SA betaal miljoene om lid te wees van organisasies
Luidens Sisulu se parlementêre antwoord het die land vanjaar US$13 miljoen (sowat R186,3 miljoen) betaal om ’n lid van die VN te wees.
Llewellyn Prince - Suid-Afrika het vanjaar gesamentlik meer as R770 miljoen betaal om aan net sewe internasionale organisasies soos die Verenigde Nasies (VN) en die Afrika-unie (AU) te kan behoort.
Die grootste deel, sowat R433,1 miljoen, is deur die departement van internasionale betrekkinge en samewerking (Dirco) vir die land se lidmaatskap aan die AU betaal.
Dié bedrag is ook net vir die ledegelde aan organisasies waarvoor Dirco verantwoordelik is en sluit nie dié in wat ander staatsdepartemente ook jaarliks moet betaal aan internasionale agentskappe, fondse óf programme waarvan hulle lede is nie.
Lindiwe Sisulu, minister van internasionale verhoudinge en samewerking, het die inligting in ’n parlementêre antwoord bekend gemaak wat Dinsdag deur die parlement uitgereik is.
Dit volg nadat Ngwanamakwetle Mashabela, ’n EFF-LP, vroeër in ’n parlementêre vraag by Sisulu wou weet wat Suid-Afrika altesaam betaal aan elke internasionale organisasie waarvan dit ’n lid is.
VOORREGTE EN VOORDELE
Sisulu voer in haar antwoord aan dat om by ’n internasionale organisasie aan te sluit en die voorregte en voordele daarvan te kan geniet, kom met finansiële verpligtinge vir enige land.
Volgens haar is Suid-Afrika tans ’n lid van verskeie internasionale organisasies.
“Dirco is verantwoordelik vir die administrasie van Suid-Afrika se verhoudinge met die groot multilaterale en streeksorganisasies soos die VN, die AU, die Suider-Afrikaanse Ontwikkelingsgemeenskap (SAOG) en die Statebond.
“Die bedrae wat genoem word, is ’n aanduiding van die berekende lidmaatskapsbydraes wat Suid-Afrika in 2018 moes betaal.
“Ander nasionale departemente is verantwoordelik vir hul ledegelde vir lidmaatskap aan internasionale gespesialiseerde agentskappe, fondse en programme.”
Luidens Sisulu se parlementêre antwoord het die land vanjaar US$13 miljoen (sowat R186,3 miljoen) betaal om ’n lid van die VN te wees.
Ander nasionale departemente is verantwoordelik vir hul ledegelde vir lidmaatskap aan internasionale gespesialiseerde agentskappe, fondse en programme.
Dit sluit volgens haar assessering vir die gereelde begroting, vredesendings en strafregtelike tribunale in.
ONTWIKKELINGSPROGRAM
Dan het die land daarby ook US$504 448 (sowat R7,2 miljoen) betaal om aan die VN se ontwikkelingsprogram te behoort.
Verder is US$30,3 miljoen (sowat R433 miljoen) deur Suid-Afrika betaal om aan die AU te behoort.
’n Verdere US$500 000 (R7,1 miljoen) is betaal om aan die Nuwe Vennootskap vir Afrika se Ontwikkeling (Nepad) te behoort.
Lidmaatskap aan die Afrika-portuurhersieningsmeganisme (APRM) het die land vanjaar sowat US$200 000 (R2,8 miljoen) gekos.
Vir Suid-Afrika se lidmaatskap aan die Afrika-kommissie vir Kernkrag is vanjaar US$162 492 (sowat R2,3 miljoen) opgedok.
Suid-Afrika het ook US$8,4 miljoen (ongeveer R120,8 miljoen) in 2018 betaal om aan die SAOG te kan behoort.
Lidmaatskap aan die Statebond het Suid-Afrika volgens Sisulu £442 138 (sowat R7,9 miljoen) gekos. – Netwerk24
Die grootste deel, sowat R433,1 miljoen, is deur die departement van internasionale betrekkinge en samewerking (Dirco) vir die land se lidmaatskap aan die AU betaal.
Dié bedrag is ook net vir die ledegelde aan organisasies waarvoor Dirco verantwoordelik is en sluit nie dié in wat ander staatsdepartemente ook jaarliks moet betaal aan internasionale agentskappe, fondse óf programme waarvan hulle lede is nie.
Lindiwe Sisulu, minister van internasionale verhoudinge en samewerking, het die inligting in ’n parlementêre antwoord bekend gemaak wat Dinsdag deur die parlement uitgereik is.
Dit volg nadat Ngwanamakwetle Mashabela, ’n EFF-LP, vroeër in ’n parlementêre vraag by Sisulu wou weet wat Suid-Afrika altesaam betaal aan elke internasionale organisasie waarvan dit ’n lid is.
VOORREGTE EN VOORDELE
Sisulu voer in haar antwoord aan dat om by ’n internasionale organisasie aan te sluit en die voorregte en voordele daarvan te kan geniet, kom met finansiële verpligtinge vir enige land.
Volgens haar is Suid-Afrika tans ’n lid van verskeie internasionale organisasies.
“Dirco is verantwoordelik vir die administrasie van Suid-Afrika se verhoudinge met die groot multilaterale en streeksorganisasies soos die VN, die AU, die Suider-Afrikaanse Ontwikkelingsgemeenskap (SAOG) en die Statebond.
“Die bedrae wat genoem word, is ’n aanduiding van die berekende lidmaatskapsbydraes wat Suid-Afrika in 2018 moes betaal.
“Ander nasionale departemente is verantwoordelik vir hul ledegelde vir lidmaatskap aan internasionale gespesialiseerde agentskappe, fondse en programme.”
Luidens Sisulu se parlementêre antwoord het die land vanjaar US$13 miljoen (sowat R186,3 miljoen) betaal om ’n lid van die VN te wees.
Ander nasionale departemente is verantwoordelik vir hul ledegelde vir lidmaatskap aan internasionale gespesialiseerde agentskappe, fondse en programme.
Dit sluit volgens haar assessering vir die gereelde begroting, vredesendings en strafregtelike tribunale in.
ONTWIKKELINGSPROGRAM
Dan het die land daarby ook US$504 448 (sowat R7,2 miljoen) betaal om aan die VN se ontwikkelingsprogram te behoort.
Verder is US$30,3 miljoen (sowat R433 miljoen) deur Suid-Afrika betaal om aan die AU te behoort.
’n Verdere US$500 000 (R7,1 miljoen) is betaal om aan die Nuwe Vennootskap vir Afrika se Ontwikkeling (Nepad) te behoort.
Lidmaatskap aan die Afrika-portuurhersieningsmeganisme (APRM) het die land vanjaar sowat US$200 000 (R2,8 miljoen) gekos.
Vir Suid-Afrika se lidmaatskap aan die Afrika-kommissie vir Kernkrag is vanjaar US$162 492 (sowat R2,3 miljoen) opgedok.
Suid-Afrika het ook US$8,4 miljoen (ongeveer R120,8 miljoen) in 2018 betaal om aan die SAOG te kan behoort.
Lidmaatskap aan die Statebond het Suid-Afrika volgens Sisulu £442 138 (sowat R7,9 miljoen) gekos. – Netwerk24
Kommentaar
Republikein
Geen kommentaar is op hierdie artikel gelaat nie