Shaningwa vaar teen 'hallusinasies' uit
Twee mense is nie genoeg om Swapo op sy knieë te dwing nie, sê sy sekretaris-generaal.
Denver Kisting – Mense wat droom daarvan dat Swapo besig is om in duie te stort, hallusineer.
In plaas daarvan om dít te doen, moet hulle eerder by die regerende party aansluit.
Só sê Swapo se sekretaris-generaal (SG), me. Sophia Shaningwa.
Volgens haar is daar geen sprake dat dié bevrydingsbeweging op die randjie van ineenstorting staan nie.
Trouens, het sy gister aangevoer, Swapo raak daagliks sterker.
“Dit moet in geen onduidelike terme gestel word aan diegene wat reken Swapo word geskud of word broos nie: Swapo word sterker en sterker.”
Shaningwa het gister die media toegespreek oor die pas afgelope buitengewone kongres, wat die naweek in Windhoek gehou is.
Hoewel sy versuim het om besonderhede te verskaf, het sy gesê daar is besluit dat té hoë vereistes wat lidmaatskap betref, veral die jeug sou benadeel.
Derhalwe het die buitengewone kongres die afgelope naweek besluit om die vereiste tydperk te verkort.
“Dit beteken lede van die jeug sal nie 50 of 60 jaar hoef te wag voor hulle die president van die party kan word nie.”
Sy het voorts ontken mnr. Armas Amakwiyu, die koördineerder vir Oshikoto, se toespraak het tydens die kongres se opening ’n storm ontketen.
“Swapo is ’n baie groot huis. Dit is soos ’n leeu in ’n woud. Wanneer Swapo hoes, nies almal,” het sy gister gesê.
Ondanks pres. Hage Geingob en haar eie toegewing oor verdeeldheid binne die party, het sy later probeer volhou daar is geen skermutselinge nie.
Dit is ’n mite, het sy beweer toe joernaliste haar daaroor gepols het.
In haar geskrewe toespraak sê sy die buitengewone kongres het klem daarop geplaas dat die party op sy hoede moet wees, omdat daar magte is wat op ’n sending is “om te vernietig (dit) wat die party jare geneem het om met bloed, sweet en trane op te bou. Dit word beklemtoon dat dit maklik is om te vernietig, maar moeilik is om te bou”.
Amakwiyu het Vrydagoggend van die verhoog af gevra dat die verdeeldheid bespreek word.
Republikein verneem daar het dadels van daardie pleidooi gekom.
Met verwysing na die twee lede, wat die party verlede week voor die hof gedaag het, sê Shaningwa twee mense is nie genoeg om hulle angstig te maak nie.
“Vir wie verteenwoordig hulle? Hulle het nie eens ’n mandaat nie.”
Van die veranderinge wat die naweek aan Swapo se grondwet gemaak is, sluit in dat mense, wat Namibiese burgerskap deur naturalisasie bekom, voortaan nie meer in die sentrale komitee of in die politburo mag dien nie.
Sulke mense sal in die toekoms ook nie uitvoerende posisies in die party mag beklee nie.
Diegene wat tans onder sulke omstandighede in daardie hoedanighede dien, sal toegelaat word om hul ampstermyn te vooltooi.
’n Lid van die dinkskrum het gister aan Republikein gesê die tegniese komitee stoei nog met die gewysigde konsepgrondwet, maar die dokument behoort vandeesweek reeds beskikbaar te wees.
In plaas daarvan om dít te doen, moet hulle eerder by die regerende party aansluit.
Só sê Swapo se sekretaris-generaal (SG), me. Sophia Shaningwa.
Volgens haar is daar geen sprake dat dié bevrydingsbeweging op die randjie van ineenstorting staan nie.
Trouens, het sy gister aangevoer, Swapo raak daagliks sterker.
“Dit moet in geen onduidelike terme gestel word aan diegene wat reken Swapo word geskud of word broos nie: Swapo word sterker en sterker.”
Shaningwa het gister die media toegespreek oor die pas afgelope buitengewone kongres, wat die naweek in Windhoek gehou is.
Hoewel sy versuim het om besonderhede te verskaf, het sy gesê daar is besluit dat té hoë vereistes wat lidmaatskap betref, veral die jeug sou benadeel.
Derhalwe het die buitengewone kongres die afgelope naweek besluit om die vereiste tydperk te verkort.
“Dit beteken lede van die jeug sal nie 50 of 60 jaar hoef te wag voor hulle die president van die party kan word nie.”
Sy het voorts ontken mnr. Armas Amakwiyu, die koördineerder vir Oshikoto, se toespraak het tydens die kongres se opening ’n storm ontketen.
“Swapo is ’n baie groot huis. Dit is soos ’n leeu in ’n woud. Wanneer Swapo hoes, nies almal,” het sy gister gesê.
Ondanks pres. Hage Geingob en haar eie toegewing oor verdeeldheid binne die party, het sy later probeer volhou daar is geen skermutselinge nie.
Dit is ’n mite, het sy beweer toe joernaliste haar daaroor gepols het.
In haar geskrewe toespraak sê sy die buitengewone kongres het klem daarop geplaas dat die party op sy hoede moet wees, omdat daar magte is wat op ’n sending is “om te vernietig (dit) wat die party jare geneem het om met bloed, sweet en trane op te bou. Dit word beklemtoon dat dit maklik is om te vernietig, maar moeilik is om te bou”.
Amakwiyu het Vrydagoggend van die verhoog af gevra dat die verdeeldheid bespreek word.
Republikein verneem daar het dadels van daardie pleidooi gekom.
Met verwysing na die twee lede, wat die party verlede week voor die hof gedaag het, sê Shaningwa twee mense is nie genoeg om hulle angstig te maak nie.
“Vir wie verteenwoordig hulle? Hulle het nie eens ’n mandaat nie.”
Van die veranderinge wat die naweek aan Swapo se grondwet gemaak is, sluit in dat mense, wat Namibiese burgerskap deur naturalisasie bekom, voortaan nie meer in die sentrale komitee of in die politburo mag dien nie.
Sulke mense sal in die toekoms ook nie uitvoerende posisies in die party mag beklee nie.
Diegene wat tans onder sulke omstandighede in daardie hoedanighede dien, sal toegelaat word om hul ampstermyn te vooltooi.
’n Lid van die dinkskrum het gister aan Republikein gesê die tegniese komitee stoei nog met die gewysigde konsepgrondwet, maar die dokument behoort vandeesweek reeds beskikbaar te wees.
Kommentaar
Republikein
Geen kommentaar is op hierdie artikel gelaat nie