Sê jou sê voor grondkonferensie
Streeksrade moet van volgende week af konsultasies reël ter voorbereiding van die tweede nasionale grondkonferensie.
Augetto Graig
Die ratte het begin knars in die aanloop tot die tweede nasionale grondkonferensie.
Die eerste minister, me. Saara Kuugongelwa-Amadhila, het amptelik die streekskonsultasies aangekonding met betrekking tot dié konferensie wat in Oktober gehou word.
Die eerste hiervan, waar burgers die geleentheid sal hê om hul standpunte te stel en insette te gee oor die brandende grondkwessie wat betref toegang en eienaarskap, begin op 19 Julie.
Volgens die eerste minister word die konsultasies gedoen om groter betrokkenheid en inklusiwiteit te verseker met betrekking tot kwessies van grondhervorming en administrasie in Namibië.
Kuugongelwa-Amadhila het gesê die hoofdoel van die grondkonferensie is om vordering met besluite geneem gedurende die eerste grondkonferensie in 1991 te vergelyk. Destyds is 24 resolusies aangeneem en sluit onder meer in dat volle restitusie van voorvaderlike grondeise onmoontlik is; buitelanders nie eiendom in Namibië mag besit nie; ongebruikte kommersiële plaasgrond hertoegewys sal word; en grond afgevat sal word indien die eienaar nie daarop woon nie.
Die eerste minister se kantoor is die gasheer vir die konferensie wat in Windhoek gehou sal word.
Kuugongelwa-Amadhila het gesê by die geleentheid sal ondersoek gedoen word na hoe om die resolusies vinniger toe te pas en ander grondkwessies wat intussen opgeduik het.
Tans word die grondkonferensie gereël deur 'n hoëvlak-komitee van 32 lede gewerf uit regeringsbeamptes, boereverenigings, vakbonde, akademici, nie-regeringsorganisasies, tradisionele owerhede, kerke, bewaringsorganisasies, gemeenskapsleiers, jeugorganisasies en politieke partye.
“Ek versoek die nasie om die grondkonferensie as 'n belangrike platform te beskou vir die progressiewe en objektiewe gesprek gemik op vriendskaplike en lewensvatbare oplossings vir die grondkwessie in ons land,” het die eerste minister gesê. “Ek moedig ook alle belanghebbers aan om deel te neem aan die streekskonsultasies en insette te lewer.”
Die eerste van die konsultasies is van 19 tot 21 Julie in Windhoek, en op 12 en 20 Julie in Keetmanshoop, Swakopmund, Omuthiya, Eenhana, Rundu en Opuwo. Gobabis, Mariental, Otjiwarongo, Oshakati, Outapi, Nkurenkuru en Katima Mulilo is op 26 en 27 Julie aan die beurt.
Verslae van hierdie konsultasies sal as hulpbronne gebruik word gedurende die grondkonferensie.
Vir meer inligting oor presies waar die konsultasies plaasvind, moet belanghebbers die kantoor van die permanente sekretaris van grondhervorming of hul hoofstreekbeampte kontak.
Volgens mnr. Clement Mafwila, hoofbeampte van die Khomasstreek, is die meeste uitnodigings aan deelnemers in Khomas reeds gestuur en die konsultasies sal die Kavambo Nujoma-saal van die streek se hoofkantoor plaasvind. Weens die perseel se beperkte ruimte is net 300 mense genooi. Hy het gesê as enige iemand anders ook die geleentheid wil bywoon, kan die persoon by sy kantoor navraag doen.
Die ratte het begin knars in die aanloop tot die tweede nasionale grondkonferensie.
Die eerste minister, me. Saara Kuugongelwa-Amadhila, het amptelik die streekskonsultasies aangekonding met betrekking tot dié konferensie wat in Oktober gehou word.
Die eerste hiervan, waar burgers die geleentheid sal hê om hul standpunte te stel en insette te gee oor die brandende grondkwessie wat betref toegang en eienaarskap, begin op 19 Julie.
Volgens die eerste minister word die konsultasies gedoen om groter betrokkenheid en inklusiwiteit te verseker met betrekking tot kwessies van grondhervorming en administrasie in Namibië.
Kuugongelwa-Amadhila het gesê die hoofdoel van die grondkonferensie is om vordering met besluite geneem gedurende die eerste grondkonferensie in 1991 te vergelyk. Destyds is 24 resolusies aangeneem en sluit onder meer in dat volle restitusie van voorvaderlike grondeise onmoontlik is; buitelanders nie eiendom in Namibië mag besit nie; ongebruikte kommersiële plaasgrond hertoegewys sal word; en grond afgevat sal word indien die eienaar nie daarop woon nie.
Die eerste minister se kantoor is die gasheer vir die konferensie wat in Windhoek gehou sal word.
Kuugongelwa-Amadhila het gesê by die geleentheid sal ondersoek gedoen word na hoe om die resolusies vinniger toe te pas en ander grondkwessies wat intussen opgeduik het.
Tans word die grondkonferensie gereël deur 'n hoëvlak-komitee van 32 lede gewerf uit regeringsbeamptes, boereverenigings, vakbonde, akademici, nie-regeringsorganisasies, tradisionele owerhede, kerke, bewaringsorganisasies, gemeenskapsleiers, jeugorganisasies en politieke partye.
“Ek versoek die nasie om die grondkonferensie as 'n belangrike platform te beskou vir die progressiewe en objektiewe gesprek gemik op vriendskaplike en lewensvatbare oplossings vir die grondkwessie in ons land,” het die eerste minister gesê. “Ek moedig ook alle belanghebbers aan om deel te neem aan die streekskonsultasies en insette te lewer.”
Die eerste van die konsultasies is van 19 tot 21 Julie in Windhoek, en op 12 en 20 Julie in Keetmanshoop, Swakopmund, Omuthiya, Eenhana, Rundu en Opuwo. Gobabis, Mariental, Otjiwarongo, Oshakati, Outapi, Nkurenkuru en Katima Mulilo is op 26 en 27 Julie aan die beurt.
Verslae van hierdie konsultasies sal as hulpbronne gebruik word gedurende die grondkonferensie.
Vir meer inligting oor presies waar die konsultasies plaasvind, moet belanghebbers die kantoor van die permanente sekretaris van grondhervorming of hul hoofstreekbeampte kontak.
Volgens mnr. Clement Mafwila, hoofbeampte van die Khomasstreek, is die meeste uitnodigings aan deelnemers in Khomas reeds gestuur en die konsultasies sal die Kavambo Nujoma-saal van die streek se hoofkantoor plaasvind. Weens die perseel se beperkte ruimte is net 300 mense genooi. Hy het gesê as enige iemand anders ook die geleentheid wil bywoon, kan die persoon by sy kantoor navraag doen.
Kommentaar
Republikein
Geen kommentaar is op hierdie artikel gelaat nie