Sesjarige glo die naweek verkrag

26 June 2019 | Misdaad
Tanja Bause - ’n Sesjarige meisie is Saterdag omstreeks 23:00 glo deur ’n 26-jarige man verkrag.

Die voorval het na wat verneem word by die Mavenge-nedersetting by Nkurenkuru plaasgevind.

’n Verdagte is in hegtenis geneem.

Volgens die Namibiese polisie se misdaadverslag het ’n volwasse man sy 17-jarige niggie Saterdag om 14:00 in die Okakukaevelina-nedersetting op Oshikuku na bewering verkrag.

Die man is nog nie in hegtenis geneem nie en die polisieondersoek duur voort.

Twee mans van 17 en 31 het ’n 20-jarige vrou op Mariental glo om die beurt verkrag.

Dié voorval het na wat verneem word Saterdag om 22:00 in die Oshiwanapenduka- informele nedersetting plaasgevind.

Die mans is in hegtenis geneem.

Saterdag om 22:00 het ’n 22-jarige man ’n vrou na bewering in Donkerhoek op Rundu verkrag. Die vrou het glo saam met haar vriend gestap toe die man hulle genader het. Hy het die vriend na wat verneem word met ’n mes gedreig en die vrou toe verkrag. Die man is in hegtenis geneem.

Huisbraak

Vrydag om 20:30 het vier verdagtes met messe gewapen glo by ’n huis in Olympia ingebreek. Hulle het die erf se staalhek oopgebreek om toegang tot die erf te kry en glo deur die agterdeur, waarin die sleutel gesteek het, toegang tot die huis verkry.

Die verdagtes het die huiseienaar in die sitkamer waar hy gesit en TV kyk het, glo oorval en sy hande en voete vasgebind.

Hierná het hulle die huis na bewering begin deursoek, na die boonste verdieping beweeg en die eienaar se vrou in die slaapkamer met ’n ysterpaal aangerand.

Skade is aan waardevolle items aangerig voor die verdagtes die egpaar met komberse bedek het.

Die TV-stel is van die muur af gehaal en in ’n voertuig gelaai, wat in die motorhuis geparkeer was.

Die verdagtes kon glo nie met die voertuig op die vlug slaan nie, omdat veiligheidswagte by die toneel opgedaag het.

Die verdagtes het na wat verneem word te voet met juwele, selfone en onbekende items gevlug.

Die polisie het ’n skootrekenaar en TV buite die huis opgetel. Niemand is nog in verband met die voorval in hegtenis geneem nie.

Selfdood

Vier mense het die afgelope naweek oënskynlik selfdood gepleeg deur hulself te hang. Dit sluit in drie mans van 22, 23 en 33, en ’n vrou van 52.

Soortgelyk

 

Hof: Minister skuldig aan korrupsie

14 ure gelede | Howe

In 'n geskiedkundige eerste vir Namibië is me. Katrina Hanse-Himarwa, die minister van onderwys, kuns en kultuur, vandag in die hoërhof in Windhoek skuldig bevind...

Voortrekker: “Namibië nie ’n desperate land”

14 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

14 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

14 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

14 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

14 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...

D-Dag vir Katrina

14 ure gelede | Howe

Denver Kisting – Die minister van onderwys, kuns en kultuur, me. Katrina Hanse-Himarwa, hoor na verwagting vandag of die hoërhof reken sy is skuldig aan...

Vrae oor RCC-salarisse

14 ure gelede | Vervoer

Augetto Graig en Ogone Tlhage - Byna 400 werknemers van die Paaiekontrakteursmaatskappy (RCC) wag in spanning om te hoor of hulle vadeesmaand betaal gaan word....

Die jeug is Namibië se grootste hulpbron

14 ure gelede | Gesondheid

Henriette LamprechtNamibië se jeugdige bevolking is die land se grootste hulpbron. Sou dié hulpbron nie doeltreffend ondersteun word nie, laat dit reusegapings in die produktiewe...