SA ken van hoendervleis produseer

16 April 2019 | Landbou
Elvira Wood - Suid-Afrika is een van die wêreld se mededingendste lande waar dit kom by die ­produksie van braaihoenders.

Dis geen wonder nie, want luidens die Suid-Afrikaanse Pluimveevereniging (Sapa) verorber Suid-Afrikaners sowat 28 miljoen hoenders in 'n week.

Luidens 'n studie wat deur die Buro vir Voedsel en Landboubeleid gedoen is, is Suid-Afrika die sesde mededingendste land uit 16 wat by die peiling ingesluit is met die produksie van braaihoenders.

Die studie wys dat dit tussen 10% en 20% goedkoper is om 'n braaihoender in Suid-Afrika te produseer as wat dit is om dit in lande soos Nederland, Duitsland, Frank­ryk, Brittanje, Italië, Spanje en Denemarke – almal lid van die Europese Unie (EU) – te produseer.

Die EU word in dié studie as 'n enkele produsent beskou.

Brasilië en die VSA – die wêreld se twee grootste hoenderprodusente – produseer hul braaihoenders egter steeds teen 'n laer prys as wat Suid-Afrikaanse boere kan.

Voer, arbeid, behuising en die koste daarvan om hoenders te slag is deur die buro gebruik om die totale produsenteprys van 'n braaihoender te bereken.

“Die navorsing wys egter dat Suid-Afrikaanse braaihoenderprodusente al hoe meer doeltreffend raak. Hulle produseer byvoorbeeld meer braaihoenders per werker, gebruik voer beter en produseer hoenders wat meer weeg teen die tyd wanneer dit geslag word,” lui die navorsingsverslag.

Die buro het amptelike bedryfsyfers van 2017 vir sy studie gebruik en dit met dié van 2015 vergelyk.

Die navorsing wys egter dat Suid-Afrikaanse braaihoenderprodusente al hoe meer doeltreffend raak.

Invoer

Die buro wys daarop dat Suid-Afrikaanse braaihoenderprodusente geen ander keuse het as om meer mededingend te word nie, gesien die groot hoeveelheid hoendervleis wat ingevoer word.

Sy syfers wys dat waar 86% van die hoendervleis wat tussen 2000 en 2015 in Suid-Afrika geëet is, plaas­lik geproduseer is, dié syfer tot 27% tussen 2010 en 2017 gedaal het.

Sapa en ander belangegroepe soos FairPlay, wat hom vir 'n billike handelsomgewing beywer, voer lank reeds 'n stryd met die regering oor die groot hoeveelhede hoendervleis wat na Suid-Afrika ingevoer word.

Daar is veral 'n probleem wat betref die invoer van bevrore hoenderstukke.

FairPlay voer aan daar is verskeie lande wat hoenderstukke goedkoop in Suid-Afrika stort omdat daar nie 'n groot genoeg aanvraag daarvoor in hul plaaslike mark is nie.

Hoewel dié “hoenderoorlog” die prys van hoendervleis in Suid-Afrika laer druk, is dit nie noodwendig goed vir die verbruiker nie.

FairPlay waarsku dat daar geen beheer is oor wat met die gevriesde hoendervleis gebeur of hoe dit vervoer word nie. Dit beteken dit kan 'n groot gesondheidsgevaar vir Suid-Afrikaanse verbruikers inhou.

Hoender is verreweg die goedkoopste vleis tans beskikbaar in Suid-Afrika.

Luidens South African Market Insights kos hoender tans gemiddeld R47,19 per kg afhangende van waar in Suid-Afrika dit gekoop word. Dit teenoor lamstjops – die duurste soort vleis – wat tans sowat R159,40 per kg of meer kos.

Hoender verteenwoordig sowat 65% van alles vleisverbruik in Suid-Afrika. – Netwerk24

Soortgelyk

 

Etosha Sondagmiddag deur aardbewing geskud

9 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

9 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

10 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

10 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

11 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

22 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

22 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

22 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

22 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...