Sam’s device” en binne vyf minute sal Sam se foon gesluit word. Ongelukkig werk hierdie funksie tans net in Engels.
Family Link is oorspronklik ontwerp vir ouers om kinders jonger as 13 se aktiwiteit op hul Android-toestelle te monitor, maar die jongste weergawe brei dié funksie uit na tieners.
Indien die tiener daartoe instem kan sy of haar ma of pa ook dophou wat hulle op hul toestelle doen en beperkings instel rakende hoeveel tyd hulle daarop mag spandeer.
Google maak dit egter duidelik dat albei partye tot die monitering moet instem. Sou Boetman besluit dit is reg dat ma of pa sy aktiwiteite dophou, maar dit later onttrek, sal sy foon outomaties vir 24 uur gesluit word sodat moontlike verskille uitgestryk kan word.
Jy hoef ook nie ’n Android-toestel te besit om jou kroos se tyd op digitale toestelle te monitor nie. Family Link werk ook op ’n iPhone, maar kan tans net Android-toestelle monitor. Met ander woorde Ma of Pa kan ’n iPhone hê, maar die jongspan moet almal Android gebruik.
Die jongste weergawe van Family Link is van vandeesweek af in Android se Play-winkel en in Apple se app-winkel beskikbaar. – Netwerk24
Kommentaar
Republikein
Geen kommentaar is op hierdie artikel gelaat nie