Skuldinvordering op Otji onder loep

Poste intern geadverteer

24 September 2020 | Regering
Ester Kamati op Otjiwarongo - Otjiwarongo se munisipaliteit het in 2017 ’n span skuldinvorderaars op ’n kontrakbasis aangestel om sowat N$43 miljoen wat aan hul verskuldig is, terug te win. Dié skuldinvorderaars se poste is tans onder ’n vergrootglas.

Die munisipaliteit het vanjaar besluit om in hul struktuur vir invorderingsbeamptes voorsiening vir permanente poste te maak en is tans besig, met die hulp van PwC, om die graad en vlak van dié poste te hersien.

Hoewel sommige individue in die huidige span van skuldinvorderaars reeds drie jaar vir die munisipaliteit werk, is die bekommernis dat sommige invorderaars nie aan die nuwe gradering voldoen nie en nie vir die poste kwalifiseer nie.

Sommige munisipale raadslede glo dat die span van sewe skuldinvorderaars aan die vereistes voldoen en hul poste moet behou, maar ander raadslede is van mening die poste kan nie net eenvoudig aan hulle gegee word nie.

“Die skuldinvorderaars doen goeie werk, maar ons het ’n beleid wat gevolg moet word. Die poste moet onder meer eers geadverteer word,” het die raadslede gesê.

Beleid

Volgens die raad moet die beleid gevolg en poste geadverteer word om nepotisme te verhoed.

“Poste kan nie op ’n skinkbord aan individue gegee word nie. Die huidige skuldinvorderaars se poste kan op grond van ons beleid nie gewaarborg word nie,” het Otjiwarongo se munisipale uitvoerende hoof, mnr. Moses Matyayi, gesê.

Hy sê hulle is opsoek na ’n aanspreeklike span en moedig almal in die huidige span aan om aansoek te doen, indien hulle aan die nodige kwalifikasies voldoen. Die poste is reeds intern geadverteer.

Volgens Matyayi is die skuldinvorderaars bewus daarvan dat hulle slegs op ’n kontrakbasis aangestel en dit onderworpe aan beëindiging is.

Volgens Matyayi was die munisipaliteit se skuld N$51 miljoen voor hy by die munisipaliteit begin werk het, al was daar reeds invorderingsbeamptes aangestel. – [email protected]

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...