Sending Mars2020

Die moderner wenteltuig sal in Februarie 2021 by die planeet aankom.

04 August 2016 | Wetenskap
’n Nuwe tuig word ontwerp en gebou wat in 2020 na Mars gestuur sal word.
Nasa het aangekondig die sending bekend as Mars2020 se tuig sal in Februarie 2021 by die planeet aankom. Dit sal spesifiek ondersoek instel na ’n gebied op die antieke Mars waar mikroskopiese lewe dalk kon voorgekom het.
Dié terrein is gekies danksy werk met die tuig Curiosity wat tans op die planeet is en die wenteltuig wat steeds om die planeet beweeg.
Die nuwe voorstel vir die sewe instrumente aan boord is gekies uit 58 voorstelle wat van oral in die wêreld ontvang is. Die nuwe tuig sal baie lyk soos Curiosity wat een ton weeg en ses wiele het, maar nuwe en beter instrumente sal aan boord wees, het Geoffrey Yoder, waarnemende mede-administrateur van Nasa se wetenskapdirektoraat, in ’n verklaring gesê.
Dit sal onder meer die eerste ondersoek doen na die bruikbaarheid en beskikbaarheid van Mars se bronne, insluitende suurstof, ter voorbereiding van bemande sendings. Dié sending sal ook 30 buisies met Marsmateriaal versamel en op spesifieke plekke laat sodat dit later opgetel kan word om na die aarde terug te bring.
Volgens ’n verklaring van Nasa sal daar twee instrumente aan boord wees wat na tekens van vorige lewe sal soek. Dit sal die chemiese, minerale, fisiese en organiese samestelling kan bepaal en dié data kan terugstuur. Radar wat onder die oppervlak kan kyk, sal ook ingespan word.
Saam met die kameras sal daar ook ’n mikrofoon wees om vir die eerste keer die klanke van Mars op te neem.
Net soos Curiosity sal dié nuwe tuig op ’n unieke manier land. Daarvoor is ’n ruimtehyskraan ontwerp. Die tuig wat Curiosity dra, moet in die laaste sewe minute spoed verminder van 5 900 m/sek. tot 2,7 m/sek. sodat dit op sy pote op die grond kan land.
Nadat vuurpyle en valskerms hiervoor gebruik is, sal die hyskraan bó die tuig ontplooi word. Die hyskraan sal die tuig dan op Mars neersit en wegbreek. Dr. David Gruel, assistentvlugingenieur, het gesê dié keer sal die landing met klank en al opgeneem word. - Netwerk24

Soortgelyk

 

Honderde miljoene vir veevoer nodig

20 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

20 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

20 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

20 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

20 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

20 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

20 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

20 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

20 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...