Slagting in Botswana: Groep sien 87 dooie olifante

Karkasse oor hele gebied versprei

06 September 2018 | Afrika
Minstens 87 dooie olifante is die laaste paar maande in ’n sensusopname per lug in Botswana gekry.

Die bewaringsgroep Elephants Without Borders (EWB) en Botswana se departement van natuurlewe het die “vars” olifantkarkasse gekry terwyl hulle van 10 Julie af ’n uitgebreide lugsensus gedoen het, sê Mike Chase van EWB.

Hy sê vars karkasse van olifante wat onlangs van kant gemaak is, wissel in ouderdom van ’n paar dae tot drie maande, “dus is die oudste karkas drie maande oud, wat beteken die slagtings het die afgelope drie maande plaasgevind”.

Die karkasse was oor die hele gebied versprei.

Chase sê in die laaste paar maande is vyf witrenosters ook gekry wat van hul horings gestroop is, een daarvan in die Okavango-delta.

“Ons tel elke dag dooie olifante . . . Ek het pas teruggekeer van ’n vlug oor moontlik die mees afgeleë en afgesonderde wildernisgebied in Botswana, en ons het ses karkasse getel.”

SENSUSOPNAME

Hy sê hulle doen van volgende week af hul sensusopname in die Chobe-gebied.

Chase sê die skaal waarop die olifante gestroop word, is verreweg die ergste wat hy nog op enige plek in Afrika gesien of waaroor hy gelees het.

“Botswana was nog altyd op die voorpunt van bewaring en ek is seker dat pres. Mokgweetsi Masisi dié probleem vinnig sal hanteer.”

Maar die regering kan dit nie alleen doen nie, sê Chase.

“Alle toerismevertakkings en nieregeringsorganisasies se samewerking is kritiek belangrik.”

Olifantbevolkings in Zambië en Angola noord van Botswana is volgens Chase tot op die rand van uitwissing gestroop en nou rig stropers hul visier op Botswana, meen hy.

Chase sê stropers teiken spesifiek groot, ou bulle. “Die karkasse wat ek per helikopter bekyk het, was almal ouer as 35 jaar. Hulle het moontlik ook die swaarste tande van tussen 27 en 31,5 kg, of nog groter.

“’n Spesifieke rangorde is vir tande van ’n spesifieke gewig bepaal en ek vermoed sulke groot stukke ivoor is hoog in aanvraag as in ag geneem word dat daar nog net ’n klein aantal van dié bulle met sulke groot tande in Afrika oor is.

“Stropers teiken oënskynlik die olifantbulle wanneer hulle in seisoenale panne gaan water drink,” sê Chase. – Netwerk24

Soortgelyk

 

Vier wildehonde proe vryheid

16 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

16 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

16 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

16 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

16 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

16 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

16 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

16 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

16 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...