Simon Junior se loopbaan uit die blokke

Andrew Poolman - Die beroepsdebuut van Harry Simon junior, seun van die Namibiese bokslegende, was Woensdagaand net 'n voorgeveg, maar het ewe veel belangstelling as die res van die program uitgelok.'n Stewige skare was by die Salute Boksakademie se toernooi by die Windhoek Buiteklub om te sien hoe die jong Swakopmunder sy buiging maak en in die derde ronde met 'n tegniese uitklophou sy landgenoot Sam Shaama tot oorgawe gedwing het. Shaama het tevore twee beroepsgevegte gehad en het albei verloor, maar die algemene bevinding is dat Simon junior, 'n superliggewig (63.50 kg), wel oor die rou talent beskik om sy eie pad boontoe te stap.In die hoofgeveg het Nathaniel Kakololo die nasionale titel vir veergewigte ingepalm toe hy vir Dominicus Weyulu maklik tot oorgawe gedwing het.Die einde het binne die eerste minuut van die tweede ronde gekom toe skeidsregter Lazarus Nainda veiligheidshalwe tussenbeide getree het. Die arme Weyulu het toe nie meer raad geweet nie nadat hy in beide ronde platgeslaan is. Kakololo het sy agtste oorwinning uit tien gevegte behaal (een nederlaag, een gelykop).In die hoofvoorgeveg het Vakufilapo Nashivela (Cowboy) die gespierde junior middelgewig Alpheus Shikongo (The Viper) met 'n tegniese uitklophou in die derde ronde verslaan. Ander uitslae: Superkapokgewig (Namibiese nasionale titel): Jonas Matheus klop Julius Sheetheni eenparig met punte.Weltergewig: Kapena Naidjala klop Kristian Ukelo eenparig met punte.Junior liggewig: Nathaniel Sebastian klop Andreas Nghinaunye eenparig met punte.Veergewig: David Angula klop Tommy Nakashimba eenparig met punte.Veergewig: Rafael Iitha klop Sacky Amutjaa eenparig met punte.

Simon Junior se loopbaan uit die blokke

Kommentaar

Republikein 2025-05-14

Meld asseblief aan om kommentaar te lewer

Simon Junior se loopbaan uit die blokke

Kommentaar

Republikein 2025-05-14

Meld asseblief aan om kommentaar te lewer

MELD AAN

Advertensie