‘Skaapdiefstal’ lei tot treurspel

Geen borg vir ruskamp-eienaar

12 February 2020 | Howe
Francoise Steynberg - Die beweerde diefstal van 30 skape by ’n bekende ruskamp buite Keetmanshoop het Maandag glo tot die dood van ’n vermeende skaapdief, mnr. Nangundu Nyangana (28), gelei.

Volgens die Namibiese polisie se koördineerder van misdaadondersoeke in die ||Kharasstreek, adj.komm. Chrispin Mubebo, lê een van die oorledene se makkers in ’n Windhoekse hospitaal met beserings en die derde een het gister in die hof op klagte van veediefstal verskyn.

Vyf verdagtes het gister in die Keetmanshoop-landdroshof op verskeie klagte verskyn, wat moord, poging tot moord, aanranding met die opset op ernstig te beseer en veediefstal insluit.

Mnr. Conrad Nolte (59), eienaar van Quivertree Forest-ruskamp buite Keetmanshoop, het saam met sy werkers, mnre. Jan Steenkamp (51), Jimmy Rukamba (27) en Alex Kooper (24), op ’n klag van moord, poging tot moord en aanranding met die opset om ernstig te beseer, verskyn.

Hulle is Maandag in hegtenis geneem en het in aanhouding gebly.

Mnr. Raymond Neube (46) het op veediefstalklagte verskyn ná hy ook Maandag ná ’n vlugtog vasgetrek is.

Volgens Mubebo spruit die voorval uit 30 skape wat op die plaas Gariganus gesteel is, waar die ruskamp sowat 13 km noordoos van Keetmanshoop op die M29-pad na Koës geleë is.

Nolte en sy werkers het volgens Mubebo Maandag pas ná middernag drie mans betrap wat glo 30 skape gesteel het.

Volgens Mubebo is een van die vermeende skaapdiewe tydens die voorval noodlottig in die bors geskiet.

“Wie die sneller getrek het, weet ons nie,” het Mubebo gesê.

“Nóg ’n vermeende veedief (33) is aangerand, en ’n derde een, Neube, het op die vlug geslaan, maar is later gevang.”

Volgens Mubebo is die beseerde verdagte met vermoedelik gebreekte arms in die Keetmanshoop-staatshospitaal opgeneem, maar na ’n Windhoekse hospitaal oorgeplaas waar hy onder polisiebewaking is.

Weens sy mediese toestand kon dié verdagte nie gister in die hof verskyn nie.

Nolte is gister borgtog geweier, terwyl sy werkers op borgtog van N$1 000 elk vrygelaat is.

Volgens Mubebo sal Nolte Donderdag formeel om borgtog aansoek doen.

Die saak is tot 26 Maart vir verdere ondersoek uitgestel.

NóG VEEDIEFSTAL

Ander voorvalle van veediefstal het op Omaruru en Otjiwarongo plaasgevind.

“Tussen Januarie en 6 Februarie is nege beeste ter waarde van N$55 000 op die plaas Omenje No. 119 in die Omaruru-distrik gesteel,” lui die Namibiese polisie se weeklikse misdaadverslag.

Niemand is al in hegtenis geneem nie en geen beeste is teruggevind nie. Die polisieondersoek duur voort.

Op die plaas Rodenstein in die Otjiwarongo-distrik is die voetspore van drie onbekende mans deur plaaswerkers gesien.

“Die plaaswerkers het die voetspore gevolg en glo gehoor die beeste maak vreemde geluide asof hulle versmoor word,” sê die polisie.

Hulle het toe na wat verneem word die polisie en werkers by die Waterbergplatopark gebel.

“Die verdagtes se voetspore is verder gevolg. Hulle het die drie verdagtes op heterdaad betrap terwyl hulle besig was om ’n bees te slag,’ sê die polisie.

Een verdagte (38) is in hegtenis geneem.

’n Jaagtog het glo gevolg met twee verdagtes wat op die vlug geslaan het.

“Vier beeste is geslag en drie ander was nog in draakstrikke vasgevang met hul agterbene afgekap,” lui die verslag.

[email protected]

Soortgelyk

 

Bank Windhoek sluit hooftak, Auas Valley- en Ashirwad-agentskappe weens...

29 minute gelede | Gesondheid

Bank Windhoek het sy hooftak in Windhoek, sowel as die Auas Valley en Ashirwad-agentskappe gesluit wat van hier af bedien word. Dit volg nadat een...

68 nuwe Covid-19-gevalle, nog 26 herstel

1 uur gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula het 68 nuwe Covid-19-gevalle in die land aangekondig. Hiervan is 60 in Walvisbaai, een...

Nóg een sterf, meer gevalle in Windhoek

17 ure gelede | Gesondheid

HoofredaksieBuiten 'n styging in die getal mense in Windhoek wat positief getoets het vir Covid-19, is daar ook al meer mense wat die virussiekte opdoen...

Kusdorpe soek hul vryheid

17 ure gelede | Gesondheid

Leandrea Louw op Walvisbaai Sowat 350 inwoners van Walvisbaai en Swakopmund het Saterdag naby Langstrand aan ’n onwettige optog teen die Covid-19-inperking in die Erongostreek...

Privaatskole dra miljarde by tot onderwys

17 ure gelede | Onderwys

Henriette Lamprecht – Privaatskole in Namibië het die afgelope 18 jaar die ministerie van onderwys, kuns en kultuur se begroting N$833 miljoen jaarliks gespaar. Dit...

Daniele Ferrari in Katolieke tradisie gegroet

17 ure gelede | Mense

Jeanette Diergaardt – Mense van verskillende ras- en taalgroepe het Vrydagmiddag by 'n roudiens in die St. Mary's-katedraal in Windhoek se middestad saam met die...

Weer vir 27 Augustus 2020

17 ure gelede | Weer

BINNELAND: Gedeeltelik bewolk en warm in die verre noordelike streke, maar sonnig en matig tot warm elders in die land. Die wind sal matig tot...

'Hofpligte sal ek deurvoer'

17 ure gelede | Howe

Ogone Tlhage – Mnr. Johannes Stefansson, die Yslander wat 'n hoofrol gespeel het om korrupsie in die Namibiese visserybedryf oop te vlek, sê hy sal...

Party hou introspeksie

17 ure gelede | Politiek

Augetto Graig – Die heersende Swapo-party het die naweek teruggekyk na die 2019 nasionale verkiesing en selfondersoek gedoen om die pad vorentoe te kan uitstip....