Shifeta: Skep kultuur van herwinning

'Toerisme afhanklik van skoon omgewing'

06 June 2019 | Omgewing
Francoise Steynberg - Met toeriste wat volgens jaarlikse statistieke al hoe meer na Namibië stroom, is dit uiters belangrik om 'n blywende indruk van 'n skoon bestemming te skep.

Só het die minister van die omgewing en toerisme, mnr. Pohamba Shifeta, gister op Wêreldomgewingsdag tydens die amptelike opening van die 21ste Namibië Namibië Toerisme Ekspo (NTE) by die Windhoekse skouterrein gesê.

"Die tema vir vanjaar se NTE is herwinning en dit is nie net belangrik vir die toerismesektor nie, maar vir die hele land waarin 'n kultuur van herwinning maar pas begin het, het Shifeta gesê.

"Ons moet 'n kultuur van geen verdraagsaamheid teenoor rommel en besoedeling aanvaar."

Hy sê die toerismesektor is afhanklik van 'n skoon omgewing en kan ly onder die negatiewe langtermynimpak wat deur besoedeling en gebrek aan afvalbestuur veroorsaak word.

"Ons moet hierdie beginsels van verminder, herwin en herverbruik van afval volhou. As ons hierdie beginsels volg, sal ons nie net help om ernstige omgewingsprobleme soos aardverwarming te voorkom nie, maar skatte uit rommel skep en afval in rykdom omskep."

Shifeta is beïndruk met en verwelkom Namibia Media Holdings (NMH) se Namibië Dorp van die Jaar-kompetisie waarmee dorpe uitgedaag word om mee te ding om skoner te wees.

"Hierdie inisiatiewe moedig gemeenskappe aan om saam te werk om hul dorpe mooier vir toerismeontwikkeling te maak."

Die minister het ook NMH se toerismenetwerkkonferensie van gisteroggend geprys: "Met die tema ‘Rethink Waste’ is verskeie maniere aangebied hoe rommel bestuur en herverbruik kan word wat Namibië kan help om die skoonste bestemming in Afrika te word".

Shifeta sê sy ministerie het verlede jaar die voortou geneem deur plastieksakke in nasionale parke te verbied.

Hy moedig die toerismesektor wat negatief deur rommel beïnvloed word, aan om 'n skoner Namibië te bevorder deur die drie R'e, "Recycle, Reduce, Re-use", te omarm.

"Ons moet almal omgewingsambassadeurs in ons gemeenskappe wees."

Die minister meen soliede afvalbestuur is een van die ernstige omgewingskwessies en alle sektore van onderwys, kultuur, mynbou, omgewing, visserye en landbou moet saamwerk om die oorsake van rommel en besoedeling te takel.

Shifeta het 'n beroep op die toerismesektor gedoen om die NTE as platform te gebruik om te netwerk, asook geleenthede te soek om besighede te laat groei en dienslewering te verbeter, "want ons toerismesektor kan nie stagnant bly as ons meer toeriste wil lok nie".

Soortgelyk

 

Voortrekker: “Namibië nie ’n desperate land”

10 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

10 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

10 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

10 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

10 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...

D-Dag vir Katrina

10 ure gelede | Howe

Denver Kisting – Die minister van onderwys, kuns en kultuur, me. Katrina Hanse-Himarwa, hoor na verwagting vandag of die hoërhof reken sy is skuldig aan...

Vrae oor RCC-salarisse

10 ure gelede | Vervoer

Augetto Graig en Ogone Tlhage - Byna 400 werknemers van die Paaiekontrakteursmaatskappy (RCC) wag in spanning om te hoor of hulle vadeesmaand betaal gaan word....

Die jeug is Namibië se grootste hulpbron

10 ure gelede | Gesondheid

Henriette LamprechtNamibië se jeugdige bevolking is die land se grootste hulpbron. Sou dié hulpbron nie doeltreffend ondersteun word nie, laat dit reusegapings in die produktiewe...

Dit raak warmer én kouer

10 ure gelede | Weer

Die European Centre for Medium-Range Weather Forecasts (ECMWF) sê die afgelope Junie was die warmste wêreldwyd sedert 1979. Volgens dié weerkundiges was wêreldwye temperature vir...