SA man kry doodstraf in Viëtnam vir dwelmhandel

30 August 2018 | Afrika
’n Suid-Afrikaanse man is Dinsdag in Viëtnam – een van die lande wat die strafste teen dwelmhandelaars optree – skuldig bevind en ter dood veroordeel.

Volgens die nuuswebblad Makuhwa het ’n staatskoerant berig dat Tyron Lee Coetzee (34) ter dood veroordeel is nadat hy in Junie 2016 op die Tan Son-lughawe in hegtenis geneem is. Die polisie het 1,46 kg kokaïen in sy bagasie gevind.

VNExpress het in Mei vanjaar berig dat Coetzee in die hof gesê het dat ’n Nigeriese man, ene Oden, hom US$3 500 belowe het as hy die kokaïen vervoer. Hy het ook beweer dat hy aan skisofrenie ly.

Sy saak was daarna vir sielkundige waarneming uitgestel.

Wanneer iemand met 600 g of meer kokaïen of heroïen betrap word, is dit strafbaar met die dood.

Newswebindia berig dat die Viëtnamese owerhede aan Reuters gesê het die polisie het sedert die begin van die jaar 13 000 dwelmverwante sake gehanteer. In dié tydperk is 18 500 dwelmsmokkelaars aangekeer en op 880 kg heroïen, 414 kg tik, asook 13 ton dagga en opium beslag gelê. – Netwerk24

Soortgelyk

 

ACC soek vir Rooies

1 uur gelede | Misdaad

Denver Kisting - Die Teenkorrupsiekommissie (ACC) het Maandagmiddag ’n verklaring uitgereik waarin hy die publiek vra om te help om die oudlanddros, mnr. Rooies Mostert,...

Ma, seun van Reho in hof ná tref-en-trap

6 ure gelede | Howe

Denver Kisting – ’n 45-jarige ma van Rehoboth verskyn na verwagting vandag saam met haar tienerseun in die landdroshof op dié dorp.Dít kom nadat die...

Hondelewe vir stropers

16 ure gelede | Ministeries

Francoise Steynberg op Waterberg - Pas ná die ministerie van die omgewing en toerisme met die opleiding van hul honde-eenheid teen stropery begin het, het...

NBC verdrink in skuld

16 ure gelede | Tegnologie

Augetto GraigDie voortslepende arbeidsgeskil by die nasionale uitsaaier (NBC) besorg mnr. Stanley Simataa, minister van inligting en kommunikasietegnologie, hoofbrekens, het hy gesê. “Die NBC verdrink...

PDM beraadslag oor grond

16 ure gelede | Politiek

Augetto Graig - Die nasionale uitvoerende komitee van die amptelike opposisieparty, die Popular Democratic Movement (PDM), het Vrydagaand in voorbereiding op die komende nasionale grondkonferensie...

Weer vir 14 September 2018

16 ure gelede | Weer

BINNELAND: Meestal sonnig en baie warm. KUS: Gedeeltelik bewolk en koud tot matig met miskolle in die oggend op plekke. GETYE BY...

Noodvoedselbank vir hospitale sonder kos

16 ure gelede | Gesondheid

Henriette Lamprecht – ‘n Noodvoedselbank is in die Erongostreek geskep as ‘n tydelike oplossing vir die voedseltekorte wat tans in alle staatshospitale in die streek...

Hoop vir die wilde perde

16 ure gelede | Omgewing

Die wilde perde by Garub in die Suide is ’n vulletjie ryker. Volgens ’n verklaring van die Namibië Wildeperdestigting is die vulletjie se trotse ouers...

Namibiërs trotseer Bolivia se pieke

16 ure gelede | Mense

Elvira Hattingh - Twee kleinneefs, mnre. Gerhard Jacobs en Harmen Potgieter, het onlangs uit Bolivia teruggekeer nadat hulle van die eerste Namibiërs geword het om...