Shaningwa ontruim pos finaal
Twee politieke strydrosse het die Huis Donderdag met die aanvang van die parlementêre sitting toegespreek.
Estelle de Bruyn - Die voormalige minister van stedelike en landelike ontwikkeling, me. Sophia Shaningwa, het Donderdag in die Nasionale Vergadering (NV) gesê sy het op 28 Februarie die tuig as minister neergelê.
Sy sê sy het in opdrag van pres. Hage Geingob in die ministerie aangebly nadat sy aan die einde van verlede jaar tot sekretaris-generaal van Swapo verkies is.
Volgens Swapo se grondwet is die pos van sekretaris-generaal ‘n voltydse posisie en gevolglik word van dienende ministers verwag om hul pos te verlaat wanneer hulle verkies word.
“Die gemeenskap moet weet daar is nou ‘n nuwe minister, dr. Peya Mushilenga,” het sy gesê.
Shaningwa het die NV bedank vir die ondersteuning wat sy van die Huis ontvang het. Sy sê sy sien uit daarna om die posisie as sekretaris-generaal voltyds te beklee en sal ook voortgaan om as lid van die NV te dien.
Sy sê gedurende haar tyd as minister het sy baie geleer uit veral die vrae wat aan haar gestel is.
Sy het ook die wanopvatting reggestel dat sy nie twee salarisse ontvang het terwyl sy as minister gedien het ná haar verkiesing as sekretaris-generaal nie.
Die president van die Popular Democratic Movement (PDM), mnr. McHenry Venaani, het die adjunkpremier en minister van internasionale betrekkinge en samewerking, me. Netumbo Nandi-Ndaitwah, terugverwelkom in die huis en haar die versekering gegee sy party is verheug dat sy herstel het ná die motorongeluk waarin sy betrokke was.
Hy sê toe die nuus van haar motorongeluk bekend geword het, is allerweë besef hoe ‘n waardevolle bate sy vir die regering en die land is.
Nandi-Ndaitwah het verlede week Dinsdag vir die eerste keer na die NV teruggekeer ná ‘n ernstige motorongeluk met die aanvang van die Desembervakansie.
Sy het almal vir hulle goeie wense en gebede bedank. Sy sê in die nadraai van die ongeluk het sy besef hoe goed Namibiërs se harte is en hoe sy deur gebede gedra is.
Sy het verseker sy is terug in die tuig en voel goed.
Nandi-Ndaitwah het Venaani bedank vir sy mooi woorde en ‘n beroep op almal in die NV gedoen om saam te werk ter wille van die land .
Later in die sitting het Venaani ‘n bos blomme aan Nandi-Ndaitwah oorhandig om haar terug te verwelkom.
Sy sê sy het in opdrag van pres. Hage Geingob in die ministerie aangebly nadat sy aan die einde van verlede jaar tot sekretaris-generaal van Swapo verkies is.
Volgens Swapo se grondwet is die pos van sekretaris-generaal ‘n voltydse posisie en gevolglik word van dienende ministers verwag om hul pos te verlaat wanneer hulle verkies word.
“Die gemeenskap moet weet daar is nou ‘n nuwe minister, dr. Peya Mushilenga,” het sy gesê.
Shaningwa het die NV bedank vir die ondersteuning wat sy van die Huis ontvang het. Sy sê sy sien uit daarna om die posisie as sekretaris-generaal voltyds te beklee en sal ook voortgaan om as lid van die NV te dien.
Sy sê gedurende haar tyd as minister het sy baie geleer uit veral die vrae wat aan haar gestel is.
Sy het ook die wanopvatting reggestel dat sy nie twee salarisse ontvang het terwyl sy as minister gedien het ná haar verkiesing as sekretaris-generaal nie.
Die president van die Popular Democratic Movement (PDM), mnr. McHenry Venaani, het die adjunkpremier en minister van internasionale betrekkinge en samewerking, me. Netumbo Nandi-Ndaitwah, terugverwelkom in die huis en haar die versekering gegee sy party is verheug dat sy herstel het ná die motorongeluk waarin sy betrokke was.
Hy sê toe die nuus van haar motorongeluk bekend geword het, is allerweë besef hoe ‘n waardevolle bate sy vir die regering en die land is.
Nandi-Ndaitwah het verlede week Dinsdag vir die eerste keer na die NV teruggekeer ná ‘n ernstige motorongeluk met die aanvang van die Desembervakansie.
Sy het almal vir hulle goeie wense en gebede bedank. Sy sê in die nadraai van die ongeluk het sy besef hoe goed Namibiërs se harte is en hoe sy deur gebede gedra is.
Sy het verseker sy is terug in die tuig en voel goed.
Nandi-Ndaitwah het Venaani bedank vir sy mooi woorde en ‘n beroep op almal in die NV gedoen om saam te werk ter wille van die land .
Later in die sitting het Venaani ‘n bos blomme aan Nandi-Ndaitwah oorhandig om haar terug te verwelkom.
Kommentaar
Republikein
Geen kommentaar is op hierdie artikel gelaat nie