Sendingkerk herdenk 50 jaar

11 July 2017 | Gemeenskap
Die Evangeliese sendingkerk op Rehoboth vier vanjaar sy 50ste bestaansjaar.
Op 17 Julie 1967 het gemeentelede besluit om op hul eie bene te staan – 147 jaar nadat hulle vanaf De Tuine en Amandelboom as volk op die dorp aangekom het met die doel om die evangelie te verkondig,.
“Vandaar dan ook die naam: Evangeliese sendingkerk; ’n kerk wie se opdrag sending is, om die evangelie aan alle nasies te verkondig,” het Karl Heinrich Campbell namens die kerk gesê.
Volgens hom het die stigtersleraar van die kerk, ds. Bernhardt Benjamin de Klerk, saam met ds. Samuel Morkel en ander lidmate die voorreg gehad om op Sondag 24 Oktober 1999 die eerste mense van Rehoboth te wees om ná 130 jaar weer ’n erediens op die stigtingsgronde van hul voorgeslagte te hou.
“Die gemeente se voorgeslagte het Paasfees 1870 hul eerste Nagmaalsviering op Rehoboth gehou. Daarom sal ons nie vergeet uit watter boom ons gekap is en uit watter Rots ons gebeitel is nie. Dit is ’n monument! Op 7 Mei 2000 het die besondere voorreg ons te beurt geval met die onthulling van die monument op Sam Khubis. Daar het ons die ‘bloedgrond’ van ons voorgeslagte wat van De Tuine se kerkgrond kom, op die terrein gestrooi waar die helde van die Bastervolk op 8 Mei 1915 geval het. Met daardie simboliese taak het ons uiteindelik tuisgekom,” het hy gesê.
Die afgelope 50 jaar het ’n hele aantal leraars die gemeente gelei: Ds. B. B. de Klerk, ds. Samuel Morkel, ds. Petrus Beukes en ds. P. D. Cloete. Die eerste drie was die strydrosse wat die kerk deur moeilike driwwe en deur die ergste groeipyne getrek het. “Om baie kampvure en in alle dienste van ons geliefde kerk sal ons altyd hoed afhaal vir hulle,” het Campbell gesê.
“Bogenoemde leraars en ds. C. A. J. Beukes is reeds tot ’n hoër diens geroep. Dii F. C. J. Stanley en J. M. Gorrah was twee staatmakers wat ons die droë seisoene bygestaan het. Tans het ons kerk ses diensdoende leraars, naamlik ds. H. Morkel, ds. S. M. McNab (me.), ds. F. W. D. McNab, ds. C. C. Engelbrecht, ds. J. D. Beukes en ds. J. S. Fortuin (me.). Daar is ook drie studente wat hul studies voltooi het en besig is met hul praktiese vikarjaar en wag om beroep te word, asook een tweedejaarstudent,” het hy gesê.
Van ’n skrale groepie lidmate het die kerk tot 13 gemeentes vanaf die Weskus tot in die Verre Suide uitgebrei.
In terme van die herdenking sal dit volgens die organiseerders vanaf 16 tot 23 Julie ’n heuglike en feestelike tyd wees. Op Saterdag 22 Julie word ’n sangfees gehou waaraan al die gemeentes deelneem. Daarvoor is die lied “Vyftig jaar” deur een van die koorleiers geskryf.
’n Gedenknaald is reeds beplan wat op Rehoboth by die Moedergemeente opgerig gaan word.
“Dit beloof om ’n wonderlike geleentheid te wees om vir die Hemelse Meester dankie te sê vir Sy groot genade oor ons!” het Campbell afgesluit.

Soortgelyk

 

Miltsiekte-uitbrekings by Bwabwata, Sesfontein

27 minute gelede | Gesondheid

Dertien mense van die Sesfontein-omgewing het vermoedelik miltsiekte opgedoen nadat hulle die vleis van diere geëet het wat weens dié gevreesde siekte gevrek het.Dié inligting...

Geen borgtog vir vrou wat babaseuntjie glo ontvoer

3 ure gelede | Misdaad

‘n Vrou wat in hegtenis geneem is vir die beweerde ontvoering van ‘n tweemaande oue babaseuntjie Sondag, is borgtog in die landdroshof op Rehoboth geweier....

Ondersoek staatskaping in Namibië, vra PDM

4 ure gelede | Politiek

Ronelle Rademeyer - Namibië se amptelike oppposisie, die Popular Democratic Movement (PDM), sê hy “raak al meer daarvan oortuig die Namibiese staatsmasjienerie is gekaap” en...

Getuie pak skuld op Katrina

17 ure gelede | Howe

Denver KistingMe. Katrina Hanse-Himarwa, die destydse goewerneur van die Hardapstreek, het vier jaar terug gesê 'n lys van begunstigdes van die massabehuisingsprojek op Mariental moet...

'Robocop' vir pille

17 ure gelede | Gesondheid

Henriette Lamprecht – In ’n hospitaal in Namibië is ’n robot met die naam Eva wat binne sekondes sorg dat elke pasiënt met sy of...

Nog twee dood ná gru-ongeluk

17 ure gelede | Ongelukke

Tanja Bause - Die ongeluk waarin sewe mense verlede Woensdag tussen Otjiwarongo en Otavi gesterf het, het nog twee se lewe geëis. Die ongeluk het...

Waterbestuur by skole kan 50% spaar

17 ure gelede | Plaaslik

Elvira HattinghIndien die munisipaliteit se voor­gestelde waterbestuurmaatreëls aan die onderwysministerie by skole toegepas sou word, kan hul waterrekeninge met minstens 50% verminder, meen 'n kenner....

Weer vir 14

17 ure gelede | Weer

BINNELAND: Sonnig en bloedig warm in die verre Noorde en Suide, andersins gedeeltelik bewolk en baie tot bloedig warm.KUS: Gedeeltelik bewolk en koel tot warm.GETYE...

Unam-staking verby

17 ure gelede | Onderwys

Die 11 dag lange staking van dosente en ander werknemers van die Universiteit van Namibië (Unam) het Maandagaand tot 'n einde gekom. Die verteenwoordigende vakbonde,...