Sesjarige meisie glo verkrag

13 March 2019 | Misdaad
Tanja Bause – ’n Sesjarige meisie was die afgelope naweek na bewering een van drie slagoffers van verkragting.

Dié voorval het na wat verneem word Saterdag om 00:31 by ’n opstal in die Omhokolo-nedersetting plaasgevind.

Die verdagte is ’n 75-jarige man.

“Die man is glo geestelik gestremd en familie van haar, hoewel hy nie in dieselfde opstal gewoon het nie,” lui die Namibiese polisie se misdaadverslag.

’n Twaalfjarige kind het glo gesien wat gebeur het en ’n tannie se hulp ontbied.

Die tannie het die polisie van die voorval in kennis gestel.

Die man is nog nie in hegtenis geneem nie en die polisieondersoek duur voort.

’n Man (23) is op Swakopmund in hegtenis geneem ná hy glo ’n 23-jarige vrou verkrag het.

Die voorval het na wat verneem word Saterdag tussen 02:24 en 04:30 in Rakotokastraat in die Mondesa-woonbuurt plaasgevind. Die polisieondersoek duur voort.

Saterdag om 06:00 is nog ’n 23-jarige vrou glo op Leonardville deur ’n 19-jarige man in die Saamstaan-nedersetting verkrag.

Die vrou het die voorval aan haar ma gerapporteer, wat die polisie daarvan in kennis gestel het. Die man is in hegtenis geneem.

’n Sestienjarige meisie is in hegtenis geneem nadat sy glo geboorte gegee het en haar baba weggegooi het.

Die voorval het glo tussen Saterdagaand en Sondagoggend in die Katjinakatjie-nedersetting plaasgevind.

Volgens die polisie het die meisie die babaseun in ’n doek toegedraai en in die bosse weggegooi.

Die meisie is in aanhouding by die Mururani-polisiekantoor en sal later in die landdroshof op Rundu verskyn.

’n Verdagte wat in verband met ’n roof deur die polisie gesoek word, is Saterdag glo deur ’n groep misdadigers ontvoer, aangerand en met messe gesteek.

Hulle het hom na bewering in die kattebak van ’n voertuig gestop en later iewers in Otjomuise vrygelaat.

Die man is in ’n kritieke toestand in die Katutura-staatshospitaal opgeneem.

Volgens die polisie se misdaadverslag is die man ’n bekende rower en inbreker.

Twee mans van 31 en 25 is deur die polisie in hegtenis geneem ná hulle in besit van een olifanttand gevind is.

Hulle is Saterdag gedurende ’n polisieoperasie op die C22-hoofpad tussen Gobabis en Otjinene in hegtenis geneem. Die polisieondersoek duur voort.

Vrydag om 23:50 is ’n 29-jarige man op Mariental in hegtenis geneem ná hy glo onder die invloed van drank en sonder ’n rybewys op ’n openbare pad in die dorp bestuur het.

Soortgelyk

 

Boere se donkerste uur is N$400 vir veilingskoei

2 dae gelede | Landbou

Ronelle Rademeyer - 'n Foto van 'n kwitansie wat toon 'n boer het gister (Donderdag 23 Mei) net N$400 vir 'n maer koei op Blaauwberg...

Air Namibia staak sy Wes-Afrika-roete

2 dae gelede | Vervoer

Ronelle Rademeyer - Van vandag af vlieg Air Namibia nie meer via Lagos in Nigerië na Accra in Ghana nie.Dié Wes-Afrikaanse roete is aan die...

Rusland moet help met droogte

2 dae gelede | Regering

Die regering het Rusland vir humanitêre droogtehulp gevra, het die Russiese nuusagentskap Sputnik berig.‘n Russiese afvaardiging onder leiding van die land se adjunkpremier, mnr. Joeri...

Interns se salarisse aangepas

2 dae gelede | Regering

Henriette Lamprecht – Die regering gaan miljoene spaar met die aanpassing van salarisskale vir interns en vakleerlinge om dit meer met dié van die private...

Betaal jou 2% of belasting styg

2 dae gelede | Ministeries

Jo-Maré Duddy en Denver Kisting - Sou die regering nie minstens ’n halfmiljard dollar uit vrywillige bydraes van werkers kry vir onder meer droogtehulp nie...

Meatco soek dalk nog slagplek

2 dae gelede |

Elvira Hattingh - Meatco oorweeg om bykomende slagplase in te span om die groot getal beeste, wat produsente tans lewer, te kan slag. Dit beteken...

Weer vir 24 Mei 2019

2 dae gelede | Weer

WEERWAAK: Winderige toestande en buie word in die streke van Kunene, Otjozondjupa, Khomas, Hardap en ||Kharas verwag.BINNELAND: Gedeeltelik bewolk en warm tot baie warm met...

Kalender 17 Mei

2 dae gelede | Kuns en vermaak

Nou aan die gang» Vanaand is die immer gewilde Windhoek City Market weer aan die gang. Geniet ’n onbeperkte vonkelwynproe van verskeie wynkelders uit Suid-Afrika....

Lugtyd vir jou liedjie

2 dae gelede | Kuns en vermaak

Michael Kayunde – Verskillende radiostasies het reëls oor die vereistes waaraan ‘n liedjie moet voldoen om deur ’n stasie gespeel te kan word. Kollig het...