S&P verwag swak groei vir Afrika suid van die Sahara
Die internasionale kredietgraderingsagentskap S&P verwag ekonomiese toestande vir lande in Afrika suid van die Sahara gaan in 2017 moeilik bly.
In sy Sub-Saharan Africa Sovereign Rating Trends 2017-verslag van die kredietgraderingsagentskap, Standard & Poor's (S&P) word gesê hy gradeer tans 17 lande vergeleke met 12 in 2008 en twee in 2000.
Sy siening oor die ekonomieë in die streek hou verband met die afhanklikheid van die lande op hulpbronne en stadiger groei in van hul belangrikste uitvoermarkte, insluitend China en Europa.
In die afgelope ses maande is vier lande (Mosambiek, die Republiek van die Kongo, Nigerië en Rwanda) afgradeer.
Van die 17 lande wat gegradeer word, is 15 op rommelstatus.
Die enigstes op beleggingstatus is Botswana en Suid-Afrika.
Die meeste van die lande se instellings word as swak geag, met die uitsondering van Botswana, Kaap Verde, Senegal en Suid-Afrika wat 'n neutrale ontleding gekry het.
Die meeste van die lande se ekonomiese strukture kry 'n ontleding wat as swak beskou word, hoofsaaklik weens die lae BBP per capita.
“Al is Suid-Afrika vergeleke met die ander gevorderd en het hy 'n gediversifiseerde ekonomie, glo ons sy ekonomiese struktuur is swak weens sy baie swak groei tans in BBP per capita.”
Suid-Afrika is ook die enigste land in die streek wat 'n goeie ontleding kry vir sy monetêre buigsaamheid.
“Suid-Afrika het 'n lang en geloofwaardige geskiedenis van die hou by inflasieteikens en om sy swewende wisselkoers te behou,” lui die verslag.
S&P het in Desember Suid-Afrika se staatskuld in rand van BBB+ tot BBB verlaag weens die stadige ekonomiese groei en betreklik groot fiskale finansieringsbehoeftes.
S&P het 'n negatiewe vooruitsig op Suid-Afrika se binnelandse en buitelandse skuld.
“Die grootste uitdaging vir Suid-Afrika in 2017 is om 'n manier te vind om BBP-groei en BBP-groei per capita te verhoog sodat werksgeleenthede en die belastingbasis sonder oormatige afhanklikheid van eksterne finansiering kan verbeter.
“Dit kan egter moeilik wees gegewe die skeefgetrekte ekonomie met vaardighede wat wanaangepas is en 'n historiese afhanklikheid van 'n paar gekonsentreerde ekonomiese sektore soos mynwese, kleinhandel en die motorbedryf.”
Net Suid-Afrika, Mosambiek en Ghana het in 2016 in die internasionale mark staatseffekte uitgereik.
Volgens S&P is een rede daarvoor dat die uitreiking van staatseffekte in euro gedaal het omdat die risiko van eksterne finansieringskoste lande na hul plaaslike kapitaalmarkte laat terugkeer het.
– Netwerk24
Sy siening oor die ekonomieë in die streek hou verband met die afhanklikheid van die lande op hulpbronne en stadiger groei in van hul belangrikste uitvoermarkte, insluitend China en Europa.
In die afgelope ses maande is vier lande (Mosambiek, die Republiek van die Kongo, Nigerië en Rwanda) afgradeer.
Van die 17 lande wat gegradeer word, is 15 op rommelstatus.
Die enigstes op beleggingstatus is Botswana en Suid-Afrika.
Die meeste van die lande se instellings word as swak geag, met die uitsondering van Botswana, Kaap Verde, Senegal en Suid-Afrika wat 'n neutrale ontleding gekry het.
Die meeste van die lande se ekonomiese strukture kry 'n ontleding wat as swak beskou word, hoofsaaklik weens die lae BBP per capita.
“Al is Suid-Afrika vergeleke met die ander gevorderd en het hy 'n gediversifiseerde ekonomie, glo ons sy ekonomiese struktuur is swak weens sy baie swak groei tans in BBP per capita.”
Suid-Afrika is ook die enigste land in die streek wat 'n goeie ontleding kry vir sy monetêre buigsaamheid.
“Suid-Afrika het 'n lang en geloofwaardige geskiedenis van die hou by inflasieteikens en om sy swewende wisselkoers te behou,” lui die verslag.
S&P het in Desember Suid-Afrika se staatskuld in rand van BBB+ tot BBB verlaag weens die stadige ekonomiese groei en betreklik groot fiskale finansieringsbehoeftes.
S&P het 'n negatiewe vooruitsig op Suid-Afrika se binnelandse en buitelandse skuld.
“Die grootste uitdaging vir Suid-Afrika in 2017 is om 'n manier te vind om BBP-groei en BBP-groei per capita te verhoog sodat werksgeleenthede en die belastingbasis sonder oormatige afhanklikheid van eksterne finansiering kan verbeter.
“Dit kan egter moeilik wees gegewe die skeefgetrekte ekonomie met vaardighede wat wanaangepas is en 'n historiese afhanklikheid van 'n paar gekonsentreerde ekonomiese sektore soos mynwese, kleinhandel en die motorbedryf.”
Net Suid-Afrika, Mosambiek en Ghana het in 2016 in die internasionale mark staatseffekte uitgereik.
Volgens S&P is een rede daarvoor dat die uitreiking van staatseffekte in euro gedaal het omdat die risiko van eksterne finansieringskoste lande na hul plaaslike kapitaalmarkte laat terugkeer het.
– Netwerk24
Kommentaar
Republikein
Geen kommentaar is op hierdie artikel gelaat nie