SA: Vertroue in landbou 9 j. laas so lank negatief

Kommer oor bek-en-klouseer

09 December 2019 | Landbou
Nellie Brand-Jonker – Die vertroue in die landbousektor is nou reeds ses kwartale negatief, die langste tydperk aaneen sedert 2010.

Die vertroue, wat gemeet word met die Agbiz/IDC-indeks, is nou op 44 punte vergeleke met 46 punte in die derde kwartaal.

’n Vlak onder 50 toon die landbousektor is negatief oor saketoestande in die land.

Dit is die langste wat dit onder 50 punte was sedert 2010, volgens Wandile Sihlobo, hoofekonoom van Agbiz.

“Die indeks toon die ongunstige beleidsomgewing en weerstoestande vir landbou. Ongelukkig kan albei hierdie faktore in 2020 voortduur en ’n verdere wanprestasie deur die landbou-ekonomie tot gevolg hê.”

Volgens hom is die landbou-ekonomie in ’n resessie wat deur dieselfde faktore veroorsaak word.

Die peiling is in November uitgevoer.

Die indeks word uit tien onderafdelings opgestel, wat bedryfswins en poste insluit. Die meeste van die onderafdelings het bygedra tot laer sakevertroue in die landbousektor en is swak vergeleke met die langtermyn-gemiddelde. Die indeks word sedert 2001 opgestel.

So het van die onderafdelings wat reeds negatief is, geval:

Die siening oor winsgewendheid het met net 1 punt tot 44 punte gedaal. Vertroue is veral swak onder maatskappye wat in gebiede bedrywig is waar veldgewasse geproduseer en met vee geboer word. Dit dui daarop dat die swak oeste van somer- en wintergewasse sentiment oor wins aftrek. In die geval van die veebedryf het die jongste uitbreek van bek-en-klouseer ook vertroue oor winsgewendheid ondermyn.

Die vertroue oor uitvoer het van 50 punte tot 39 punte geval. Dit hou verband met die vrese oor die droogte en dat dit tot swak oeste gaan lei wat weer uitvoer gaan benadeel. Graanoeste het in die somerseisoen van verlede jaar met dubbelsyfers geval van die vorige seisoen af. Kommer dat bek-en-klouseer tot ’n grootskaalse verbod op uitvoer gaan lei, het bygedra tot die negatiewe sentiment.

Die siening oor ekonomiese toestande in die land het met 15 punte tot 9 punte geval. Dit is die swakste vlak sedert die tweede kwartaal van 2016.

Landboutoestande het weer tot 31 punte geval nadat dit in die vorige kwartaal van dié vlak tot 42 punte herstel het weens die vooruitsig van goeie somerreën. “Dit is hoofsaaklik weens die drastiese verandering in die vooruitsig oor die weer en die moontlikheid van droogte in dele van Suid-Afrika, tesame met die laat somerreëns wat aanplantings vertraag het.”

Die voorsiening vir slegte skuld en finansieringskoste wat met skuld in die landbousektor te doen het, het met 4 punte tot 34 gestyg. Dit is ’n slegte teken omdat dit toon dat landboumaatskappye onder finansiële druk is. – Netwerk24

Soortgelyk

 

Covid-19: 5de nuwe geval binne 4 dae

16 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

3 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

3 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

3 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

3 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

3 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

3 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

3 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

3 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...