Rys-mahangu-projek suksesvol afgehandel
Kleinboere kan nou 'n nuwe metode van wisselbou toepas wat hulle teen beide droogtes en vloede beskerm deur van die droogtebestande mahangu- en vloedbestande rysgewas gebruik te maak.
Die Japanse ambassadeur in Namibië, mnr. Hideyuki Sakamoto, het vroeër vandeesmaand die suksesvolle afhandeling van die Namibië-Japan rys-mahangu-projek aangekondig.
Dienooreenkomstig is die projekresultate aan mnr. Percy Misika, permanente sekretaris van die ministerie van landbou, water en bosbou, oorhandig.
Die projek het gesamentlike wetenskaplike navorsing tussen die Universiteit van Namibië (Unam) en die Kindai Universiteit in Japan behels – samewerking wat na verwagting teen Februarie aanstaande jaar tot 'n einde sal kom.
Die doel was om 'n nuwe metode van wisselbou te verken deur van die droogtebestande mahangu- en vloedbestande rysgewas gebruik te maak. Die nuwe metode moet kleinboere help met konstante landbouproduksie, ongeag wat weerstoestande vir Namibië bring.
Tydens die afgelope vyf jaar is toerusting ter waarde van N$2,2 miljoen soos 'n waterpomp, 'n kweekhuis, 'n voertuig en 'n rekenaar aan die Namibiese regering geskenk. Terselfdertyd is verskeie vaardighede deur middel van opleiding en proewe aan Namibiese akademici, beamptes by die ministerie asook kleinboere in die noordelike kommunale gebied oorgedra.
Al hierdie inligting is ook in 'n handleiding saamgevat, wat in beide Engels en Oshiwambo gepubliseer is. Voorts sal Sakamoto die handleiding ook aan die ministerie oorhandig.
Dienooreenkomstig is die projekresultate aan mnr. Percy Misika, permanente sekretaris van die ministerie van landbou, water en bosbou, oorhandig.
Die projek het gesamentlike wetenskaplike navorsing tussen die Universiteit van Namibië (Unam) en die Kindai Universiteit in Japan behels – samewerking wat na verwagting teen Februarie aanstaande jaar tot 'n einde sal kom.
Die doel was om 'n nuwe metode van wisselbou te verken deur van die droogtebestande mahangu- en vloedbestande rysgewas gebruik te maak. Die nuwe metode moet kleinboere help met konstante landbouproduksie, ongeag wat weerstoestande vir Namibië bring.
Tydens die afgelope vyf jaar is toerusting ter waarde van N$2,2 miljoen soos 'n waterpomp, 'n kweekhuis, 'n voertuig en 'n rekenaar aan die Namibiese regering geskenk. Terselfdertyd is verskeie vaardighede deur middel van opleiding en proewe aan Namibiese akademici, beamptes by die ministerie asook kleinboere in die noordelike kommunale gebied oorgedra.
Al hierdie inligting is ook in 'n handleiding saamgevat, wat in beide Engels en Oshiwambo gepubliseer is. Voorts sal Sakamoto die handleiding ook aan die ministerie oorhandig.
Kommentaar
Republikein
Geen kommentaar is op hierdie artikel gelaat nie