'Sluit plase tydelik by stadsgrense uit'

'Ordelike ontwikkeling' belangrik

07 September 2018 | Regering
Elvira Hattingh



Kort ná die munisipaliteit bevestig het eienaars van plase binne Windhoek se uitgebreide grense gaan vir munisipale tariewe moet opdok, is 'n mosie by die stadsraad ingedien dat die onderverdeling van dié plase uitgestel moet word.

Dít glo ter wille van die ordelike ontwikkeling van die stad vir toekomstige geslagte.

Die Swapo-raadslid, mnr. Ian Subasubani, het die moratorium op 27 Julie ingedien met die versoek dat die onderverdeling van private plase vir 10 maande of langer uitgestel moet word sodat die Windhoek-struktuurplan eers opgestel kan word.

Dié plan handel oor die langtermyn- ruimtelike ontwikkelingsraamwerk, wat ontwikkeling binne die stadsgrense oor die volgende 20 jaar moet lei.

Subasubani stel verder voor dat die munisipaliteit tydens die moratorium met private plaaseienaars skakel om die toekoms van die stad, asook die behoefte aan grond vir toekomstige ontwikkeling te bespreek.

“Die besprekings moet lei tot die verkryging of voorbehou van strategiese grond waar Windhoek wil groei – noord in die rigting van Okahandja, oos na die Internasionale Lughawe Hosea Kutako, asook suid en wes.”

Subasubani kon nie gister telefonies bereik word nie.

Volgens die mosie is 93,3% van die grond binne Windhoek se uitgebreide grense in private besit, terwyl die regering net sowat 4,5% besit. Sowat 0,1% word deur die munisipaliteit besit.

Die stadsgrense is in September 2011 van sowat 646 km2 na 5 142 km2 vergroot, wat Windhoek se munisipaliteit geografies die grootste in Afrika maak, maar ook die mees ylbevolkte stad.



DORPSWETTE

GELD OP PLASE

Dié nuus volg nadat die munisipale woordvoerder, mnr. Scheifert Shigwedha, onlangs aan Republikein bevestig het dat almal binne die stad se uitgebreide grense geleidelik munisipale tariewe sal moet betaal, soos inligting oor die waardasies van eiendomme be­skikbaar raak.

Hy het gesê die tariewe is betaalbaar ingevolge die plaaslike owerheidswet op tariewe vir belasbare eiendom 73 (1), ongeag of plase enige munisipale dienste ontvang of nie.

Hy het ook gesê sedert die plase binne die stadsgrense val, hoef plaaseienaars nie meer grondbelasting aan die ministerie van ­grondhervorming te betaal nie.

Op die vraag of byvoorbeeld jagaktiwiteite, die aanhou van vee en die kap van hout op die plase kan voortduur, aangesien dit verbode binne 'n dorpsgebied is, het die munisipaliteit gesê “alle wette” wat toepaslik is op dorpsgebiede, is nou van toepassing op hierdie plase.



goedkeuring

Dit sluit in dat enige bouplanne en konstruksiewerk op die plase onderhewig is aan munisipale goedkeuring.

Republikein se vrae in verband hiermee aan beide die ministerie van stedelike en landelike ontwikkeling se permanente sekretaris en adjunkminister op 15 Augustus is steeds onbeantwoord.

Dit volg nadat die Windhoek-munisipaliteit onlangs bekend gemaak het dat dit vir die eerste keer sedert 1 Augustus munisipale tariewe binne die stad se uitgebreide grense sal hef. Slegs tariewe op eiendomswaarde en –verbeteringe asook tariewe vir die bestuur van afvalwater sal gehef word.

Die munisipaliteit het in 'n kennisgewing spesifiek na ­woonbuurte soos onder meer Finkenstein, Sungate, Regenstein, Omeya, Herboth's Blick en Brakwater verwys.

Soortgelyk

 

Wilde perde: Jongste vul reeds aangeval

12 ure gelede | Ministeries

Tanja Bause - Enige hoop op oorlewing van die Namib se wilde perde krimp al meer, terwyl die ministerie van die omgewing en toerisme na...

Leerlingdokters 'van swakker gehalte'

12 ure gelede | Onderwys

Henriette Lamprecht - Namibië bestee al ses jaar lank geld aan die opleiding van mediese studente in die buiteland.Volgens mnr. Cornelius Weyulu, registrateur van die...

Regulasies vir loterye en dobbel kom

12 ure gelede | Toerisme

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan...

Gesondheidsmanne vas oor hospitaaltender

12 ure gelede | Ministeries

Twee administratiewe beamptes van die ministerie van gesondheid en maatskaplike dienste se kantoor op Otjiwarongo is op borgtog van N$5 000 elk vrygelaat ná hulle...

Weer, Woensdag 20 Februarie 2019

12 ure gelede | Weer

BINNELAND: Sonnig en baie warm in die verre noordooste. Elders sal dit gedeeltelik bewolk en baie tot bloedig warm wees met enkele reënbuie in die...

Twee kinders met stok doodgeslaan

12 ure gelede | Misdaad

’n Angolese burger is in hegtenis geneem ná hy twee minderjarige kinders na bewering doodgeslaan het en hul ouma ernstig gewond het. Die voorval het...

Weerwaak teen hitte uitgereik

12 ure gelede | In beeld

Die Namibiese weerkantoor sê die kanse op reën is besig om te verbeter in die noordwestelike dele van die land, asook in die Khomasstreek, waar...

Duister SA bekommer NamPower nie

12 ure gelede | Energie

Augetto Graig - Namibië se nasionale kragverskaffer, NamPower, sê Suid-Afrika se kragverskaffer, Eskom, is nie die enigste bron waarmee plaaslike krag aangevul word nie. “Namibië...

Pack Safari open toergids-akademie

12 ure gelede | Toerisme

Pack Safari het amptelik die deure van sy toergids-akademie in Windhoek oopgemaak. Die akademie bied gratis beroepsopleiding aan plaaslike, Duitssprekende toergidse met FGASA Veldgids vlak...