Skenking om padveiligheid te verbeter

Rössing Uranium gee groot

03 January 2017 | Ongelukke
Otis Finck - Rössing Uranium het kort voor Kersfees altesaam N$21 000 aan die Arandis Emergency Management Response Services (EMRS) oorhandig.

EMRS is sedert die begin van die feesseisoen by die afrit van die B2-hoofpad na Arandis bedrywig.

Rössing se waarnemende bestuurder van veiligheid, gesondheid, omgewing, gemeenskap en beskermingsdienste, mnr. Johannes Silvanus, het die skenking oorhandig aan verteenwoordigers van die projekkoördineerders, Eagle Ambulans en Reddingsdienste, in samewerking met die Motorvoertuigongelukfonds (MVAF) en die dorpsraad van Arandis wat die inisiatief bestuur.

“Ons hoop hierdie skenking sal bystand bied aan die belangrike pogings om doeltreffend op padongelukke te reageer, asook die bewustheid van padveiligheid te versprei en die boodskap aan besoekers aan die sentrale en kusgebiede tydens die feesseisoen oor te dra. Alle ongelukke, beserings en siektes kan voorkom word en ons doelwit is dus om ‘geen leed’ te bereik.

"Met ons doelstellings en doelwitte vir veiligheid wil ons werknemers, vennote en belanghebbendes aanmoedig om met ’n positiewe en proaktiewe gesindheid teenoor veiligheid op te tree,” sê Johannes.

Mnr. Terence Ward, hoofkoördineerder van die EMRS, het die skenking namens die MVAF aanvaar. Hy het verduidelik dat die geld vir die herstel en instandhouding van ambulanse wat gebruik word om op padongelukke tot 40 km oos en wes van die Arandis-afrit te reageer, gebruik sal word.

“Ons doel is om binne 10 minute na kennisgewing van 'n ongeluk te reageer om aan slagoffers die beste, moontlike kans op oorlewing te gee. Ons toerusting moet in 'n uitstekende, werkende toestand wees as ons hierdie doelwit wil verwesenlik en die bystand van Rössing maak dit moontlik. ”

Oproepe aan die EMRS kan deur die MVAF se oproepsentrum by 081 9682 gemaak word.

Mnr. Erastus Makathila, waarnemende uitvoerende hoof van Arandis, het gesê die raad het die noodreaksiesentrum-program in 2015 van stapel gestuur met die doel om lewens te red deur die gebied se noodreaksiepogings tydens spitstye in die feesseisoen aan die kus, hetsy in Desember of in April met Paasnaweek, te verbeter.

'n Belangrike komponent van die hierdie program behels die skep van gemeenskapsnooddienste in Arandis. Twintig vrywilligers van Arandis is reeds opgelei en sal reaksiespanne bystaan. Hul doelwit is om 200 vrywilligers, insluitend polisiebeamptes en brandspanne, op te lei.

Me. Amanda Horn van Rössing het gesê die maatskappy is bewus van die impak wat hul bedrywighede op die gemeenskap het.

“Ons beskou die verantwoordelike bestuur van ons betrekking met die gemeenskap en belanghebbendes net so noodsaaklik vir ons besigheid se sukses soos die bestuur van ons bedrywighede. Daarom staan Rössing standvastig in die nakom van sy korporatiewe maatskaplike verantwoordelikheid, ten spyte van die uitdagings wat marktoestande bied.”

Soortgelyk

 

Stormweer gooi kusdorpe met modder

4 ure gelede | Weer

Des Erasmus - Die kusdorpe Lüderitz, Walvisbaai, Swakopmund en Hentiesbaai is almal deur die stormweer op land en op see gelooi.Die soutpad agter die duinegordel...

Rehoboth-regruk op dreef

4 ure gelede | Plaaslik

Denver Kisting – Amptenare van die Rehoboth-dorpsraad wat deur inwoners van dié dorp op straat en elders omgekoop word, se dae is getel.Dít was die...

Op die merke, gereed, stem!

4 ure gelede | Gebeure

Tot 1 Junie het almal een SMS-stem om die Klein Dorp van die Jaar vir 2018 aan te wys. Kies tussen Eenhana, Okahao, Oniipa of...

Weer vir 21 Mei 2018

4 ure gelede | Weer

BINNELAND: Gedeeltelik bewolk en warm tot baie warm in die Noordooste. Elders sal dit sonnig en warm tot baie warm wees, maar matig in die...

Kablou: Polisie rig waarskuwing

4 ure gelede | Polisie

Denver Kisting – Die polisie sê by monde van sy woordvoerder, adj.komm. Edwin Kanguatjivi, hy duld geen dreigemente nie.Volgens Kanguatjivi is hulle bewus van dreigboodskappe...

Bruidspaar van die jaar by NTE

4 ure gelede | Gebeure

Met wonderlike pryse op die spel en die kans om weg te stap as wenners van Republikein se Bruidspaar van die Jaar-kompetisie, kan die tien...

Koninklike wittebrood moet eers wag

4 ure gelede | Plaaslik

Ronelle Rademeyer - Die hertog en hertogin van Sussex se koninklike wittebrood moet eers wag.Dié glanspaartjie gaan eers môre 'n tuinpartytjie by die Buckingham-paleis ter...

Botsing eis drie

4 ure gelede | Ongelukke

Des Erasmus - Drie mense is dood in 'n ketting­botsing Saterdag op die B2-­hoofweg net buite Usakos op die pad na Karibib. Volgens die polisie...

‘Bulldozers’ trek vermeende ministerie-diewe vas

4 ure gelede | Misdaad

Ronelle Rademeyer - Drie mans, van wie twee werknemers van die ministerie van finansies is, sal vandag in die landdroshof in Katutura op 'n klag...