Russiese magsvertoon vir ‘grootskaalse konflik’

13 September 2018 | Internasionaal
Rusland het sy grootste militêre oefening sedert die Koue Oorlog gehou waaraan honderdduisende troepe, vir die eerste keer ook Chinese soldate, deelgeneem het.

Navo meen dit is ’n oefening vir “grootskaalse konflik”.

Die spanning tussen die Weste en Rusland bou die laaste tyd op weens onder meer die Skripal-saak in Brittanje.

Volgens die Russiese ministerie van verdediging is meer as 300 000 troepe, 36 000 tenks, 1 000 vliegtuie en 80 oorlogskepe, asook ondersteuningsvaartuie, betrokke by die massiewe militêre oefening, genaamd Vostok-2018, wat in die ooste van Siberië gehou word, berig Al Jazeera.

Die ministerie het beeldmateriaal uitgesaai van tenks, pantservoertuie, militêre helikopters en vliegtuie.

Die oogmerk is om die weermag se gereedheid te toets deur troepe oor groot afstande te vervoer, asook om vas te stel hoe infanterie met vlootbevelvoerders saamwerk, en hoe om die gesagstruktuur en prosedures te verbeter.

SCENARIO’S OEFEN

Later sal offensiewe en defensiewe scenario’s geoefen word.

Rusland sê 24 Chinese helikopters en ses vegvliegtuie is in die Russiese lugruim vir die oefening ontplooi.

China sê 3 200 lede van sy weermag neem deel aan die oefening.

Navo, Japan, Suid- en Noord-Korea en Amerika hou die oefening fyn dop. Amerika het ’n sterk militêre teenwoordigheid in Asië.

Die oefening val saam met die ontmoeting tussen pres. Wladimir Poetin van Rusland en sy Chinese eweknie, Xi Jinping, by die Oostelike Ekonomiese Forum in Wladiwostok.

Poetin sê hy het ’n goeie verhouding met China op alle vlakke. Xi sê hulle sal hul bande versterk. – Netwerk24

Soortgelyk

 

Hepatitis E woed landswyd voort

14 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

14 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

14 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

14 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

14 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

14 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

14 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

14 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

14 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...