Seekoeie val vas

Riviervlakke laag

05 August 2019 | Omgewing
Francoise Steynberg



Die droogte het selfs op die standhoudende riviere in die noordooste van Namibië 'n impak met 63 seekoeie wat in 'n modderpoel in die Choberivier vasgeval het.

Volgens die woordvoerder van die ministerie van die omgewing en toerisme, mnr. Romeo Muyunda, is die Choberivier besig om op te droog en klein modderpoele te vorm. Die 63 seekoeie, asook krokodille, is in een van hierdie modderpoele.

“Die rivier se watervlak is besig om baie vlak te raak en dit noop die regerings van Namibië en Botswana om in te gryp,” sê Muyunda.

“Die twee lande is tans besig om oor 'n oplossing vir die omstandighede te onderhandel.”

Muyunda sê moontlike oplossings sluit in om water in te pomp sodat die poele met water opgevul kan word, of om die seekoeie na 'n ander deel van die rivier te verskuif.

Hy sê nóg 'n moontlikheid is dat die seekoeie self skuif.

“Die ministerie is besig om die seekoeie dop te hou terwyl beraadslaging met Botswana se regering voortduur,” sê Muyunda.

Muyunda sê waarneming per helikopter sal in Augustus deur die ministerie onderneem word om te kyk of soortgelyke gevalle in ander dele van die Zambezi- en Kavango-Oosstreek voorkom.

Selfs toerismebedrywighede word deur die Choberivier se lae vlakke geraak.

Weens sandbanke kan bootvaarte om veiligheidsredes tans nie op die rivier aangebied word nie.

Volgens me. Pauline Mufeti van die hidrologiese dienste van Namibië is die Zambezirivier se vlak op sy laagste sedert 1996 en die Kavangorivier die laagste in vyf jaar.

[email protected]

Soortgelyk

 

Verklaar raad nietig, sê Itula

15 ure gelede | Politiek

Henriette Lamprecht - Dr. Panduleni Itula, tandarts van beroep en onafhanklike presidentskandidaat in die pas afgelope verkiesings, wil hê die aanstelling van nuwe lede van...

Makalani’s se voete in die water

15 ure gelede | In beeld

Die Namibiese weerkantoor het gister wéér ’n weerwaak vir wydverspreide donderstorms uitgereik, wat na verwagting in die Ohangwena-, Otjozondjupa-, Khomas- en Omahekestreek sal voorkom. Daar...

Opposisie, Itula gaan hof toe oor verkiesings

15 ure gelede | Politiek

Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook...

Noa kap na ‘leunstoel-kritici’

15 ure gelede | Misdaad

Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié...

STEMFEITE: OSHANA

15 ure gelede | Politiek

Die infografiek lig Ondangwa se verkiesingsuitslae uit. In 2014 het Swapo 86% van alle stemme in die kiesafdeling gewen.

Weer vir 5 Desember 2019

15 ure gelede | Weer

WEERWAAK: Donderstorms van 50 mm en meer oor 24 uur kan kitsvloede in Ohangwena, Otjozondjupa, Khomas en Omaheke veroorsaak.BINNELAND: Gedeeltelik bewolk en baie warm...

PDM steek skadukabinet aan die werk

15 ure gelede | Politiek

Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.Volgens hom gaan...

Vervoerpionier se roudiens Saterdag

15 ure gelede | Mense

Francoise Steynberg - Die roudiens van ’n pionier en legende in die Namibiese vervoer- en toerismebedryf, wyle mnr. Willie du Toit (68), vind Saterdag om...

Namibiër vlieg agter rooikuifloerie aan

15 ure gelede | Omgewing

Francoise Steynberg - Ná die skaars rooikuifloerie (Musuphaga rossae) onlangs vir die eerste keer langs die Kavangorivier ontdek is, het ’n kranige Namibiese vryskutfotograaf en...