Skroef toenemend losser

Gesondheid: Geen voorraad beskikbaar

06 September 2018 | Ministeries
Henriette Lamprecht



Daar is geen skroewe, plate en penne vir ortopediese operasies nie.

Ortopediese toerusting is stukkend en daar is net een ortopediese boor, wat, ás dit werk, glo nie behoorlik gesteriliseer word nie en 'n teaterlys vol pasiënte aan die risiko van sepsis blootstel.

Verskaffers van ortopediese toerusting lewer reeds van Junie af geen toerusting nie omdat rekeninge sedert die begin van die jaar nie betaal is nie.

Traumapasiënte lê vir weke en wag vir nood- ortopediese operasies en ontwikkel druksere en infeksies.

'n Teaterkompleks is ten duurste opgeknap, maar baie van die deure en teaterligte is buite werking, en dokters moet maar self alles van kateters tot verbande en dempers vir operasies aanry.

Volgens 'n verskaffer in die mediese bedryf moet veral pasiënte met 'n fraktuur so gou as moontlik geopereer word.

“Dit is bitter hartseer om te sien hoe hierdie mense nou maar net lê en wag, baie van hulle in erge pyn. Van hulle ontwikkel ook later sepsis en druksere,” het dié bron gesê.

Diensverskaffers is in Januarie betaal en toe nooit weer nie, met “geen teken” van enige betaling in die toekoms nie.

“Ek het ses maande lank toerusting verskaf sonder om betaal te word. Ek kan dit eenvoudig nie meer doen nie.”

Volgens hierdie verskaffer werk die ortopediese boor wat gebruik word ook nie meer nie, omdat dit nooit onderhou is nie.

'n Pasiënt, wat daagliks met erge en verlammende rugpyn worstel, staar die moontlikheid van verlamming in die gesig, omdat daar geen skroewe vir haar operasie is nie.

“Windhoek Sentrale Hospitaal het 'n eersteklas teater met vaardige chirurge, maar geen toerusting om my te opereer en my ruggraat te herstel nie,” het sy gesê.

Sy is haar gesin se enigste broodwinner en haar salaris dek slegs die gesin se huur en haar dogter se skoolgeld.

“Ons het nie 'n kar nie, ook nie enige polisse of spaargeld nie. Ek moet elke keer geld leen om van die kus tot in Windhoek te kom vir die spinale kliniek op 'n Woensdag. Ek leef en werk in konstante pyn en die idee om permanent gestremd te raak, het my hele lewe oorgeneem. Ek moet werk om my gesin te onderhou, ons het niemand wat finansieel na ons kan kyk nie. Ek is ook doodseker daar is honderde soortgelyke gevalle,” het sy gesê.

Nóg 'n pasiënt, wat geval het en 'n ernstige skouerbreuk opgedoen het, moes na verskeie kere se reis van die kus na Windhoek hoor hy moet maar eerder by 'n private dokter gaan hulp soek.

“Die pyn is ondraaglik. Met my eerste ondersoek het ek 'n hand vol Panado's en gout-medisyne gekry. Die diagnose was dat ek onmiddellik geopereer moet word om die breuk te herstel. Nadat ek verskeie kere Windhoek toe is met die hoop op die operasie, was die antwoord daar is geen penne beskikbaar om dit te herstel nie,” het hy gesê.

Ook in dié geval is daar geen finansiële hulp om die operasie privaat te laat doen nie.

“Ek werk vir myself en in my huidige toestand kan ek nie werk nie. Dit beteken ek kry nou geen inkomste nie en het nie geld om huur te betaal of myself te onderhou nie.”

Teen druktyd het die permanente sekretaris van gesondheid en maat­skaplike dienste, mnr. Ben Nangombe, steeds nie op vrae in dié verband gereageer, wat meer as 'n week gelede aan hom gestuur is nie.

Soortgelyk

 

Vier wildehonde proe vryheid

16 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

16 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

16 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

16 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

16 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

16 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

16 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

16 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

16 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...