Rundu: Verdrink in vullis of ly dors
Die munisipaliteit het besluit om voorkeur aan sy waterskuld te gee – ten koste van ander noodsaaklike dienste op dié Noordedorp.
Catherine Sasman - Rundu se strate en sypaadjies het in onooglike, stinkende vullishope ontaard omdat die dorpsraad noodsaaklike dienste afskeep.
Dít om sy skuld van N$60 miljoen aan NamWater te kan betaal.
Inwoners van die dorp het gesê vullisverwyderingsdienste het tot stilstand gekom, terwyl gemors langs paaie, in die riverbedding, voor regeringskantore, besighede en huise ophoop.
Eienaars van lodges sê toeroperateurs het intussen ook besluit om by Rundu as ‘n noordelike toeristebestemming verby te hou weens die toenemende stank van die dorp, wat Rundu van waardevolle inkomste beroof.
Mnr. Sikongo Haihambo, die dorpsraad se waarnemende uitvoerende hoof, het Vrydag (9 Nov) erken die vullishope is ‘n steen des aanstoots, maar het gesê dié omstandighede is te wyte aan die dorp se “inkomstesiklus”.
Die dorp betaal NamWater tans sowat N$4 miljoen per maand.
Sowat 30% daarvan word gebruik om sy waterskuld te delg en 70% om nog water aan te koop.
Haihambo sê die dorpsraad het besluit om voorkeur te gee aan die volgehoue verskaffing van water aan die dorp, terwyl ander dienste afgeskaal word.
Hy sê daar is eenvoudig net nie genoeg geld vir enigiets anders nie.
“Ons moes onsself afvra hoeveel geld ons vir ander dienste kan aanwend en hoeveel ons vir water moet aanwend. Water is ons eerste prioriteit,” sê hy.
Haihambo erken inwoners met munisipale rekeninge betaal steeds vir die verwydering van vullis, maar sê hierdie geld moet eenvoudig gebruik word om die waterrekening te betaal.
Die dorpsraad het tans twee lorries wat vullis bymekaarmaak en verwyder, maar Haihambo sê dit is onvoldoende.
“Rundu se dorpsraad is tans op moedverloor se vlakte. Ons moenie foute herhaal nie,” het hy gesê.
Rundu se water-ellendes het sowat agt tot tien jaar gelede weens die swak betaling van sy NamWater-rekening begin.
Haihambo het dít aan swak beplanning en implementering toegeskryf.
Hy sê die dorpsraad moet die gordel styf intrek wat voorraad betref, omdat die dorp se bevolking so vinnig groei.
Rundu se bevolkingsgroeikoers is tans 5,4% – effens laer as Windhoek s’n en heelwat hoër as die gemiddelde nasionale groeikoers van 4,2%.
Die bevolking het van 63 000 mense in 2011 na 85 700 in 2017 toegeneem en sal na verwagting teen die einde van hierdie jaar 90 000 bereik.
“Ons kan nie met diensverskaffing voorbly nie. Dalk moes ons beter beplan het, vir meer hulpbronne gesmeek het of meer geld gemaak het,” het Haihambo gesê, wat sedert 1 September vanjaar die pos van waarnemende uitvoerende hoof beklee.
Slegs 14 400 inwoners het munisipale rekeninge, waarvan 28% aan wanbetaling skuldig is.
Die res van die inwoners woon in huisies in die informele nedersettings en betaal nie munisipale heffings of tariewe nie.
Die instandhouding van paaie het ook agterweë gebly en selfs die paaie by die dorpsingang is beskadig, met gate wat daagliks groter raak.
Verbetering
Haihambo sê ten spyte van dié donker prentjie is dinge besig om te verbeter, en die dorpsraad het meer moed sedert hulle in September en Oktober betaal is.
Hy het gesê die dorpsraad oorweeg om op vrywilligers staat te maak om die dorp skoon te maak, en paaie tydelik te herstel.
Hy sê hy maak op die sakegemeenskap staat om lorries te verskaf om vullis te verwyder en vullishouers te skenk.
“Ons moet doen wat ons ookal kan, en ons het reeds daarmee begin,” het Haihambo gesê.
Dít om sy skuld van N$60 miljoen aan NamWater te kan betaal.
Inwoners van die dorp het gesê vullisverwyderingsdienste het tot stilstand gekom, terwyl gemors langs paaie, in die riverbedding, voor regeringskantore, besighede en huise ophoop.
Eienaars van lodges sê toeroperateurs het intussen ook besluit om by Rundu as ‘n noordelike toeristebestemming verby te hou weens die toenemende stank van die dorp, wat Rundu van waardevolle inkomste beroof.
Mnr. Sikongo Haihambo, die dorpsraad se waarnemende uitvoerende hoof, het Vrydag (9 Nov) erken die vullishope is ‘n steen des aanstoots, maar het gesê dié omstandighede is te wyte aan die dorp se “inkomstesiklus”.
Die dorp betaal NamWater tans sowat N$4 miljoen per maand.
Sowat 30% daarvan word gebruik om sy waterskuld te delg en 70% om nog water aan te koop.
Haihambo sê die dorpsraad het besluit om voorkeur te gee aan die volgehoue verskaffing van water aan die dorp, terwyl ander dienste afgeskaal word.
Hy sê daar is eenvoudig net nie genoeg geld vir enigiets anders nie.
“Ons moes onsself afvra hoeveel geld ons vir ander dienste kan aanwend en hoeveel ons vir water moet aanwend. Water is ons eerste prioriteit,” sê hy.
Haihambo erken inwoners met munisipale rekeninge betaal steeds vir die verwydering van vullis, maar sê hierdie geld moet eenvoudig gebruik word om die waterrekening te betaal.
Die dorpsraad het tans twee lorries wat vullis bymekaarmaak en verwyder, maar Haihambo sê dit is onvoldoende.
“Rundu se dorpsraad is tans op moedverloor se vlakte. Ons moenie foute herhaal nie,” het hy gesê.
Rundu se water-ellendes het sowat agt tot tien jaar gelede weens die swak betaling van sy NamWater-rekening begin.
Haihambo het dít aan swak beplanning en implementering toegeskryf.
Hy sê die dorpsraad moet die gordel styf intrek wat voorraad betref, omdat die dorp se bevolking so vinnig groei.
Rundu se bevolkingsgroeikoers is tans 5,4% – effens laer as Windhoek s’n en heelwat hoër as die gemiddelde nasionale groeikoers van 4,2%.
Die bevolking het van 63 000 mense in 2011 na 85 700 in 2017 toegeneem en sal na verwagting teen die einde van hierdie jaar 90 000 bereik.
“Ons kan nie met diensverskaffing voorbly nie. Dalk moes ons beter beplan het, vir meer hulpbronne gesmeek het of meer geld gemaak het,” het Haihambo gesê, wat sedert 1 September vanjaar die pos van waarnemende uitvoerende hoof beklee.
Slegs 14 400 inwoners het munisipale rekeninge, waarvan 28% aan wanbetaling skuldig is.
Die res van die inwoners woon in huisies in die informele nedersettings en betaal nie munisipale heffings of tariewe nie.
Die instandhouding van paaie het ook agterweë gebly en selfs die paaie by die dorpsingang is beskadig, met gate wat daagliks groter raak.
Verbetering
Haihambo sê ten spyte van dié donker prentjie is dinge besig om te verbeter, en die dorpsraad het meer moed sedert hulle in September en Oktober betaal is.
Hy het gesê die dorpsraad oorweeg om op vrywilligers staat te maak om die dorp skoon te maak, en paaie tydelik te herstel.
Hy sê hy maak op die sakegemeenskap staat om lorries te verskaf om vullis te verwyder en vullishouers te skenk.
“Ons moet doen wat ons ookal kan, en ons het reeds daarmee begin,” het Haihambo gesê.
Kommentaar
Republikein
Geen kommentaar is op hierdie artikel gelaat nie