Sewe sterf in ongelukke

Koedoe, verbysteek kry skuld

11 June 2019 | Ongelukke
Tanja Bause – Vier mense is Saterdag op slag in ’n kop-aan-kop-botsing dood.

Die ongeluk het omstreeks 20:45 op die hoofpad tussen Ongwediva en Ondangwa plaasgevind.

Die een voertuig was ’n regeringsbakkie wat na wat verneem word aan die adjunkminister van finansies behoort het. Die bestuurder het glo die adjunkminister, mnr. Natangwe Iithete, afgelaai en was na Ondangwa op pad.

Die bestuurder van ’n sedan het glo by ’n ander voertuig verbygesteek en teen die bakkie gebots.

Hy en sy drie passasiers is op slag dood.

Die oorledenes is die bestuurder, mnr. Ismael Nailonga (29), en passasiers, mnre. Sakaria Nailonga (27), Ismael Nanguti (40) en Shikongo Jafet (28).

Die bestuurder van die regeringsbakkie verkeer in ’n stabiele toestand in die hospitaal.

Sondag om 19:00 het die bestuurder van ’n bakkie glo beheer oor sy voertuig verloor en die voertuig het omgeslaan. Die ongeluk het op die grondpad tussen Onamutuku en Onkani plaasgevind.

Die bestuurder, mnr. Wilbart Angungu (40), wat na bewering nie in besit van ’n wettige rybewys was nie, het op die toneel gesterf.

Ses passasiers het ligte beserings opgedoen en is in die intermediêre hospitaal op Oshakati opgeneem.

Mnr. Hausiku Mutuku (29) is op slag dood toe hy oënskynlik beheer oor sy voertuig verloor het en dit omgeslaan het. Die voorval het Saterdag omstreeks 01:25 in die Tondoro-nedersetting in die Kavango-Wesstreek plaasgevind. Volgens die polisie het Mukuku geen wettige rybewys nie.

Mnr. Mathias Nerumbu (52) is op slag dood toe sy voertuig in ’n trompop botsing betrokke was.

Die ongeluk het Saterdag om 22:00 op die hoofpad tussen Outjo en Otjiwarongo plaasgevind.

Nerumbu het glo teen ’n koedoe gebots en in die aankomende baan beland waar hy teen ’n sedan gebots het.

Die bestuurder van die sedan en ’n passasier van Nerumbu se voertuig is na die hospitaal in Windhoek geneem. Die polisieondersoek duur voort.

HUIS BRAND, BABA WEGGEGOOI

Me. Katrina Mertens (63) het glo in haar huis op Aroab doodgebrand nadat dit aan die brand geslaan het. Die voorval het Vrydag om 19:30 plaasgevind. Die oorsaak van die brand is onbekend, maar daar word vermoed dit het in haar slaapkamer ontstaan. Sy was tydens die voorval alleen in die huis.

‘n Angolese vrou het glo Vrydag geboorte gegee en haar baba weggegooi.

Volgens die polisie het die 18-jarige vrou die babaseun glo in haar slaapkamer in die Greenwell Matongo- informele nedersetting in Windhoek gehad.

Sy het die baba glo in ’n rivierbedding langs haar blyplek weggegooi waar hy later deur ’n verbyganger gevind is.

Die vrou is onder polisiebewaking in die Katutura-staatshospitaal se kraamsaal opgeneem.

Saterdag om 16:30 het die vierjarige Lola Daniel na wat verneem word in die Etunda-waterkanaal in die Ruacana-kiesafdeling verdrink.

Sy en haar jonger sussie is glo alleen by die huis gelos.

Daar is glo gesien hoe die twee sussies by die waterkanaal speel. Lola het glo in die kanaal geval en verdrink. Die polisieondersoek duur voort.

Die lyk van ’n onbekende man is Saterdag by Okahandja se asgate gevind. Volgens die polisie het die man ernstige steekwonde aan sy kop gehad.

Na wat verneem word is die man by sy slaapplek by die asgate aangeval.

Hy het na bewering sowat 60 m van daar af gehardloop voor hy inmekaargesak en gesterf het.

Die lyk is die oggend glo deur ’n verbyganger ontdek.

Soortgelyk

 

Etosha Sondagmiddag deur aardbewing geskud

7 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

7 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

8 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

8 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

9 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

19 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

19 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

19 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

19 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...