Seksisme bestaan steeds

07 March 2018 | Rubrieke
Ons geslag vrouens het swaar gelewe.

Aanvanklik was daar blatante gevestigde diskriminerende praktyke wat ons as vanselfsprekend aanvaar het omdat ons ma's daaraan gewoond was en ons half laat verstaan het dat dit is soos dit is. Want húlle ma's het dit van húlle ma's deur die geslagte leer aanvaar.

En toe in die 60's kom die sogenaamde seksuele rewolusie. Vrouens wil bra's brand en Germaine Greer maak opspraak en die Pil maak sy (haar) verskyning wat vroue die reg gee om hul eie voortplanting te beheer en skielik voel almal “bemagtig”.

In die hoërskool in die 70's was daar beroepsvoorligting. Beroepe vir seuns sluit in prokureurs, dokters, dominees, ingenieurs en so aan. Ons meisies kon onderwysers, sekretaresses, verpleegsters en banktellers word as jy so ongelukkig was dat jy nie 'n man kon kry en 'n huisvrou kon wees nie.

Onderwys was toe maar my keuse, want joernalistiek was nie eers op die lysie vir seuns óf meisies in my skool nie.

In die 80's, toe ek my uiteindelik ná 'n jaar uit die onderwys gewriemel het en self my pad na 'n koerant in Johannesburg gevind het, waar daar inderdaad ook ander vroue gewerk het, was daar nóg 'n terugslag.

Vars uit universiteit het die jong mans wat saam met ons jong vroue-joernaliste begin werk het, so 'n netjiese ou skootjie meer as ons verdien.

Hulle was ook bevoorreg om aan die maatskappy se mediese en pen­sioen­fonds te behoort. Ons nie. Toe ek vra hoekom nie, is ek met 'n warm kloppie op die skouer meegedeel: “Hartjie, jy gaan binnekort 'n man hê wat al daardie dinge vir jou sal gee.”

Let wel, ek praat net van my eie loopbaan, by die maatskappye waar ek gewerk het. Ek was nooit “elders” (daardie plek waar dit altyd reën en waar vroue opgang maak) nie.

In Namibië was dinge nie veel anders nie. Toe ek hier begin werk by die SWAUK kon my manlike (nie dat hulle altyd “manlik” was nie) eweknieë huislenings kry, maar ons vroue nie.

Jy het of sal mos nog 'n man kry wat vir jou sal sorg. Salarisongelykhede was steeds aan die orde van die dag.

In die 1990s het dinge aansienlik verbeter. Ek is op die politieke redaksie by die SAUK aangestel, salarisse was gekoppel aan posvlak en nie geslag nie, daar was mediese en pensioen­voordele vir albei geslagte en behuisingsubsidies - as jy kon bewys jou man kon nie 'n huislening kry nie.

Maar plekke in middelbestuur en topbestuur was steeds daardie drempel waaroor 'n vrou nie eers 'n Ferragamo-skoen kon sit nie.

Met die aanbreek van die nuwe millennium was daar weer hoop.

Vanaand sien ek op Sky News die BBC se redakteur in China het bedank.

Dis 'n dinamiese vrou wat eenvoudig gecrack het oor swak betaling, geen erkenning, en soveel dinge wat topbestuur dikwels gebruik om 'n vrou mee oor die kop te slaan.

Maar toe die BBC-girl vanaand voor die Britse parlementskomitee getuig, het ek soveel simpatie gehad.

Ondanks al die positiewe en bemoedigende aanduidinge dat geslagsgelykheid op die horison is, wil ek net in my susters se ore fluister . . . verandering gebeur stadig.

Moenie deur oppervlakkige kosmetiese veranderinge geflous word nie.

A luta continua vitória é scerta.

Soortgelyk

 

Lira op Warehouse-verhoog

55 minute gelede | Kuns en vermaak

Die bekende Suid-Afrikaanse sangsensasie, model, aktivis, entrepreneur en skrywer Lira tree eerskomende Woensdagaand 14 Maart om 20:00 by die Warehouse-teater op. Lira het veral vir...

Ses sterf in grubotsing

17 ure gelede | Ongelukke

Ses mense is in ’n kop-teen-kop-botsing vanoggend tussen Okahandja en Windhoek dood. Een van die voertuie het ná die botsing aan die brand geslaan. Na...

SDFN houses at Kalkfeld nearing completion

17 ure gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

17 ure gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

17 ure gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

17 ure gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

17 ure gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

17 ure gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

17 ure gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...