Só maak jy met woestynolifante

28 February 2017 | Omgewing
Tanja Bause - Die organisasie Elephant Human Relations Aid (EHRA) het veiligheidswenke met die publiek gedeel wat in die Ugabrivier en -omgewing toer of woon, en met woestynolifante in aanraking kom.

Besoekers en inwoners word versoek om nie met vrugte en veral sitrus­vrugte in hul voertuie rond te ry nie.

Volgens EHRA kan olifante die vrugte van ver af ruik.

Omdat die olifante al voorheen deur mense gevoer is, sal hulle tot by voertuie beweeg op soek na kos - wat baie gevaarlik vir insittendes is.

Indien die olifante te naby aan 'n voertuig kom, moet die insittendes hande klap en in 'n kalm stemtoon met die diere praat.

“Wees rustig en praat in 'n kalm, normale stemtoon sodat die olifante­ besef daar is mense in die voertuig. Hulle sal self aanbeweeg. Moet nooit histeries raak of skree nie, dit kan die olifante paniekerig maak en hulle kan dan aggressief raak,” sê me. Rachel Harris van EHRA.

Sy waarsku mense om te alle tye in hul voertuie te bly en stil te bly.

“Bly altyd windaf en ten minste 100 meter van die olifante af. Sodra die diere senuweeagtig begin lyk of hul koppe begin skud, ry weg en los hulle uit.”

Selfone, voertuigradio's en ander elektroniese geluide moet afgeskakel word.

Besoekers moet by kampeerplekke oornag wat die plaaslike gemeenskappe,­ wat hul omgewing met die olifante deel, ondersteun.

“Dit is baie belangrik dat mense nie die olifante volg wanneer die diere aanbeweeg nie. Moenie snags rondloop of -ry nie en moet nooit 'n olifant voer nie.”

Volgens Harris het 'n inwoner van een van die plaaslike gemeenskappe wat in die Ugabrivier se omgewing bly, vertel sy onthou uit haar kinderjare saam met die olifante dat hulle altyd hande geklap het en in 'n gewone stemtoon met die diere gepraat het.

“Die olifante het nooit aggressief geraak nie en aanbeweeg.”

Harris het vertel van haar eie ervaring met Voortrekker, 'n groot olifantbul wat in die middel van EHRA se kamp vir byna vier ure gestaan en vreet het.

“Ons wou begin werk en het toe ons hande geklap en met hom gepraat. Hy het onmiddellik omgedraai en weggeloop.”

Die belangrikste ding is om kalm te bly en nie te skree nie, sê Harris.

Moet ook nooit 'n olifant met klippe gooi nie.

“Dit is belangrik dat mense onthou hul optrede teenoor die olifante bepaal ook die diere se gedrag teenoor die volgende mense wat hulle teëkom.

“Wanneer hulle dan 'n voertuig vol toeriste teëkom en die voertuig is te na aan hulle, of die mense maak hulle kwaad, gaan die olifante kwaad wees wanneer hulle na die volgende nedersetting stap.

“Dit plaas dié mense in onnodige gevaar.

“Toeriste moet altyd onthou dié gemeenskappe woon in tradisionele kleihutte en daar is skole in die omgewing,” sê Harris.

Inwoners van die omgewing word versoek om snags 'n vuur buite hul hutte te laat brand sodat die olifante weet daar is mense.

Hulle moet ook nie water of gras in hul hutte hou nie, maar eerder buite, omdat die olifante dit kan ruik.

“'n Boer van die omgewing het vertel hy brand saans bokkiemis. Die reuk daarvan domineer die reuk van die water en gras wat in sy huis is,” sê sy.

Inwoners word voorts aangemoedig om eerder by vriende oor te slaap wanneer hulle gaan kuier as om in die donker terug te loop huis toe.

“Olifante beweeg baie stil en saggies en mens sal hulle nie in die donker sien nie. Kom mens en olifant so op mekaar af en albei skrik, kan dit erge nagevolge hê!”

Harris beklemtoon olifante is vreedsame diere, maar as mense aggressief teenoor hulle optree en hulle bang maak, sal hulle ook selfverdedigend en aggressief optree.

EHRA gaan 'n gratis opleidingseminaar vir inwoners van die omgewing aanbied.

Dit vind op 17 Maart plaas. Skakel (064) 402 501 vir meer besonderhede.

Soortgelyk

 

Covid-19: 20 sterftes, 151 nuwe gevalle

5 ure gelede | Gesondheid

Die ministerie van gesondheid en maatskaplike dienste het twintig nuwe Covid-19-sterftes aangemeld, die meeste daarvan op Gobabis (13 sterftes), wat dié sterftesyfer op 3 884...

Hardap se sluise dalk vanaand getrek

7 ure gelede | Omgewing

Die Hardapdam kan dalk laat vanaand 70% van sy kapasiteit bereik, wat beteken dié suidedam se sluise sal getrek moet word. Die dam was om...

Botswana-weermag nie aanspreeklik vir sterftes

8 ure gelede | Howe

Landdros Taboka Mopipi het beslis dat Botswsana se weermag (BDF) nie aanspreeklik gehou kan word vir die sterftes van die Nchindo-broers en hul neef, wat...

Vyf damme kry water

12 ure gelede | Omgewing

Teen gistermiddag om 14:50 het die Hardapdam nog sowat 289,3 m³ water per sekonde ingekry, terwyl nog drie ander nasionale damme sedert Maandag ‘n inloop...

Erkenning vir selfdegeslaghuwelike afgekeur

22 ure gelede | Howe

Drie regters in die Windhoekse hoërhoof het ‘n aansoek van die hand gewys om selfdegeslaghuwelike te erken tussen twee Namibiërs en hul buitelandse eggenotes. Hulle...

Lelies begin Sondag blom

22 ure gelede | Omgewing

Belangstellendes kan Sondag weer die lelieskouspel op die plaas Sandhof naby Maltahöhe bewonder wanneer die blomme na verwagting in die kleipan sal begin blom. Die...

Nóg reën word voorspel

22 ure gelede | Weer

Henriette Lamprecht – Met die weerprofete wat nóg reën voorspel, is dit veral die suidelike en sentrale gedeeltes van Namibië wat juig oor hul reënmeters...

Oranje: Oorstromings ‘haas onafwendbaar’

22 ure gelede |

Ronelle Rademeyer – ’n Volgende vloedgolf is in die Benede-Oranjerivier op pad en oewerboere is volgens berigte in die Suid-Afrikaanse media gewaarsku oorstroming lyk nou...

Weer vir 20 Januarie 2021

22 ure gelede | Weer

WEERWAAK: Tref voorsorg teen wyd verspreide donderbuie.BINNELAND: Gedeeltelik bewolk en warm in die Namib en die Zambezi- en Omaheke-streke met enkele buie. Elders bewolk en...