SA se Giniel los voor in die Dakar

10 January 2019 | Sport
Johann Verster - Suid-Afrika se Meneer Bestendigheid, die Dakar-held Giniel de Villiers, het Dinsdag sy stempel in vanjaar se Dakar-veldtydren in Suid-Amerika afgedruk en die voortou geneem, al het hy nie Maandag se openingsneltrajek óf Dinsdag se tweede sneltrajek gewen nie.

Net toe 'n mens sou begin dink Peugeot se oorheersing in die Dakar die afgelope drie jaar is verby, het die Franse tydrenheld Sebastien Loeb, wat in November in die WRX-renne op Killarney kom jaag het, 'n verpletterende vertoning in die Dakarren gelewer en die tweede sneltrajek met bykans twee minute gewen.

Agter hom was Nani Roma (Spanje) in sy Mini, gevolg deur Bernard Ten Brinke en De Villiers albei in 'n Hilux van die Toyota Gazoo Suid-Afrika-renspan, met die Mini's van Yaseen Al Rajhi van Saoedi-Arabië en Cyril Despres van Frankryk op hul hakke.

Die tweede dag se skof van 552 km word as die eerste ware uitdaging van die vanjaar se Dakar beskou en het 'n sneltrajek van 342 km van Pisco na San Juan de Marcona oor reusagtige sandduine ingesluit.

Die motorbrigade het sonder die voordeel van motorfietsspore gejaag en letterlik die roete oopgery – iets wat die klem op akkurate navigasiewerk geplaas het.

De Villiers en sy navigator, die Duitser Dirk von Zitzewitz, het 'n puik dag in die kajuit gehad en die algehele voortou na die skof ingeneem.

Hul Toyota Hilux-spanmaat Ten Brinke is nou algeheel tweede met die Mini-jaers Al Rajhi en Roma volgende, gevolg deur Loeb, wat sy agterstand ná die eerste dag met sy oorwinning op die tweede dag gehalveer het.

Die Suid-Afrikaanse debuutjaers Shameer Variawa en Zaheer Bodhanya het 'n stadige wegspring gehad en 'n paar plekke in die openingsgedeelte teruggesak, maar die Nissan Navara-span het Dinsdagmiddag 'n sterk eindlopie gehad en van 74ste by die wegspring tot 54ste by die halfpadmerk gevorder.

Die legendariese Dakar-jaer Stéphane Peterhansel het 20 minute stilgestaan om noodherstelwerk aan sy Mini te doen en het ver teruggesak, terwyl die oornagvoorloper, Nasser Al Attiyah van die Toyota Gazoo SA-renspan, gesukkel en voortdurend tyd verloor het.

Hy was uiteindelik elfde agter Harry Hunt (Peugeot), Carlos Sainz (Mini), die Peruaanse jaer Nikolas Fuchs in 'n Proto en Vladimir Vasiliev in 'n Toyota Hilux.

MOTORFIETSE

Die tweewielstryd het Dinsdag agter die motors gewoed met die Amerikaanse jaer Ricky Brabec wat vroeg die pas op sy Honda aangegee het voor die Oostenrykse KTM-jaer en verlede jaar se wenner, Matthias Walkner.

Hulle is gevolg deur die Honda van Kevin Benavides, die KTM-jaers Toby Price van Australië, die Brit Sam Sunderland en Joan Barreda op nog 'n Honda.

Walkner het egter by Brabec verbygebeur om die sneltrajek te wen, met Barreda tweede, Price derde en Pablo Quintanilla (Husqvarna) vierde. Sunderland was uiteindelik vyfde.

Die nuwelingjaer van Botswana, Ross Branch, het vriend en vyand beïndruk deur sy KTM onder die voorste 20 te hou met die Suid-Afrikaanse jaer Kenny Gilbert wat die agterhoede op sy Husqvarna gedek en regdeur die dag opgeskuif het.– Netwerk24

Soortgelyk

 

Manlike pasiënt 'twee keer' besny

16 minute gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

16 minute gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

16 minute gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

16 minute gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

16 minute gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

16 minute gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...

Aanleg les binnekort weer dors

16 minute gelede | Regering

Elvira Hattingh - Windhoek se WinGoc-aanleg (Windhoek Goreangab Operating Company) sal na verwagting binne dae weer drinkwater aan Windhoekers kan verskaf. Terselfdertyd beplan die munisipaliteit...

Wetsontwerp terug parlement toe

16 minute gelede | Ministeries

Ogone Tlhage – Die wet op staatsondernemings sal na verwagting eersdaags weer in die Nasionale Vergadering (NV) vir finale insette voorgelê word, mnr. Leon Jooste,...

Carmakers seek electric car sounds for post-petrol era

16 minute gelede | Motors

Edward Taylor - Carmakers are dreaming up futuristic electric car engine sounds to ensure that pedestrians can hear vehicles that lack audible cues like high-revving,...