SA Reserwebank: Geveg dreig oor R741 mjd.

'Ek behoort nie my tyd hiermee te mors nie'

04 September 2018 | Afrika
Lesetja Kganyago, president van die Reserwebank, maak hom reg vir 'n geveg om die bank se reserwes van R741 miljard te beskerm.

Die ANC het agt maande gelede besluit die Reserwebank moet deur die staat besit word.

Die Reserwebank is een van 'n handvol sentrale banke, waaronder dié van Switserland en Japan, wat nog in private besit is.

Kganyago sê die belangrikste kwessie bly vir hom om die onafhank­likheid en mandaat van die Reserwebank te beskerm as nasionalisering plaasvind. Die reserwes, wat miljarde rand beloop, kan egter in die gedrang kom en kan 'n regsgeding meebring wat jare kan duur.

Gegrond op sy huidige aandeelprys is die aandele van die Reserwebank omtrent net R20 miljoen werd.

Volgens Kganyago sê sommige aandeelhouers die bank se bates behoort aan hulle en hulle moet vergoed word daarvoor as die regering die instelling nasionaliseer. “Sommige aandeelhouers wil betaal word om weg te gaan. Wys my die geld, wys my die geld, is hul benadering.”

Sowat 8% van die 770 aandeel­houers is buitelanders.
GRONDWET VERANDER

Jannie Rossouw, hoof van ­ekonomie en sakewetenskappe aan die ­Univer­siteit van die Witwatersrand, meen beleggers wat dink hulle is geregtig op 'n deel van die reserwes, is verkeerd. Hy besit aandele en is 'n voor­malige sekretaris van die ­Reserwebank.

Elke aandeelhouer mag net 10 000 aandele hou en het geen sê in die ­monetêre beleid nie. Hulle kan vir sewe van die bank se tien nie-uitvoerende direkteure stem.

Kganyago het verlede jaar die voorstel van die openbare beskermer (OB) teengestaan om die Reserwebank se grondwet te verander om sy inflasieteiken-mandaat te verwyder.

Die EFF het verlede maand 'n wetsontwerp ter tafel gelê om die ­Reserwebank in staatsbesit te kry.

“Is dit 'n Trojaanse perd,” vra Kganyago.

“As dit daartoe lei dat daar 'n debat is oor die mandaat van die bank en sy onafhanklikheid – kyk net wat het met Turkye gebeur, kyk na Argentinië en Venezuela. As jy 'n voorbeeld in Afrika soek, kyk na Zimbabwe.”

“As hulle met ons onafhanklikheid wil peuter, gaan daar 'n geveg wees. Maar dit is die verkeerde tyd vir 'n geveg. Daar is genoeg on­stuimigheid in die opkomende markte wat my besig hou. Ek behoort nie my tyd hiermee te mors nie,” sê Kganyago.

Die rand het verlede maand tot sy swakste vlak teen die dollar geval nadat probleme in Turkye oorgespoel het na ander opkomende markte.
– Netwerk24/Bloomberg

Soortgelyk

 

Vier wildehonde proe vryheid

16 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

16 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

16 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

16 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

16 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

16 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

16 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

16 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

16 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...