Sinkhuisies blý opskiet

Na raming reeds op 40%

19 June 2018 | Infrastruktuur
ont face="Verdana" >



Denver Kisting – Mnr. Derek Klazen, die adjunkminister van stedelike en landelike ontwikkeling, sê selfs werkende mense mét behuisingstoelae sukkel om ordentlike huise te bekostig.

Hoewel hy erken sinkhuise word al hoe meer in veral stedelik gebiede, kan hy nie toegee die land se behuisingstelsel word deur sinkhuise gekenmerk nie.

In antwoord op ’n vraag van mnr. Apius Auchab van die United Democratic Front (UDF) oor die toename in informele nedersettings, spesifiek sinkhuise, het Klazen verlede week gesê die styging is hoofsaaklik die gevolg van verstedeliking.

’n Studie wat tydens 2016 landwyd onderneem is, het bevind tot 40% van woonhede in stedelike gebiede is sinkhuise.

Volgens Klazen plaas verstedeliking groot druk op plaaslike owerhede. As gevolg hiervan kan hulle nie finansieel en tegnies die mas opkom wat betref gedienste grond, sanitasie, behuising en ander noodsaaklike dienste nie, sê hy.

Klazen het Donderdag in die Nasionale Vergadering (NV) gesê veelvoudige ingrypings is nodig om die gebrek aan ordentlike behuising die hoof te bied. “Onder omstandighede waar daar armoede en werkloosheid heers, selfs as gedienste grond en behuising beskikbaar is, sal die armes en werkloses dit nie kan bekostig nie.”

Hy het te velde getrek teen die “onredelik hoë” pryse van grondmetings, ingenieursontwerpe, beplanning en ontwikkeling wat meebring dat die mees weerlose lede van die samelewing dit nie kan bekostig nie.

Volgens hom is dit “buite die bereik van die meeste mense, selfs diegene wat werk en behuisingstoelaes ontvang” om 'n dak oor hul kop te bekom.

Klazen sê die regering beplan ’n aantal maatstawwe om die nood te help verlig.

Onder meer beoog die 2018-wet op streeks- en stedelike beplanning om sekere besluitnemingsprosesse meer vaartbelyn te maak en na plaaslike regeringsvlak uit te brei.

Hy sê dít het ten doel om die goedkeuring en lewering van grond te bespoedig.

Klazen sê informele nedersettings neem veral in Khomas en Erongo toe, omdat dié streke die swaarste onder verstedeliking gebuk gaan.

Soortgelyk

 

Woestynwyn ‘n ‘wonderwerk’

8 ure gelede | Toerisme

Die jaarlikse oes op die Neuras-wynlandgoed in die Maltahöhe-distrik is goed op dreef.Om ‘n wingerd in die woestyn aan die lewe te hou, is nie...

Onderwyskrisis sny diep

8 ure gelede | Ministeries

Denver Kisting – Die Khomasstreek benodig “baie dringend” agt hoërskole en vier laerskole om die onderwyskrisis in dié streek te besleg.Aan die einde van verlede...

Sewejarige pleeg glo selfdood

8 ure gelede | Misdaad

Henriette Lamprecht – ‘n Sewejarige meisie is Donderdag dood nadat sy haarself glo in ‘n kas gehang het. Volgens adj.komm. Erastus Ikuyu, van die polisie...

In samehorigheid met landgenote

8 ure gelede | Maatskaplik

Sowat 100 Zimbabwiese burgers wat in Namibië woon, het Vrydag ’n petisie aan die Zimbabwiese ambassade oorhandig. Daarin eis hulle die onderdrukking van betogings teen...

Nauyoma na hospitaal ná dringende aansoek

8 ure gelede | Howe

Die regsverteenwoordiger mnr. Kadhila Amoomo het Vrydag ’n suksesvolle dringende aansoek voor die hoërhof in Windhoek vir die aktivis mnr. Dimbulukeni Nauyoma se vrylating uit...

Weer vir 21 Januarie

8 ure gelede | Weer

BINNELAND: Mooiweer en bloedig warm in die verre Suide, andersins gedeeltelik bewolk en baie tot bloedig warm met geïsoleerde tot verspreide donderbuie oor dele van...

Duisende passasiers sak op Walvis toe

8 ure gelede | Toerisme

Tanja Bause - Die statige Aida Aura, ’n reusepassasierskip, het verlede Dinsdag Walvisbaai se hawe binnegevaar.’n Dag later het die Queen Elizabeth, die Nautica en...

Kunene spog met grootste bewaringsgebied

8 ure gelede | Omgewing

Ellanie Smit – Meer as 59 000 mense woon in bewaringsgebiede in die Kunenestreek. Dié streek is die grootste gemeenskaplike bewaringsgebied in Namibië. Bewaringsgebiede van...

Hoe skoner, hoe mooier

8 ure gelede | Plaaslik

Toerisme beskik oor die potensiaal om armoede en werkloosheid in Namibië te takel, en bly een van die sterkste pilare van die Namibiese ekonomie. Om...