Skool en werk: Sprokiesverhaal na dramareeks

18 April 2019 | Rubrieke
Evany van Wyk - Ek het geen idee hoekom ‘n mens moet skoolgaan as die “regte wêreld” absoluut die teenoorgestelde daarvan is nie.

Ek het verlede jaar my matriekeksamen afgelê en sedertdien meer as ooit geleer.

Skool was ‘n sprokiesverhaal. (Met al die toetse en eksamens waarvoor ons moes voorberei, het dit wel soms soos die ergste hel gevoel.)

Om te werk, is anders. Op skool het ons ten minste tyd gekry om voor te berei, maar by die werk is letterlik jou elke beweging ‘n toets.

Ek moet bieg: Die interaksie met vreemde mense het my eers afgeskrik en met tye nogal paniekbevange gehad omdat ek van nature ‘n skaam mens is. Maar die motivering het van die begin af uit alle rigtings gekom.

Dit is nog iets wat verskil van skool. Daar bekla die kinders hul probleme teenoor mekaar en almal word ewe mismoedig.

By die werk is daar egter altyd iemand wat die regte ding te sê sodat jy voel jy kan die wêreld oorwin. My nuwe kollegas is vir my meer soos leermeesters - en die prettigste mense ooit.

Joernalistiek is glad nie ‘n maklike rigting om in te stap nie, maar die ervaringe en kennis wat ‘n mens opdoen, is meer as genoeg beloning.

Gepraat van beloning, ek het my eerste salaris ontvang en vir die eerste keer verstaan ek regtig hoekom die werkersklas nooit geld het nie. Daar is soveel meer verantwoordelikhede wat gedra moet word, en dit is ‘n groot les wat almal eendag moet leer. Geld is vlietend, maar die herinneringe wat jy in jou lewe maak, is vir ewig. So wees bereid om vir ‘n rukkie van grondboontjiebotter, brood en water te lewe - dis nou te sê as jy dit kan bekostig. Dit kan ‘n goeie storie wees om eendag aan jou kleinkinders te vertel.

Ek probeer die meeste maak van die geleenthede wat ek gebied word. Soos byvoorbeeld om hierdie rebriek te kan skryf - dit is ‘n groot eer.

Natuurlik was daar ook klein goedjies wat skool ‘n bietjie beter maak as werk: 1. Jy kan daarmee wegkom om op die laaste minuut moontlik ‘n opstel in te handig, selfs nadat die sperdatum verby is. By die werk sal jy baie probleme optel as jy van plan is so iets te probeer. 2. Die skoolure was baie minder, maar as jy ‘n salaris wil verdien, sal jy die ure moet werk.

Hierdie heel ander omgewing verg aanpassing, maar ek leer elke dag iets nuut en daar is soveel pret betrokke.

Ten spyte van die feit dat ek my skool verskriklik verlang, is ek gelukkig met die uitdagings wat my in die gesig staar, want dit is wat die lewe interessant maak.

Aan al die leerlinge wat nog op die skoolbanke is: Maak die beste daarvan en sien uit na ‘n moeilike, maar opwindende leerproses in die grootmenswêreld.

Drome werk nie, tensy jy werk. En as die lewe moeilik word, moet jý sterker word.

Soortgelyk

 

B-dag: Maak of breek

1 uur gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

1 uur gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

1 uur gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

1 uur gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

1 uur gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

1 uur gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

1 uur gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

1 uur gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

1 uur gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...