Saldanha Staal: Twee kopers stel glo belang

“Bemoedig deur vroeë tekens van belangstellings”

03 December 2019 | Afrika
Nellie Brand-Jonker



Ten minste twee kopers het hul belangstelling uitgespreek om Saldanha Staal van ArcelorMittal Suid-Afrika (Amsa) te koop.

Die departement van handel, nywerheid en kompetisie, het in ’n verklaring gesê twee partye het aan hom die belangstelling uitgespreek om die aanleg te koop.

Amsa het 11 November aangekondig Saldanha Staal gaan gesluit word nadat sy bedrywighede hersien is.

Ebrahim Patel, die minister van handel en nywerheid, het ’n dringende beroep op Amsa gedoen om voort te gaan om met die nasionale regering en ander belangegroepe saam te werk om die besluit om te keer en oplossings te vind om die aanleg in bedryf te hou.

Patel het gesê as geen oplossing gevind word nie, moet hulle dit oorweeg om die aanleg te verkoop.

Die regering is baie bekommerd oor hoeveel mense hul werk gaan verloor as die aanleg gesluit word.

Die voornemende kopers is van plan om ’n aanbod vir die aanleg te maak. Patel moedig Amsa aan om die aanbiedings te oorweeg.

“Ons is bemoedig deur dié vroeë tekens van belangstellings in Saldanha Staal. Indien Amsa van voorneme is om ondanks ons teenkanting die aanleg te sluit, dring ons daarop aan dat hulle aktief en openlik met voornemende kopers skakel en aan hulle voorwaardes bied wat sal verseker dat die staalwerke oop bly en werksgeleenthede bied aan die plaaslike gemeenskap.”

SAMESPREKINGS

Volgens hom volg die besluit van Amsa om Saldanha te sluit en 1 000 werkers af te dank ondanks wesenlike pogings van die regering om die maatskappy te ondersteun om werkverlies in al sy bedrywighede te voorkom en met die bedrywighede by die aanleg voort te gaan.

Sedert die aankondiging het die departement saam met die departement van openbare ondernemings en Eskom en Transnet met die bestuur van Amsa geskakel om ondersteuning aan die maatskappy en spesifiek Saldanha Staal te gee om energie- en vervoerkoste te verlaag.

Die regering het samesprekings met ystererts- en steenkoolprodusente sowel as georganiseerde arbeid gefasiliteer om oplossings te vind om koste te verlaag om werkverliese te voorkom. Die gekombineerde ondersteuningspakket wat deur die regering aangebied is, het gewissel van konsessies op die pryse van ystererts en elektrisiteit-, water- en spoortariewe. Dit sou aansienlike kostebesparings opgelewer het.

“Amsa het egter vir nog meer ondersteuning gevra as wat reeds gegee is.

“Die regering het Amsa die afgelope paar jaar ondersteun deur middel van die tariefbeskerming op invoer en die aanwysing van Suid-Afrikaanse staal vir infrastruktuurprojekte van die staat. Dit het die maatskappy direk gebaat.

“Ons het begin met die ontwikkeling van ’n meesterplan vir die staal- en metaalwaardeketting in Suid-Afrika, wat maatstawwe aan die vraag en aanbodkant sal insluit en om groter mededingendheid en dinamiek na die bedryf te bring.

“’n Aantal inisiatiewe word beplan om groter vraag vir staal deur die openbare én private sektor aan te spoor, en om die koste in die bedryf te verbeter,” het Patel gesê. – Netwerk24

Soortgelyk

 

69 nuwe gevalle stoot bevestigde gevalle op tot 1...

9 ure gelede | Gesondheid

Die aantal bevestigde Covid-19-gevalle in die land het vandag met 69 tot 1 687 opgeskuif. Volgens die minister van gesondheid en maatskaplike dienste (MoHSS) dr....

Covid-19-gevalle styg met 96 tot 1 618

1 dag gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

1 dag gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

2 dae gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

2 dae gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

2 dae gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

2 dae gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

2 dae gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

2 dae gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....