Sacky roskam tradisionele howe
Die minister van justisie fokus op gemeenskapshowe, waarvan die werksaamhede tot stilstand gekom het.
Augetto Graig
Die minister van justisie, mnr. Sacky Shanghala, se fokus het aan die einde van Mei op tradisionele howe, veral dié van die Ondonga- en Kambazembi-gemeenskap, geval.
In 'n nuusverklaring wat op 31 Mei deur die ministerie uitgereik is, sê Shanghala meer as een tradisionele hof per tradisionele gemeenskap sal nie geduld word nie.
Die ministerie het daarop klem gelê dat tradisionele howe afsonderlik van tradisionele owerhede funksioneer, en nie soos die owerhede onder Wet 25 van 2000 val nie, maar onder die Wet op Gemeenskapshowe no. 10 van 2003.
“Hoewel interne twis binne tradisionele owerhede bestaan wat na die tradisionele howe kan versprei omdat beide dieselfde werknemers het, moet dit nie met die funksionering van gemeenskapshowe inmeng raak nie,” lui die verklaring.
Wanneer tradisionele howe nie behoorlik funksioneer nie word die gemeenskap gedwing om die naaste landdroshof te nader.
Dít laat die hoeveelheid sake op die hofrol toeneem en vertraag die werking van die regstelsel, sê die ministerie.
Die minister se besoeke was daarop gemik om die Ondonga- en Kambazembi-gemeenskapshowe reg te ruk.
In Ondonga het Shanghala opdrag gegee dat die direktoraat van regsdienste en die klerk van die hof ondersoek instel na besonderhede oor regeringsbates, uitstaande en onvoltooide hofsake en beskikbare regters en assessors wie se name in die Staatskoerant verskyn.
Niemand mag 'n regter of assessor se pligte in 'n tradisionele hof uitvoer tensy die individu in daardie posisie aangestel is en sy of haar naam in die Staatskoerant verskyn nie.
Volgens die minister behels dít 'n strafregtelike oortreding en volgens Shanghala sal hy in so 'n geval klagte aanhangig maak en die aanklaer-generaal aanmoedig om die individu te vervolg.
Shanghala het personeel van die Ondonga-gemeenskapshof geskors en 'n sperdatum aan die Ondonga- tradisionele owerheid gegee om toegang tot dié hof te herstel.
Indien daar nie gehoor gegee word aan dié datum nie, sal Shanghala 'n nuwe gebou en aanvangsdatum vir die hofverrigtinge vasstel, sê die ministerie.
As die Ondonga-owerheid nie meer in hul eie tradisionele hof belangstel nie, sal die minister die hof se bestaan herroep, lui die verklaring voorts.
Shanghala moet nog 'n finale besluit oor die Kambazembi- tradisionele hof maak, wat glo op twee verskillende plekke funksioneer onder regters van wie die name nie in die Staatskoerant verskyn nie.
Hy het glo vir vyf ure die redes aangehoor waarom dié hof nie meer in werking is nie.
Die minister van justisie, mnr. Sacky Shanghala, se fokus het aan die einde van Mei op tradisionele howe, veral dié van die Ondonga- en Kambazembi-gemeenskap, geval.
In 'n nuusverklaring wat op 31 Mei deur die ministerie uitgereik is, sê Shanghala meer as een tradisionele hof per tradisionele gemeenskap sal nie geduld word nie.
Die ministerie het daarop klem gelê dat tradisionele howe afsonderlik van tradisionele owerhede funksioneer, en nie soos die owerhede onder Wet 25 van 2000 val nie, maar onder die Wet op Gemeenskapshowe no. 10 van 2003.
“Hoewel interne twis binne tradisionele owerhede bestaan wat na die tradisionele howe kan versprei omdat beide dieselfde werknemers het, moet dit nie met die funksionering van gemeenskapshowe inmeng raak nie,” lui die verklaring.
Wanneer tradisionele howe nie behoorlik funksioneer nie word die gemeenskap gedwing om die naaste landdroshof te nader.
Dít laat die hoeveelheid sake op die hofrol toeneem en vertraag die werking van die regstelsel, sê die ministerie.
Die minister se besoeke was daarop gemik om die Ondonga- en Kambazembi-gemeenskapshowe reg te ruk.
In Ondonga het Shanghala opdrag gegee dat die direktoraat van regsdienste en die klerk van die hof ondersoek instel na besonderhede oor regeringsbates, uitstaande en onvoltooide hofsake en beskikbare regters en assessors wie se name in die Staatskoerant verskyn.
Niemand mag 'n regter of assessor se pligte in 'n tradisionele hof uitvoer tensy die individu in daardie posisie aangestel is en sy of haar naam in die Staatskoerant verskyn nie.
Volgens die minister behels dít 'n strafregtelike oortreding en volgens Shanghala sal hy in so 'n geval klagte aanhangig maak en die aanklaer-generaal aanmoedig om die individu te vervolg.
Shanghala het personeel van die Ondonga-gemeenskapshof geskors en 'n sperdatum aan die Ondonga- tradisionele owerheid gegee om toegang tot dié hof te herstel.
Indien daar nie gehoor gegee word aan dié datum nie, sal Shanghala 'n nuwe gebou en aanvangsdatum vir die hofverrigtinge vasstel, sê die ministerie.
As die Ondonga-owerheid nie meer in hul eie tradisionele hof belangstel nie, sal die minister die hof se bestaan herroep, lui die verklaring voorts.
Shanghala moet nog 'n finale besluit oor die Kambazembi- tradisionele hof maak, wat glo op twee verskillende plekke funksioneer onder regters van wie die name nie in die Staatskoerant verskyn nie.
Hy het glo vir vyf ure die redes aangehoor waarom dié hof nie meer in werking is nie.
Kommentaar
Republikein
Geen kommentaar is op hierdie artikel gelaat nie