Skole in vloedgeteisterde gebiede na hoër gebiede verskuif

Die kabinet het goedkeuring verleen dat skole in die vloedgeteisterde Kabbe Suid-kiesafdeling in die Zambezistreek na hoërliggende gebiede verskuif word. Die skole wat geraak word, sluit Muzii, Nankutwe en Mpukano in. Dit sal teen 'n beraamde koste van N$152 miljoen gedoen word. Die implementering van die projek sal onder die vaandel van die ministerie van onderwys, kuns en kultuur in samewerking met die ministerie van werke en vervoer, die nasionale beplanningskommissie en die Zambezi-streeksraad gedoen word.