Sewes-avontuur in hoofstad

Sewesrugby

07 March 2018 | Sport
Tielman van Lill - Windhoek Gimnasium het verlede jaar sy nuwe kunsmatige rugbyveld met ’n uiters suksesvolle Internasionale Sewestoernooi ingewy en komende Vrydag en Saterdag sal dit die tweede keer wees dat dié skouspel by die skoolveld in Kleine Kuppe aangebied word.

Die 2018 Capricorn-groep sewesrugbytoernooi beloof om opnuut vir opwindende sewesrugby te sorg. In groep A durf die Suid-Afrikaanse Sewesrugbyakademie, Namibië, Zimbabwe, Duitsland, Botswana en Zambië mekaar aan.

Die ontluikende Blitsbokkies het laasjaar die toernooi onoorwonne afgesluit en het Namibië in die eindstryd oortuigend verslaan, nadat die gasheerspan hulle die vorige aand in die groepwedstryd behoorlik teëgesit het.

Die internasionale kompetisie (groep A) se spanne speel in ’n rondomtaliegrondslag teen mekaar in die eerste ronde. Die puntestand ná die eerste fase sal bepaal wie Saterdagnamiddag in die beker-, plaat- en skildfinaal sal opdraf

Die o.19 skole-afdeling (groep B) gaan ’n harde neut wees om te kraak, want Windhoek Hoërskool (WHS), Hoër Tegniese Skool Windhoek (HTS), Pro-Ed Akademie, Privaatskool Elnatan en Windhoek Gimnasium kom hier teen mekaar te staan.

Groep C maak vir die o.15-seuns voorsiening waar WHS, HTS, Pro-Ed, Elnatan, St. George’s Kollege en Windhoek Gimnasium kompeteer.

In groep B en C sal die wenner en naaswenner na die bekerfinaal vorder wat Saterdag gespeel word. Die spanne wat onderskeidelik derde en vierde eindig, sal in die plaatfinaal koppe vir die derde plek stamp.

Die toernooi skop Vrydagmiddag eenuur af wanneer HTS o.15 en Windhoek Gim o.15 die toernooi open. Die openingseremonie sal om 19:00 volg, waar al die spanne bekendgestel word en waar die Nampol-orkes in aksie sal wees.

In die laaste wedstryd Vrydag om 21:26 sal die SA Akademiespan teen Namibië kragte meet.

SATERDAG

Om 08:00 skop WHS o.15 teen St. Georges o.15 af en Windhoek Gim o.19 en Elnatan o.19 sal om 09:06 vir groot opwinding sorg. Die eerste kragmeting in die internasionale kompetisie is om 09:28 tussen Botswana en Namibië. Die kwalifiseerders vir die finale sal om 11:00 bekend wees en die prysuitdeling vind direk na die laaste eindstryd op die rugbyveld plaas.

Me. Colette Rieckert, besturende direkteur van Windhoek Gimnasium, en mnr. Wessel Kotze, die toernooi-direkteur, het beide ’n verwelkomingsboodskap.

“Ek wil namens die Capricorn-groep en die organiserende komitee almal na die toernooi verwelkom en by voorbaat bedank. Die ses internasionale spanne wat vanjaar deelneem, verskaf beslis ’n internasionale geur aan die geleentheid wat uiteraard baie spesiaal vir Namibië is. Dit is vir ons ’n eer om weer so ’n topgehalte toernooi op die eerste kunsmatige rugbyveld in Afrika aan te bied.

“Ons beplan om sowat 3 000 toeskouers en spelers te ontvang en dieselfde gees as in 2017 voort te sit met die 2018 Capricorn Sewestoernooi wat beloof om opwindende talent ten toon te stel. Ons gaan beslis hierdie ’n jaarlikse gebeurtenis maak.

“My wens is dat al die spelers ’n wonderlike kompetisie sal hê en dat die toeskouers die spel en gees sal geniet,” het Rieckert afgesluit.

Kotze sê sonder die spelers sal so ’n toernooi nie moontlik wees nie. Vrydag word rugbyliefhebbers met 23 wedstryde bederf en Saterdag volg nog 19 vir fynproewers.

“Ons wil hê dat elke persoon die naweek se rugby terdeë geniet, want ons wil ’n goed gereëlde toernooi met internasionale mededinging aanbied. Heelwat lesse is uit verlede jaar se aanbieding geleer en dit het ons gehelp om selfs beter reëlings te tref. Geniet die toernooi en die spesiale atmosfeer wat daarmee saam gaan,” het Kotze gesê.

Spanne ontvang drie ligapunte vir ’n oorwinning, terwyl die verloorder net een kry. Indien spanne gelykop speel in die groepfase sal beide spanne twee punte verdien. As ’n span nie vir ’n wedstryd opdaag nie of gediskwalifiseer word, word ligapunte verbeur.

Die toernooiprogram is soos volg:

Vrydag 9 Maart:

1. 13:00 HTS o.15 teen Whk Gim o.15.

2. 13:22 WHS o.15 tn Pro-Ed o.15.

3. 13:44 HTS o.19 tn Whk Gim o.19.

4. 14:06 Namibië tn Botswana.

5. 14:25 SA-akademie tn Zambië.

6. 14:50 Zimbabwe tn Duitsland.

7. 15:12 St. Georges o.15 tn Pro-Ed o.15.

8. 15:34 WHS o.19 tn Pro-Ed o.19.

9. 15:56 Zambië tn Namibië.

10. 16:18 Botswana tn Duitsland.

11. 16:40 WHS o.15 tn Whk Gim o.15.

12. 17:02 Pro-Ed o.19 tn Whk Gim o.19.

13. 17:24 HTS o.15 tn Pro-Ed o.15.

14. 17:46 HTS o.19 tn WHS o.19.

15. 18:08 Zimbabwe tn SA Akademie.

16. 18:30 Elnatan o.19 tn HTS o.19. 18:52 Openingseremonie.

17. 19:14 HTS o.15 tn WHS o.15.

18. 18:36 Whk Gim o.15 tn St. George’s o.15.

19. 19:58 Elnatan o.19 tn Pro-Ed o.19.

20. 20:20 WHS o.19 tn Whk Gim o.19.

21. 20:42 Zimbabwe tn Botswana.

22. 21:04 Duitsland tn Zambië.

23. 21:26 SA Akademie tn Namibië.

Saterdag 10 Maart

1. 08:00 WHS o.15 tn St. Georges o.15.

2. 08:22 Pro-Ed o.15 tn Whk Gim o.15.

3. 08:44 HTS o.19 tn Pro-Ed o.19.

4. 09:06 Whk Gim o.19 tn Elnatan o.19.

5. 09:28 Botswana tn Zambië.

6. 09:50 Namibië tn Zimbabwe.

7. 10:12 Duitsland tn SA Akademie.

8. 10:34 St. George’s o.15 tn HTS o.15.

9. 10:56 WHS o.19 tn Elnatan o.19.

10. 11:18 Zambië tn Zimbabwe.

11. 11:40 Botswana tn SA Akademie.

12. 12:02 Namibië tn Duitsland.

13. 12:24 o.15 Plaatfinaal.

14. 12:46 O.19 Plaatfinaal.

15. 13:08 Internasionale Skildfinaal.

16. 14:00 O.15-Skildfinaal.

17. 14:22 Internasionale Plaatfinaal.

18. 14:44 O.19 Bekerfinaal.

19. 15:06 Internasionale Bekerfinaal.

15:28 Prysuitdeling.

Soortgelyk

 

Man sterf op Walvisbaai-Swakopmund-pad

7 ure gelede | Ongelukke

Die 27-jarige Franico Esly Huseb is vandag omstreeks 07:30 dood, nadat die bakkie waarin hy op reis was op die pad tussen Swakopmund en Walvisbaai...

Eksamenuitslae dán bekend

7 ure gelede | Onderwys

Die voorlopige uitslae vir graad 10 (JSC) en graad 12 (NSSC) hoë vlak vir voltydse en deeltydse kandidate word aanstaande Donderdag (20 Desember) amptelik bekendgemaak....

Drie meisies verdrink in sandputte

8 ure gelede | Ongelukke

Die Namibiese polisie in die Ohangwenastreek het ‘n beroep op kontrakteurs gedoen om sandputte toe te stoot wat geskep is met die uitgrawe van sand...

1,6 miljoen toeriste besoek Namibië in 2017

9 ure gelede | Toerisme

Altesaam 2,2% meer toeriste het Namibië in 2017 as in die vorige jaar besoek met meer as 1,6 miljoen buitelandse toeriste wat die land ingestroom...

Studente betaal meer by Unam

9 ure gelede | Onderwys

Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land, het die universiteitsraad genoop om klasgelde...

Plunderwoude: Ministerie ontken ongerymdhede

20 ure gelede | Plaaslik

Elvira Hattingh - Die ministerie van landbou, water en bosbou sê die meerderheid permitte wat vir die oes en vervoer van hout uitgereik is, is...

Polisie op sy knieë

20 ure gelede | Polisie

Denver Kisting – Die inspekteur-generaal van die Namibiese polisie, lt.genl. Sebastian Ndeitunga, sê die land se finansiële verknorsing het die mag op sy knieë.Ndeitunga het...

Avihe-moordenaar het dalk landuit gevlug

20 ure gelede | Misdaad

Denver Kisting – As Avihe Cheryl Ujaha (9) nie deur iemand in haar binnekring vermoor is nie, is haar moordenaar(s) waarskynlik al landuit.Só sê die...

Weer vir 13 Desember 2018

20 ure gelede | Weer

BINNELAND: Gedeeltelik bewolk en baie tot bloedig warm met geïsoleerde buie plek-plek in die noordelike en sentrale dele. Elders sal dit sonnig en baie tot...