SA geweld: Pasop vir vals inligting

Namibiërs gemaan om waaksaam te wees

05 September 2019 | Misdaad
Ronelle Rademeyer - Namibië se hoë kommissaris in Suid-Afrika, mnr. Veiccoh Nghiwete, het kort ná ’n beroep op Namibiërs om waaksaam te wees en plekke van geweldpleging in die buurland te vermy, ook teen vals inligting en foto- en videomateriaal in die sosiale media gemaan.

“Die situasie (in Suid-Afrika) is nie buite beheer nie. Dit is nie hopeloos nie. Geen Namibiër is, sover ons kon vasstel, in geweldpleging teen buitelanders beseer of doodgemaak nie,” het hy benadruk.

Nghiwete het laat Dinsdag ’n waarskuwing uitgereik waarin hy Namibiërs in Gauteng en ander dele van Suid-Afrika versoek het om waaksaam te wees.

Hy waarsku Namibiërs om plekke te vermy waar onluste woed.

Voorvalle van geweld en plundering het in die Pretoriase middestad en Marabastad, die Johannesburgse middestad, Hillbrow, Turffontein, Jeppestown, Malvern en Tembisa voorgekom.

“Ons versoek mense om nie hul veiligheid in gevaar te stel nie.”

Volgens hom word valslik in die sosiale media aangevoer ‘n Namibiër was die slagoffer in ’n video wat wys hoe ‘n man in Suid-Arika aan die brand gesteek is.

“Daar is baie valse inligting wat versprei word. Van die foto’s wat ons nou sien, is in Januarie 2018 geneem,” sê Nghiwete.

Hy sê vanweë Namibië en Suid-Afrika se historiese bande is daar deurlopend Namibiërs wat die buurland vir werk of vakansie besoek, terwyl baie jongmense daar studeer.

“Dit is vir ons baie moeilik om te sê presies hoeveel Namibiërs daar tans in Suid-Afrika is. Ons is egter in verbinding met die owerhede om seker te maak Namibiërs is veilig,” het hy by navraag uit Pretoria gesê.

Intussen het die Suid-Afrikaanse minister van polisie, mnr. Bheki Cele, Dinsdag gesê dit is onnodig om lede van die Suid-Afrikaanse weermag in Gauteng te ontplooi om xenofobiese geweldpleging te voorkom, berig Netwerk24.

Hy het by ‘n nuuskonferensie in Johannesburg gesê die polisie kan die situasie self hanteer.

Volgens Netwerk24 is vyf mense dood sedert die gewelddadige onluste Sondag in dele van Johannesburg uitgebreek het. Meer as 90 mense is in hegtenis geneem.

News24 berig Cele het Dinsdag in Jeppestown, een van die gebiede wat geraak word, met gemeenskapsleiers vergader.

Hy het vir geduld en kalmte gevra tot die naweek sodat kwessies in die gebied gehanteer kan word.

Inwoners het gekla die naweek is nog te ver en die probleme moet dadelik gepak word.

[email protected]

Soortgelyk

 

Kenner van familieondernemings kom lewer praatjie

8 ure gelede | Kuns en vermaak

Een van Suid-Afrika se voorste kenners van familieondernemings lewer Vrydagoggend op uitnodiging van die kultuurorganisasie, Netwerk, ‘n ontbytpraatjie by Am Weinberg Hotel in Windhoek.Prof. Elmarie...

Nog water vir Hardap en ses ander

8 ure gelede | Omgewing

Elvira Hattingh - Ses nasionale damme ontvang steeds water, met ‘n sewende een wat gister om 16:00 óók nog water gekry het.Volgens NamWater se jongste...

Oudpres. Hosni Moebarak van Egipte sterf

9 ure gelede | Internasionaal

Die voormalige Egiptiese president Hosni Moebarak is dood, het die staatstelevisie berig.Hy was 91.Moebarak is in 2011 ontsetel ná 'n bewind van sowat 30 jaar....

Nege vas oor renosterhorings

10 ure gelede | Misdaad

Nege verdagtes is verlede week in verband met renosterstropery of -horingsmokkelary in hegtenis geneem. Volgens die wildmisdaadverslag van 17 tot 23 Februarie is beslag op...

Gesoek: Namibiërs wat in China woon, studeer

12 ure gelede | Ministeries

Die Namibiese ambassade in China is in die lig van die uitbreking van die corona virussiekte (covid 19) besig om sy lys op te dateer...

Ministerie bemagtig mans én vroue

12 ure gelede | Ministeries

Die algemene siening dat die ministerie van geslagsgelykheid en kinderwelsyn net vir vroue en kinders is, is onwaar en onproduktief. “Sommige mans dink hierdie ministerie...

Damme voller

23 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

23 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Weerlig slaan meisie (11) dood

23 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...