Skedels kom dié week

Publiek na plegtigheid genooi

28 August 2018 | Maatskaplik
Catherine Sasman - Die minister van onderwys, kuns en kultuur, me. Katrina Hanse-Himarwa, het Vrydag gesê die Hendrik Witbooi-Bybel sal nié volgende week saam met die 27 menslike skedels van Namibiese herkoms na die land terugkeer nie.

Sy het gesê die aanvank­like plan was dat die Bybel terugbesorg word, maar Duitse owerhede het gevra dit moet eers in 'n latere stadium gedoen word omdat onderhandelinge hieroor nog nie gefinaliseer is nie. Die Bybel sal waarskynlik eers ­volgende jaar na Namibië ­teruggebring word.

Dit word tans by die Linden-universiteit in Stuttgart, Duitsland, bewaar.

Lede van die Witbooi-­familie sal die Namibiese ­afvaardiging, wat die skedels in Duitsland gaan ontvang, vergesel en sal by die onderhandelinge betrokke wees wat daar plaasvind.

Hanse-Himarwa het by 'n nuuskonferensie gesê die afvaardiging bestaan uit 74 mense waarvan slegs 11 se reiskostes as gevolg van begrotingsbeperkings deur die Namibiese regering geborg gaan word.

Die 11 mense sluit in Hanse-­Himarwa, wat die afvaardiging gaan lei, sowel as drie amptenare van die departement vir lewenslange onderrig, wat die skedels en dokumentasie sal nagaan.

Ander amptenare sluit een verteenwoordiger van die tradisionele raad in en een amptenaar van die ministerie van stedelike en landelike ontwikkeling, wat deur hierdie ministerie geborg word.

Een verteenwoordiger van die Nasionale Erfenisraad, een verslaggewer en een foto­graaf gaan deur die ­ministerie van inligting en kommunikasietegnologie geborg word.

Die 25 verteenwoordigers van Nama- en Herero- tradisionele owerhede word deur die Duitse ambassade in Namibië geborg. Die Ovaherero-opperhoof, adv. Vekuii Rukoro, tel ook onder hierdie afvaardiging, het Hanse-­Himarwa bevestig.

Ses lede van die Raad van Kerke (CCN) word deur kerke in Duitsland geborg vir die beplande godsdiens­tige seremonies daar.

Veertien lede word deur Air Namibia geborg. Sewe mense wat van Namibië af reis, betaal vir hulself; vyf ­Namibiërs uit die diaspora gaan ook vir hulself betaal.

Hanse-Himarwa sê die grootte van die afvaardiging is deur die groot belangstelling in die terugkeer van die mens­like oorskot beïnvloed.

“Ons kan nie mense daarvan weerhou om te gaan nie. Dit is hoekom ons gesê het hulle moet hul eie reiskostes betaal. Daar is niks daarmee verkeerd nie,” het Hanse-­Himarwa gesê.

Twee gedenkdienste sal in Berlyn gehou word. Die een sal 'n kerkdiens wees en die ander is die amptelike oorhandiging van die skedels aan die Namibiese afvaardiging waar ­tradisionele seremonies gehou sal word. 'n Diens sal Vrydag by die parlementstuine gehou word, waar die publiek hul respek kan betoon.

Soortgelyk

 

14 'wildmisdadigers' vas

3 ure gelede | Misdaad

Altesaam 14 vermeende wildmisdadigers is verlede weke in hegtenis geneem, van wie vier elk in verband met renoster- en olifantstropery of horing- of ivoorsmokkelary of...

Verklaar raad nietig, sê Itula

20 ure gelede | Politiek

Henriette Lamprecht - Dr. Panduleni Itula, tandarts van beroep en onafhanklike presidentskandidaat in die pas afgelope verkiesings, wil hê die aanstelling van nuwe lede van...

Makalani’s se voete in die water

20 ure gelede | In beeld

Die Namibiese weerkantoor het gister wéér ’n weerwaak vir wydverspreide donderstorms uitgereik, wat na verwagting in die Ohangwena-, Otjozondjupa-, Khomas- en Omahekestreek sal voorkom. Daar...

Opposisie, Itula gaan hof toe oor verkiesings

20 ure gelede | Politiek

Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook...

Noa kap na ‘leunstoel-kritici’

20 ure gelede | Misdaad

Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié...

STEMFEITE: OSHANA

20 ure gelede | Politiek

Die infografiek lig Ondangwa se verkiesingsuitslae uit. In 2014 het Swapo 86% van alle stemme in die kiesafdeling gewen.

Weer vir 5 Desember 2019

20 ure gelede | Weer

WEERWAAK: Donderstorms van 50 mm en meer oor 24 uur kan kitsvloede in Ohangwena, Otjozondjupa, Khomas en Omaheke veroorsaak.BINNELAND: Gedeeltelik bewolk en baie warm...

PDM steek skadukabinet aan die werk

20 ure gelede | Politiek

Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.Volgens hom gaan...

Vervoerpionier se roudiens Saterdag

20 ure gelede | Mense

Francoise Steynberg - Die roudiens van ’n pionier en legende in die Namibiese vervoer- en toerismebedryf, wyle mnr. Willie du Toit (68), vind Saterdag om...