SA skuur skouers met baie op dié lys van Moody's

Negatiewe vooruitsig vir volgende graderingsbesluit

10 January 2017 | Ekonomie
SA skuur skouers met groot lande soos China en Brittanje wat op die lys is van lande wat die internasionale kredietgraderingsagentskap Moody's moontlik vanjaar gaan afgradeer.

Die toename in politieke risiko en stygende staat­skuld het daartoe gelei dat Moody's nou die meeste lande in jare op dié lys het van lande met 'n negatiewe vooruitsig vir die volgende graderingsbesluit.

In Europa ly lande nog onder die stres van Brexit asook komende verkiesings, terwyl China, Suid-Afrika en Brasilië in die proses is om hul ekonomieë te heroriënteer.

Boonop moet daar met Donald Trump, aangewese Amerikaanse president, se eerste paar maande aan die bewind rekening gehou word.

“'n Kwart van die lande se staatskuld het 'n negatiewe vooruitsig vir die volgende kredietgraderingsbesluit. Dit is die meeste nog sedert 2012,” sê Alastair Wilson, 'n topbestuurslid van Moody's.

Laas toe daar so baie lande op die lys was, was tydens die piek van die ­euro-krisis.

Die onmiddellike druk is dalk nie so hewig soos toe nie, maar die lande is baie meer wyd verspreid, volgens hom.

“Ek dink dit is op 'n manier meer kommerwekkend.”

Die top-name op die waglys ten opsigte van graderingsbesluite wat vanjaar geneem kan word, sluit in Brittanje, Italië, China, Suid-­Afrika, Mexico en Brasilië.



Kommer oor nog 'n Brexit

Moody's gaan 2 Junie en 22 September Brittanje se kredietgradering hersien.

Teen daardie tyd behoort hy al 'n beter idee te hê hoe die skeiding met die Europese Unie verloop en of Brittanje sy AAA-kredietgradering moet verloor.

“Brexit is negatief vir die Verenigde Koninkryk uit 'n kredietoogpunt, maar die vraag is hoe negatief dit is. Ons sal eers in die komende paar maande of jaar weet wanneer die onderhandelinge in erns begin.”

Oor Italië het hy gesê politieke onsekerheid is 'n bron van kommer.

Volgens hom is enige teken dat die euro verder opgebreek kan word, soos met Brittanje ook 'n risiko.

Die politieke party Five Star van Italië het ook al gesê die land moet die euro­gebied verlaat.

“'n Land wat die eurogebied verlaat gaan baie negatief wees vir krediteure van staatskuld, dus as ons iets sien wat aandui die risiko neem toe . . . gaan dit negatief vir die gradering wees,” het Wilson gesê.



Chinese balanseertoertjie

China is ook 'n bron van kommer vir Moody's.

Die land se kredietgradering het sedert Maart 2016 op 'n negatiewe vooruitsig.

Sy probleme sluit in staatsmaatskappye wat te veel skuld het en eiendomspryse wat in groot stede oorverhit het. Boonop gaan die land vanjaar van leierskap verander.

Volgens hom het Beijing 'n dilemma, want hy moet ekonomiese groei volhou en finansiële en politieke stabiliteit, maar terselfdertyd moet sy ekonomie hervorm word.

“Die negatiewe vooruitsig toon die onsekerheid. Dit toon die kommer dat die uitslag van Beijing se beleidstappe meer ondersteunend vir groei en stabiliteit gaan wees as vir hervorming.”



Oë op Donald Trump

Die grootste onsekerheid vir 2017 is wat die impak gaan wees wanneer Donald Trump vandeesmaand aan die bewind kom in Amerika.

“Ons sal dit dophou en probeer verstaan wat met beleid gaan gebeur. Dit kan weke duur of maande,” het Wilson gesê. – Reuters

Soortgelyk

 

Theo Mujoro is nuwe hoof van verkiesings

17 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

18 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

19 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

19 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

19 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

1 dag gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

1 dag gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

1 dag gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

1 dag gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...